وين ألقى الواسطه اللي تخليني مميز !!

[ولد الضمين]

سألت وين أبلقى الواسطه اللي يرقيني لومرتبه -- مو وظيفيه --


عضويه بمنتدانا ... بدل مانيب عضو جديد أصير على الأقل أخو الجديد !!


قالوا أش مؤهلك قلت والله أن معي الماجستير وأحضّر رسالة الدكتوراه


قالوا ماشفناها واضحه على أسلوبك قلت أش أسوي أهتماماتي أدبيه


وأغلب مشاركاتي بقسم الأدب قالوا لكنك منت منتظم قلت والله أني


منتظم غصب على ظروفي اللي تحاول تشغلني عن المشاركات قالوا


بس المنتدى هنا مثل أغلب المنتديات يميز الأعضاء بكثرت مشاركاتهم لا


بتميزها قلت هذي اللي مالها طب هاه مافيه حل أو طريقه ياجماعه


لأني أستحي أذا شفت أسمي الكاتب فلان .. عضو جديد .. وأطيح من


عين نفسي قالوا والله مالك ألا المشرف العام قلت أليييييه ويني ووينه


من يأصله ياالله بواسطه توصلني له قالوا دورلك مشرف قسم يفزع معك


قلت هذي بسيطه وذكرت الباسل والشامخ طيور شلوىقلت أعزمهم


على طلى عاق بأمه ولاهم مقصرين وتراجعت وقلت لا بيقولون هذا


مايعطا وجه أمس ننسق له مشاركاته واليوم جاي يبغى يصير عضو


نشيط عضو جديد ويخب عليه ... وقلت أصبر والصبر مفتاح الفرج :confused:

[سمراء الوادي]

ولا يهمك انشاء الله تترقى
( ان الله مع الصابرين )
وانشاء الله احنا معك في الترقيه ههههههههههه

[عياد]

اهااااااااااااااااااا تبطي عظم


انشاء الله بتصير مشرف بس ((الصبر مفتاح الفرج ))

والد الضمين وش رايك انا الترقا ((مراقب )) وانت تصير على رقمي

((عضو نشط))) <<<<<< يدورها من زمان
:p ;) ;) :D :p

والد الضمين والله انك تستاهل كل خير

[الباسل]

ولد الضمين

يالله حييه

والله اشتقنا لكم وللمنتدى ولكل الأعضاء والمشرفين

وقطعنا عنهم عمل اليومين الماضيه


أما بالنسبه للواسطه ..... مثلك مايحتاج لواسطه
يعني بصراحه.... بس لايكبر راسك ثمن تغلى علينا
؟
؟
؟
؟
مثلك مكسب كبير لأي مكان يجي فيه
وحنا المفروض نتمسك فيك بيدينا وبضروسنا
ونجيب النا حبال من اللي يشلون فيها البعارين


بس جديده .. لأنك محشوم ومكرم


ونربطك حتى ماتروح وتخلينا


يقولون كثر الحكي ماينفع بس زبدته وخلاصته

انه من زمان وانا مرشحك طبعاً بيني وبين نفسي
للاشراف في القسم الأدبي

ومتأكد ان الجميع معجب بمشاركاتك
ومنهم المشرف


ويالله بكره بكلمه وكلي ثقه انك بتبيض وجيهنا
أمام كل من يزور منتدى ديرتك بمشاركاتك

ويالله يدينا في يدين بعض نسير بمنتدانا الى أعلى القمم


تمنياتي لك بالتوفيق
ولك كل الشكر على هذا الاقتراح اللطيف

[ولد الضمين]

سمراء الوادي .. ياسمراويه

تستاهلين والله وتميز مشاركاتك بكل صراحه تؤهلك بس أدعي

لي وبعدين لما أترقّى وأسوي حفله بقاعة الفيصليه رايح أعزمك !!

شريف الحب ..

ماعليك زود وشكلها هي ... نبي نبطي عظام وتغدي عظامنا رميم

بس مادام حب السليل وأهله بقلوبنا موافقين وراضين !!

الباسل ..

أعجابك بمشاركاتي وسام تشريفي لى .. وكبر الراس صاير صاير

لو أترقى عضو أخو الجديد ماعاد سلمت على الأعضاء الجدد ألا على

أختي سمراء الوادي لأنها بتدعي لى !!

وكان الدعوى فيها حبال وتقييد مثل القعود فاالوعد رأس مشعاب

زى مايقولون والعمر مره ياشامان ...

أكرر لك شكري والقصد كل القصد من الموضوع مزوح ياعديل الروح

وعضو جديد بمنتدانا السليل شرف كبير لى ويعادل الأشراف العام

باالمنتديات الثانيه ..

هااه عاد أنقل هاالكلام لمقام الأداره الموقره وفقها الله !!!!!!!!!

عشان يقولوا هذا مهندس مجاملات ويعرف يدهن سيور المكاين !!

[shamekh6]

حبيب قلوبي ولد الضمين

أشوفك تستخدم طرق ملتويه مع الشيبان

حبيب قلوبي الطليات تجيب الكلوسترول ولا عاد تنفع..

عاجزين من التسحب في الصحيات..

إذا معزم وتبي اللي أنت خابر أبشر ولالالاكن (هذي بالسوداني)

أقول أعقل ...

وإذا مانتب عاقل الله عطاك شامخ لإني شيبت ودي بالتقاعد ولا ودي أورثه الأ أنت فقط..

وأنا أبتسلا معكم ب wayfarer ( عابر سبيل) والله أني أحبه ..

ولمعلوماتك ترى شامخ قد ذبحته يوم ترقا لمشرف وهو ما يدري وكتبت فتره بحبيب قلوبي wayfarer لين جاه واحد وتنهزره وشلا أثرني ما ذبحت شامخ يوم عودتله لقيت فيه عرقٍ ينبط عالجناه وشلا حيا.

هذا كلامي

وأقول أعقل لا أحوس مريرك.
وخذ ذا البيتات لشاعر عبيد بن عجعج رحمه الله

هات حبر وهات قرطاستك ليه"="والقلم وكتب جواب على اللقادي
والله مالى في الهوا كود مزويه"="يوم اشوف وقوعها يطرب فؤادي
منوة التفاق يوم العكيليه"="مع بني عم ينوسون لضدادي
الهوا ياهل الهوا وفطنو ليه"="صحبت اللى ما يجي درب لنقادي
الهوا خمس على النار مركيه"="نجرهن يجذب شغاميم لالادي
عاش منهو يحتزي دايماً ذيه"="مجلسه ما بين صادر اورادي

[ولد الضمين]

أخيرآ ياالشامخ !!


ياأخوي ويييييييييينك ؟ راحت هااليومين أللي فقدتك فيها تقول عامين ..


عساك والله باالوجود وجعلني ماأفقد هاالطلات الحلوه منك ...


وأذا كان الشامخ بيتقاعد فأنا ماني قاعد ..


وهاالحين عرفت عابر سبيل الوادي لأني أقول لنفسي ياولد هذا


الشامخ ولاّ أخوه وهااللحين فسرت المبهم !!


وترى الدعوى حول بعضها باالعمر وخل الأمور مستوره !!!


وأذكر الله وبارك لي باالترقيه صرت عضو نشيط مثل الحصان


ويوم بشرت أم العيال قالت أمحّق نشاط لوسمعوا طقطقة عصبك


أذا مشيت ماظلموا حضوضهم وقالوا أنك نشيط !!!!!!!


ولك وافر الشكر على الهديه العجعجيه رحم الله شاعرها 0