الموضوع: قصة الشمري لشلعان بن ظافر الودعاني

طاب كيفي ورجلي زان ممشاهـا=والمعاني وزنها عـدل ميزانـي
مـا نبـي ناقـد بالنقـد يقفاهـا=خايف من بعض الاشخاص يقفاني
من شواذيبهـا عليـت مرقاهـا=نازله في منـازل كـل ديقانـي
ياحرار رفعهـا طيـب مجناهـا=من كرمها لها بالطيـب عنوانـي
تشبع اضعوفها من ظرب يمناهـا=تكسب المدح شيبانـن وشبانـي
مرحبـا عـد ماهلـت رفاياهـا=والتراحيب للقاصي مـع الدانـي
من بني عمنـا واللـي توحاهـا=وكل قرم إلي من جيت له جانـي
ليلة مـن ليـال العمـر فدناهـا=وقفتي بين ربعي تبعـد احزانـي
لابة للمراجـل تشقـح اخطاهـا=تكرم الضيف والجيران والعانـي
لابتي مايـدوس الضـد بحماهـا=من على عصر زايد وبن بدراني
لابتي زايـد الملطـوم منشاهـا=ممنة جارها مـن كـل عدوانـي
ترتفع روسنـا لامـن ذكرناهـا=ذا كلامي ونا مـن لاد ودعانـي
لاد ودعان راس الرجم مرقاهـا=كاسبين المراجل سـر وعلانـي
لابتي من يريـد العـز ينصاهـا=يستريح بذرا ذربيـن الايمانـي
قصت الشمري يانـاس محلاهـا=يوم ثور عسـام الجـو دخانـي
فوق سيارتـه والقـوم تشعاهـا=أجنـي وحيـد مامعـه ثـانـي
قل عزم المكينـه ونقطـع ماهـا=قال هـذا قعـد مافيـه عقلانـي
ياوداعيـن بحرقهـا وبنسـاهـا=والعوض عند ربي عالي الشانـي
عـودو لـه ولا واحـد تعداهـا=حذفو بالهـدوم طيـور حوانـي
شلحوهـا بنـي عمـي وشلاهـا=لابـة فالقـا مـاهـم بـذلانـي
والقنابـل تخطفهـم شظايـاهـا=مختلف واحد مـن لاد ودعانـي
حملوها ونار الحـرب تصلاهـا=اشهد انهـم مناعيـر وشجعانـي
عقب يومين في نجـران ملفاهـا=وشترو نقصها من سوق نجراني
ماتعـدو مكانـه ليـن شـداهـا=وشتغل صافين ماهوب خربانـي
ذي سوالف بني عمي شرحناهـا=ماضياتن لهـا فعـل وبرهانـي

للشاعر الكبير //
شلعان بن ظافر بن فهيد الجماعين الودعاني

بيض الله وجهك اخي طيف السهر

ولاهنت

ان هذا لن يزود في غلى شلعان رحمه الله رحمةً واسعه واسكنه فسيح جناته هو وجميع موتى المسلمين