shamekh6
23/04/2003, 11:21
هذه قصيده في ورقه باليه من أوراقي القديمه
كل ما مرت على وقرائتها أتوقف كثيراً وكثيراً
لم تنشر. قليل من أطلع عليها كامله
وبما فيها من الحكمة أحببت أن تكون هديه لكم جميعاً ..
رحم الله قائلها.
أنا اقول قولٍ يشدي النقش بالحجر=حفرت الصفا ساسه وجودتنا مبناه
كلام(ن) يناسب عارف البدو والحضر=إلى سمعه الشاعر تشوق على معناه
أقالب معاني القاف في قالب الفكر=عليه أتحشد لايجي عارف(ن) يقفاه
لجل ما بدعته في هوا هايف الخصر=ولو نظم الختم بكف(ن) زهت حناه
حصيلي تجاريب(ن) على العسر واليسر=وأنا أقول كل(ن) له تجاريب في دنياه
أقول ورزق العبد ماياخذه جبر=وإلى كتبله شىء(ن) مشاله بحض وجاه
أعبر على الدنيا وهي راحت سفر=ومن قال أنا مشتد لابدها تاطاه
لاكن أنتبه ياقاصر الذهن والبصر=تفكر بجيبك وأترك الغير في ممشاه
إلى صار لك شوف(ن) ترا للعرب نظر=يشوفون شوف(ن) مثل شوفك وفي حلياه
وترا من يريد القدر يكرم هل القدر=ومن قدم المعروف يلقاه حل أوفاه
وترا من ستر غيره بقا دايم الستر=ومن شل ستر الغير ستره يشلّ أغطاه
وترا زارع الريحان يجني الثمر زهر=ومن يزرع الحرمل يتذوق مرارة ماه
وترا الحرمله لوهي على شاطىء النهر=طعمها خبيث وطلعها خايب(ن) مجناه
جهل من يقول الرجل منظر وهو خبر=جمال الفتى فعله وماتكسبه يمناه
أجسام(ن) عليها مقاطع(ن) وغتر=وهو مثل عود(ن) هش متستر(ن) بلحاه
ترا العرف ماله دخل في الكبر والصغر=كل(ن) بعقله راضي(ن) مايريد سواه
ترا في الرجال أشد من نايف الصخر=وفيها الذرا صعيب(ن) على اللي يبي يرقاه
وفيهم نفود(ن) ما يوقي شديد الحر=أتدور وراه الضل وتعذبك رمضاه
وفيهم عدود(ن) من يبي يرتوي صدر=بها يشرب العطشان من بعد طول ضماه
وفيهم رسوسن لو بها يمطر المطر=حوالي أسبوع ويختفي الماء وراء بطحاه
وترا الفقر يخلق في عين الفتى عور=على غير جرم(ن)كل من يعرفه يشناه
وترا المال دماح الخطايا مع الكثر=صحيح وراعي المال كل(ن) يود أرضاه
وإلى صار كثر المال ما ينفع المضطر=سوا هو وبلاش إلى ستوا الفقر والغناه
إلى صار مع اللي قاصر الشور والشبر=يكب الحقوق الواجبه طايع(ن) لنساه
وهو مادرا أنه مايخاويه للقبر=سوا خرقة(ن) بيضاء وما قدمه يلقاه
تمت وصلى الله على سيد البشر=عساني من اللي يتبع سنته ورضاه
الشاعر محبوب بن جلحان
كل ما مرت على وقرائتها أتوقف كثيراً وكثيراً
لم تنشر. قليل من أطلع عليها كامله
وبما فيها من الحكمة أحببت أن تكون هديه لكم جميعاً ..
رحم الله قائلها.
أنا اقول قولٍ يشدي النقش بالحجر=حفرت الصفا ساسه وجودتنا مبناه
كلام(ن) يناسب عارف البدو والحضر=إلى سمعه الشاعر تشوق على معناه
أقالب معاني القاف في قالب الفكر=عليه أتحشد لايجي عارف(ن) يقفاه
لجل ما بدعته في هوا هايف الخصر=ولو نظم الختم بكف(ن) زهت حناه
حصيلي تجاريب(ن) على العسر واليسر=وأنا أقول كل(ن) له تجاريب في دنياه
أقول ورزق العبد ماياخذه جبر=وإلى كتبله شىء(ن) مشاله بحض وجاه
أعبر على الدنيا وهي راحت سفر=ومن قال أنا مشتد لابدها تاطاه
لاكن أنتبه ياقاصر الذهن والبصر=تفكر بجيبك وأترك الغير في ممشاه
إلى صار لك شوف(ن) ترا للعرب نظر=يشوفون شوف(ن) مثل شوفك وفي حلياه
وترا من يريد القدر يكرم هل القدر=ومن قدم المعروف يلقاه حل أوفاه
وترا من ستر غيره بقا دايم الستر=ومن شل ستر الغير ستره يشلّ أغطاه
وترا زارع الريحان يجني الثمر زهر=ومن يزرع الحرمل يتذوق مرارة ماه
وترا الحرمله لوهي على شاطىء النهر=طعمها خبيث وطلعها خايب(ن) مجناه
جهل من يقول الرجل منظر وهو خبر=جمال الفتى فعله وماتكسبه يمناه
أجسام(ن) عليها مقاطع(ن) وغتر=وهو مثل عود(ن) هش متستر(ن) بلحاه
ترا العرف ماله دخل في الكبر والصغر=كل(ن) بعقله راضي(ن) مايريد سواه
ترا في الرجال أشد من نايف الصخر=وفيها الذرا صعيب(ن) على اللي يبي يرقاه
وفيهم نفود(ن) ما يوقي شديد الحر=أتدور وراه الضل وتعذبك رمضاه
وفيهم عدود(ن) من يبي يرتوي صدر=بها يشرب العطشان من بعد طول ضماه
وفيهم رسوسن لو بها يمطر المطر=حوالي أسبوع ويختفي الماء وراء بطحاه
وترا الفقر يخلق في عين الفتى عور=على غير جرم(ن)كل من يعرفه يشناه
وترا المال دماح الخطايا مع الكثر=صحيح وراعي المال كل(ن) يود أرضاه
وإلى صار كثر المال ما ينفع المضطر=سوا هو وبلاش إلى ستوا الفقر والغناه
إلى صار مع اللي قاصر الشور والشبر=يكب الحقوق الواجبه طايع(ن) لنساه
وهو مادرا أنه مايخاويه للقبر=سوا خرقة(ن) بيضاء وما قدمه يلقاه
تمت وصلى الله على سيد البشر=عساني من اللي يتبع سنته ورضاه
الشاعر محبوب بن جلحان