الباسل
28/04/2003, 19:56
ماذعذع الغربي على جندل البيد=يومٍ وانا ماقلت ابوزيد وينه
هذه القصيده للشاعر الكبيرسعد بن ناصر بن هتيل المساعره في
الأمير الشاعر / محمد الأحمد السديري ‘ رحمهما الله جميعاً وأسكنهما فسيح جناته ‘
http://www.eqla3.com/sh3r/pictures/uI_0064.jpg
بالله دنوا لي من الطرس يافهيد=قرطاس يحصي من جوابي ثمينه
وهاتو قلم حبرٍ يصوغ التماديد=وحقٍ علي من كل هرجٍ سمينه
نوادرٍ ماهيب خطوى الهرابيد=من هيلشٍ يكفيه مدت جرينه
جواب أحلى من حليب المحاشيد=عطيف نوقٍ من حصينه بصينه
هرجٍ على معناه ماهوب تصفيد=يعرض وتثمينه على فاهمينه
تفصيل بيطارٍ بجد وتجويد=وعرفٍ يذب الشين ويطب زينه
أدل من مشقاص حدب البواريد=لاخصه الرامي على شوف عينه
قلته ولاقصدي يقولون قصيد=لاوالذي كل الملا مرتجينه
لاشك من بالٍ وزا فيه تنكيد=وعبر يهج الصدر زينه وشينه
صدرٍ وزا به مثل طق الحداحيد=كيرٍ هل الصنعات متحاودينه
عزاه ليت الصبر للبيع ويفيد=ويشرا لصدرٍ ضاق وافضا كنينه
وقتٍ غدا واغدا هله بالتقاليد=ولاعاد للطيب نهارٍ يبينه
ياركب هيا وانهجوبي لبوزيد=هيا ل ابا الجودات يامهتوينه
واليا لفيتوا عند ملفا الأجاويد=الله على كثر الملافي يعينه
مدوا سلامي للسديري تواديد=بلبً من الخاطر برفق وسكينه
وقولوا سلامٍ ياعشير الأواليد=ياللي لحاجات النشاما رهينه
يكرم لأجاويد .. ويادا مقاريد=ويجود بالحاضر وياخذ بدينه
لايابعد خطوى الشيوخ التقاليد=اللي ذهبهم للفنا خازنينه
حفاظة الدينار شيالة الكيد=والعذر من دون العطا محتسينه
قلته ولا انشد عن طوال العجاريد=اللي كلام الزور متعودينه
مداحة الخايب خمام القواصيد=تفً على ذيك الوجيه اللعينه
ماذعذع الغربي على جندل البيد=يومٍ وانا ماقلت ابوزيد وينه
حر الحماد اللي بتوعٍ على الصيد=كم نادرٍ عشاه مضرب يمينه
الأشقر اللي يفرج الصدر ويزيد=هني من شدة سبوقه يدينه
الصارم الصافي نحاس الملابيد=ماشافته عينه عثابه بحينه
بدر الثلاث البيض وافي المعاديد=هني عينه من صفا له جبينه
أبو خضير اللي لسفنه عواميد=يسعي معه من كل عينه سفينه
لاجيت خاطي بندر منه يافهيد=أسكن مع سكنه وربك ضمينه
في ساحته تلقى رجال الموافيد=الخيرين اللي خطاهم رزينه
ينصون شيخ ٍ عندهم منه تأكيد=من كل شيخان العرب محتضينه
حيثٍ ان لهم عنده حقوق ومراصيد=وياما فضا لعيونهم من خزينه
لاعدو الشيخان من زيد وعبيد=من كل قومٍ شيخنا عارفينه
الشيخ ابو زيدٍ ولابه مناشيد=والعلم منشورٍ على حاضرينه
قولوا صحيح يالفهود المجاليد=والا خطا واصمت ولو هي غبينه
والله لولا هرجةٍ دون تحديد=لا اقول ماجا في زمانه حتينه
