الموضوع: وجد عينـــــي

بدون مقدمات

وجد عيني وجد من طاح فالماقف كسير=وجد من يبغي غريمه وطول مالقاه
وبري حالي من همومن على قلبي تغير=بري حالي من ضميرن تزايد في بلاه
من هواجيسن تجيني ولاترسل نذير=تفجع الخاطر وقلب العنى تلعن ثواه
تدهر وسط الضماير بشرن مستطير=ماتفارق مهجه القلب حتى فالصلاه
اتصبر مير مالي مفر ولامطير=ارجي اللي من ترجاه ماخيب رجاه
الهواء ياجاهلينه على العاشق خطير=من تمكن وسط قلبه بيبطي مانساه
من عشق مدعوجه العين ماسمع الشوير=مغلقن بيبان قلبه ولاينظر وراه
الهنوف اللي عقول البشر فيها تحير=حبها يسقي عروقي وخفاقي ملاه
عقب فرقاها مع الناس عميانن بصير=العيون اتشوف والقلب يمشي في عماه

صح لسانك ياسبيعي على القصيده الجزله

الله لايهينك ولاتحرمنا جديدك