ههيه هييه لا تسلم علي!!!!!!!؟؟؟؟؟

[Al-Mutalaq]

يلــي تسلــم لا متــى ويـن حــدي
وانا أتصبر والحشا فيه هوجاس
لا صــار ماضــميت يــدك بــيـدي
والله ما ينفع سلام ٍ مع الناس
مـا ودي افشـــي للمــخاليق سدي
ولا ترى صبر الفتى ماله اقياس
يافــاتنه بالزين خصـر ٍ وقــدي
وخدٍ مثل برقٍ وخدرات نعاس
غــلاك في قلــبي معزتك عندي
تازن جبال اطويق وبحور الالماس
نقشت حــبك نقــش وسـم ٍ لجدي
على ارقاب النوق للوقت نبراس
مايمسحـه طــول الدهــر مستبدي
احاول اخفي الحب والحب نساس
اعلنت انا له ذل عــقب التحدي
وانا عزيز النفس ما اوطي الراس
لكن ظروفي والهوى صار ضدي
وخضعت انا غصب واعلنت الافلاس
حب العذارى صعب والحب جدي
وانا صدوق الحب ماني بجساس
والله لــو الكيــف كيــفي اودي
لاصد قلبي عن هوا ضبي الاطعاس
لاني بسنــين له ولا هــو بقدي
بيني وبينه فرق والعرق دساس
قريــب جد وعــده ابجنب عــدي
جيره نسب ياقلب زادت بك اتعاس
الحظ طايح والنصــيب امتردي
يابنت وش لي في الهوى بس لولاس
هديتس قلبي على كف زندي
واول هدايا الحب قطره من الياس
هذا الخــبر واليوم ليتس تردي
على جوابٍ كاتبه لس بقرطاس
القصد شوفس والمسا مجرهدي
واروي ضما اعروق ٍمن الوقت يباس
وما عاد يحتاج اللسلامك اتودي
امـد يدي لس واسلم من الراس

تحياتي

المطلق(6)

[سمراء الوادي]

الله عليك يالمطلق كلام كله جمال و أجمل مافيه السينات ههههههههههه

[ولد الضمين]

صح لسانك والله على ترابط ابياتها ووضوح فكرتها ..


زدنا ياالمطلق زاد الله أيامك 00

[( العتيبي )]

السلام عليكم

تسلم يمناك ياالمطلق ولاعدمناك

ابيات جميله ومعبره

لك من كل الشكر

( بدر )

[Al-Mutalaq]

السمرى الجمال في مشاركتك الله يعطيك العافيه والمهم انها اعجبتك
طيب وش رايك في الدي هههههههههههه.

[Al-Mutalaq]

مشكور اخوي ولد الضمين المشرف الله يعطيك العافيه ولا يحرمنا من مرورك ونقدك وارائك الهادفه .

وتقبل تحياتي
المطلق(6)

[Al-Mutalaq]

العتيبي بدر ومن قال يسلم ويازين الراي لا جا من اهله ...................!؟


تحياتي
المطلق(6)