هني من زاره من العيد للعيد=من قبل تالي الروح تقضي سنينه
هذه القصيده للشاعر الكبيرسعد بن ناصر بن هتيل المساعره في
الأمير الشاعر / محمد الأحمد السديري ‘ رحمهما الله جميعاً وأسكنهما فسيح جناته ‘
http://www.eqla3.com/sh3r/pictures/uI_0064.jpg
بالله دنوا لي من الطرس يافهيد=قرطاس يحصي من جوابي ثمينه
وهاتو قلم حبرٍ يصوغ التماديد=وحقٍ علي من كل هرجٍ سمينه
نوادرٍ ماهيب خطوى الهرابيد=من هيلشٍ يكفيه مدت جرينه
جواب أحلى من حليب المحاشيد=عطيف نوقٍ من حصينه بصينه
هرجٍ على معناه ماهوب تصفيد=يعرض وتثمينه على فاهمينه
تفصيل بيطارٍ بجد وتجويد=وعرفٍ يذب الشين ويطب زينه
أدل من مشقاص حدب البواريد=لاخصه الرامي على شوف عينه
قلته ولاقصدي يقولون قصيد=لاوالذي كل الملا مرتجينه
لاشك من بالٍ وزا فيه تنكيد=وعبر يهج الصدر زينه وشينه
صدرٍ وزا به مثل طق الحداحيد=كيرٍ هل الصنعات متحاودينه
عزاه ليت الصبر للبيع ويفيد=ويشرا لصدرٍ ضاق وافضا كنينه
وقتٍ غدا واغدا هله بالتقاليد=ولاعاد للطيب نهارٍ يبينه
ياركب هيا وانهجوبي لبوزيد=هيا ل ابا الجودات يامهتوينه
واليا لفيتوا عند ملفا الأجاويد=الله على كثر الملافي يعينه
مدوا سلامي للسديري تواديد=بلبً من الخاطر برفق وسكينه
وقولوا سلامٍ ياعشير الأواليد=ياللي لحاجات النشاما رهينه
يكرم لأجاويد .. ويادا مقاريد=ويجود بالحاضر وياخذ بدينه
لايابعد خطوى الشيوخ التقاليد=اللي ذهبهم للفنا خازنينه
حفاظة الدينار شيالة الكيد=والعذر من دون العطا محتسينه
قلته ولا انشد عن طوال العجاريد=اللي كلام الزور متعودينه
مداحة الخايب خمام القواصيد=تفً على ذيك الوجيه اللعينه
ماذعذع الغربي على جندل البيد=يومٍ وانا ماقلت ابوزيد وينه
حر الحماد اللي بتوعٍ على الصيد=كم نادرٍ عشاه مضرب يمينه
الأشقر اللي يفرج الصدر ويزيد=هني من شدة سبوقه يدينه
الصارم الصافي نحاس الملابيد=ماشافته عينه عثابه بحينه
بدر الثلاث البيض وافي المعاديد=هني عينه من صفا له جبينه
أبو خضير اللي لسفنه عواميد=يسعي معه من كل عينه سفينه
لاجيت خاطي بندر منه يافهيد=أسكن مع سكنه وربك ضمينه
في ساحته تلقى رجال الموافيد=الخيرين اللي خطاهم رزينه
ينصون شيخ ٍ عندهم منه تأكيد=من كل شيخان العرب محتضينه
حيثٍ ان لهم عنده حقوق ومراصيد=وياما فضا لعيونهم من خزينه
لاعدو الشيخان من زيد وعبيد=من كل قومٍ شيخنا عارفينه
الشيخ ابو زيدٍ ولابه مناشيد=والعلم منشورٍ على حاضرينه
قولوا صحيح يالفهود المجاليد=والا خطا واصمت ولو هي غبينه
والله لولا هرجةٍ دون تحديد=لا اقول ماجا في زمانه حتينه
هني من زاره من العيد للعيد=من قبل تالي الروح تقضي سنينه