مبارك بن شيبان (بن نملان)
04/05/2003, 20:29
للشعر حزّاةٍ يجي له توقّاد
**************** كنّه لهيبٍ قام يرسل شراره
ياتي على غرّه و من دون ميعاد
**************** و يدك دكّة صاعقٍ في الحجاره
حرارته فالصدر في شوي تزداد
**************** ما اقوا على حرّه و زود استعاره
ما عاد يهنالي شرابٍ ولا زاد
**************** و النوم يبطي عن عيوني مزاره
لين افتح لشعري سبيلٍ و ميراد
**************** واكتب على شفّه جزيل العباره
و ليا بديته كنّه الغيث هدّاد
**************** خطرٍ على صدري يفتّق ستاره
واصبح يجي حولي جماعات و افراد
**************** يشبه جنود الجيش لا شن غاره
حزّة عصيرٍ طاب شربه على مراد
**************** جعله بعد كيف التتن و الزقاره
وجّهت فكري لعذب القيل مرصاد
**************** انقى بديعه و اتنقى خياره
الشعر و اهل الشعر صيدٍ و صيّاد
**************** وما كل طيرٍ صاد ظبي و حباره
و اللي مع المقناص دومٍ و معتاد
**************** لا ضاع طيره وش تفيد الصقاره
و النار لولا النار ما فاد حدّاد
**************** و اللوح لولا اللوح صعب النجاره
و الدين يا اهل العرف فقهٍ مع ارشاد
**************** و النصح يلزم له نصوح و مهاره
هذي بيوتٍ خطّها كف قصّاد
**************** من شاعرٍ صدق القوافي شعاره
ثم عقبها برسل سلامٍ من فواد
**************** طيرٍ يسافر و المحاني مطاره
محبوب زوله من قريبين و بعاد
**************** هذا قليل وزبدة الهرج شاره
و الشعر ديوانٍ بلا طرس و جلاد
**************** مبغي محاصيلٍ و لا ابغي تجاره
صدق المشاعر تودع القلب ينقاد
**************** و ليا مليت البيت قطّع ازراره
وانا مانيب العب على عدّة ابعاد
**************** و الحر يفهم لا بدا له اشاره
حولٍ و فكري دوم سرداد مرداد
**************** وارجي براد الرد يطفى الحراره
وختامها عد الرمل فوق الانفاد
**************** وعداد ما نجمٍ يدور ابمداره
وعداد ما يحسب على الميل عدّاد
**************** وعداد ما كفٍّ تجوّد بطاره
و عداد من هو ساكنٍ بر و بلاد
**************** و عداد ما شنّت على القصر غاره
منّي لكم بازكى التحيات ترداد
**************** وصلوا على من جا بدين و بشاره
وسلامتك ___ وسلامة القراء
**************** كنّه لهيبٍ قام يرسل شراره
ياتي على غرّه و من دون ميعاد
**************** و يدك دكّة صاعقٍ في الحجاره
حرارته فالصدر في شوي تزداد
**************** ما اقوا على حرّه و زود استعاره
ما عاد يهنالي شرابٍ ولا زاد
**************** و النوم يبطي عن عيوني مزاره
لين افتح لشعري سبيلٍ و ميراد
**************** واكتب على شفّه جزيل العباره
و ليا بديته كنّه الغيث هدّاد
**************** خطرٍ على صدري يفتّق ستاره
واصبح يجي حولي جماعات و افراد
**************** يشبه جنود الجيش لا شن غاره
حزّة عصيرٍ طاب شربه على مراد
**************** جعله بعد كيف التتن و الزقاره
وجّهت فكري لعذب القيل مرصاد
**************** انقى بديعه و اتنقى خياره
الشعر و اهل الشعر صيدٍ و صيّاد
**************** وما كل طيرٍ صاد ظبي و حباره
و اللي مع المقناص دومٍ و معتاد
**************** لا ضاع طيره وش تفيد الصقاره
و النار لولا النار ما فاد حدّاد
**************** و اللوح لولا اللوح صعب النجاره
و الدين يا اهل العرف فقهٍ مع ارشاد
**************** و النصح يلزم له نصوح و مهاره
هذي بيوتٍ خطّها كف قصّاد
**************** من شاعرٍ صدق القوافي شعاره
ثم عقبها برسل سلامٍ من فواد
**************** طيرٍ يسافر و المحاني مطاره
محبوب زوله من قريبين و بعاد
**************** هذا قليل وزبدة الهرج شاره
و الشعر ديوانٍ بلا طرس و جلاد
**************** مبغي محاصيلٍ و لا ابغي تجاره
صدق المشاعر تودع القلب ينقاد
**************** و ليا مليت البيت قطّع ازراره
وانا مانيب العب على عدّة ابعاد
**************** و الحر يفهم لا بدا له اشاره
حولٍ و فكري دوم سرداد مرداد
**************** وارجي براد الرد يطفى الحراره
وختامها عد الرمل فوق الانفاد
**************** وعداد ما نجمٍ يدور ابمداره
وعداد ما يحسب على الميل عدّاد
**************** وعداد ما كفٍّ تجوّد بطاره
و عداد من هو ساكنٍ بر و بلاد
**************** و عداد ما شنّت على القصر غاره
منّي لكم بازكى التحيات ترداد
**************** وصلوا على من جا بدين و بشاره
وسلامتك ___ وسلامة القراء