ويازين وجهه والقمر كنه اياه

[المحتار]

حدر القمر ياما تلاقيت وياه
..........................ودموع عينه فوق كفي يهلن

أشيل دمعه لا يبل الثرى ماه
....................وياحلو دمعات(ن) على وجنته جن

ويا زين وجهه والبدر كنه إياه
....................وإن انكسف فخصال شعره يحجبن

له مبسم(ن) كن البرد في ثنياه
..........................وليبتسم فجبال صنعا ينوضن

يا حظ من هو يردفه في مطاياه
...........................وتصير في بيته والأنوار شعن

ما شفت أنا مثله ولا حول شرواه
..........................سبحان من صور خليلي وكون

عجزت بحورالشعرتاصف حلياه
............................وقصايد الشعار ما عاد يكفن

يا ما حلا شربة(ن)) من ثناياه
....................اغدي جروحي يا فتى الجود يشفن

افرح بخلي كل ما حل طرياه
..........................يفزقلبي مع احروفه الى جن

قلبي كما طير تهوزه جناحاه
.......................يبغى المسير لديرة التمر والمَن

شكواي للي تسجد الخلق لرضاه
......................الواحد المعبود غصب(ن) بلا مَنْ

حبي يبيني وانا وين ابلقاه
..........................من دونها الدولار واليور واليّن

يا ربعنا قوموا نبي منكم الجاه
..........................وان ما وجهتوني والله لأعلن

لأعلن بشعر(ن) ما عرفتم حكاياه
.........................حتى وحوش البر تفزع وتفتن

ولأعلن بشعر(ن) في القواميس معناه
....................وبخاطب اسماك البحر وين ماجن
.
وبانخى العرب وشيخ العرب لاعدمناه
.....................وباطلب مترجم للعجم يوم يرطن

وش نوحكم لو قلت في ماقفي آآآه
...................ما ترحمين الحال يا بنت ابن مَنْ

كل الخلايق صوتت لي مجاراه
......................وجروح قلبي بعد الأصوات برين

من كان سامعني فلازم يقول آه
.......................والا فقلبه يابس(ن) ما يلينَنً

والله لو دونك سراب(ن) ومضماه
.....................لأربط فواه الابل من عقب يردن

البر من شانك لك الله مشيناه
.................وغصنا على شانك بحور(ن) يموجن

كل(ن) تقدم له ووده بلاماه
....................بس انه اللي قال مالي بها الفن

اريد انا .............. والغير عفناه
....................وجاني خبر ماقيل والناس تفطن

خلي وفى وأصل الوفاء لا عدمناه
........................وفاه ما ينقاس بالكيل والطن

قد شافني يوم(ن) على غير خبراه
.................ثم قال يا ......... وشفيك مذهن

بعني تخرج كلمة(ن) من محياه
.................لاهيب في قاموس يعرب ولا الجن


لاحد شعراء تبوك