ولد الضمين
21/04/2003, 22:17
دائمآ مانحّن للماضي .. خصوصآ أيام المراهقه لمالها من ذكريات مع
أصدقائها تنحت على جدار الذاكره فلا تزيلها عوامل التعريه الزمنيه
ولذلك جاءت تلك الخاطره ..
سلطان بالله شف خاطرك مامرّه=طيف(ن) لفا البارحه وأشغلّي أفكاري
جاني بغدرا مغير نجوم منثرّه=عقب أنتصف ليلي أبهجعات الأسحاري
مدري لفا من شمال أو ديرة المره=الموجب أنه عليه آثار الأسفاري
قلت أسترح وأرتشف فنجال ذا المره=من دلة(ن) هي نديمي دوم بوجاري
ونوّخ ذلول(ن) من الارماس منظّره=وأليا ركد ثايرك حمّض باالاخباري ؟
قال أنت جاحد..نسيت الفضل باالمره=أسألك بمصورك خلاقك الباري !!!
ماتذكر اللين..والمنوه..وأبو غره=والعيد..والصيد..والبراق سماّري؟؟
نهلت عمري وجاك العز من دره=وبدّلت عرفي ومعروفي باالانكاري!!
وجحدتني يوم أنا ماعاد لي كرّه=الله يبيحك عدد نجم(ن) حدر ساري !!
قلت أنت هم روح(ن) بسيرتك مجتّره=أليا تناسيتك يجيبك لي الطاري
تشوف حالى تحسب الروح مستّره=عليك لولا التجلد هلت أعباري
ميت بلاماك في برده وفي حره=وظلالك عذري وبلسم جرحي العاري!!
لو تنفع الليت ليتي كاسر الجره=لوّي لغيب ألليال المجهمه قاري !!
من عقب ماروضة الخفاق مخضره=غدت هشيم(ن) ذرا من فوقه الذاري
وضلوعها الحدب أتّتل النوح وتّجره=وأنا آداري آخاف تبيّح أسراري
وتملكتني تعاسه مالها ضره=وأمسيت مثل الغريب بداخل دياري !!
أقفيت وأخفيت عني وجهة الجره=وخليتني للعذاب ولانت بي داري
واليوم تلفي ياضيف البال وتتّشره=تطلبني الحق وألا تسبر أغواري ؟؟
قال آسف..والظن قبلي ماحد(ن) سره=مير السموحه لذنبي وأقبل آعذاري
أنا أحسب انك سليت بعالم الذره=وأثرك وفي(ن) عريب(ن) للشقا ضاري
وأقفى ولاعاد لي بخيره وشره=ومع الهواجيس تهت وطال مشواري!!!
أصدقائها تنحت على جدار الذاكره فلا تزيلها عوامل التعريه الزمنيه
ولذلك جاءت تلك الخاطره ..
سلطان بالله شف خاطرك مامرّه=طيف(ن) لفا البارحه وأشغلّي أفكاري
جاني بغدرا مغير نجوم منثرّه=عقب أنتصف ليلي أبهجعات الأسحاري
مدري لفا من شمال أو ديرة المره=الموجب أنه عليه آثار الأسفاري
قلت أسترح وأرتشف فنجال ذا المره=من دلة(ن) هي نديمي دوم بوجاري
ونوّخ ذلول(ن) من الارماس منظّره=وأليا ركد ثايرك حمّض باالاخباري ؟
قال أنت جاحد..نسيت الفضل باالمره=أسألك بمصورك خلاقك الباري !!!
ماتذكر اللين..والمنوه..وأبو غره=والعيد..والصيد..والبراق سماّري؟؟
نهلت عمري وجاك العز من دره=وبدّلت عرفي ومعروفي باالانكاري!!
وجحدتني يوم أنا ماعاد لي كرّه=الله يبيحك عدد نجم(ن) حدر ساري !!
قلت أنت هم روح(ن) بسيرتك مجتّره=أليا تناسيتك يجيبك لي الطاري
تشوف حالى تحسب الروح مستّره=عليك لولا التجلد هلت أعباري
ميت بلاماك في برده وفي حره=وظلالك عذري وبلسم جرحي العاري!!
لو تنفع الليت ليتي كاسر الجره=لوّي لغيب ألليال المجهمه قاري !!
من عقب ماروضة الخفاق مخضره=غدت هشيم(ن) ذرا من فوقه الذاري
وضلوعها الحدب أتّتل النوح وتّجره=وأنا آداري آخاف تبيّح أسراري
وتملكتني تعاسه مالها ضره=وأمسيت مثل الغريب بداخل دياري !!
أقفيت وأخفيت عني وجهة الجره=وخليتني للعذاب ولانت بي داري
واليوم تلفي ياضيف البال وتتّشره=تطلبني الحق وألا تسبر أغواري ؟؟
قال آسف..والظن قبلي ماحد(ن) سره=مير السموحه لذنبي وأقبل آعذاري
أنا أحسب انك سليت بعالم الذره=وأثرك وفي(ن) عريب(ن) للشقا ضاري
وأقفى ولاعاد لي بخيره وشره=ومع الهواجيس تهت وطال مشواري!!!