طبول الحرب [الأرشيف] - منتدى السليل

محمد فراج

27/02/2003, 10:23

بقوة الله يا عربنا وحوله=نثبت بيوم(ن) مثل ما يوم الاحزاب

دقت طبول الحرب دقت طبوله=يامرجفين(ن) في المدينه يالاعراب

دقت طبول الحرب بوش(ن) يقوله=بشبش ملا الدنيا فقاقيع وكذاب

يابوش اصحا مانت كفو البطوله=لانته ولا بوك المبوش ولا اغراب

فينا صلاح الدين صهلت خيوله=يا ويل ويلك وان تداركتك اسباب

صدام قد جابك هواه وميوله=عميل جاب الخزي والعار قد جاب

فرق عصانا يوم ارسل فلوله=على الكويت الآمنه كنه الداب

ماهو بطل عود يجرجر ذيوله=منهان لين اليوم داسوه بتراب

شعب العراق الحر وان ما غدواله=منهم وفيهم وان طغى فيهم وخاب

شعب العراق الحر ماهو بسهوله=لا مريكي ولا برتش ولا أي نصاب

طاغي العراق ان ما صحا من ذهوله=اخوان من طاعوا يصحون الاشناب

لولاه ياشارون ماطلق ذلوله=ماكان يثعى في فلسطين حراب

حسبي على من كان هذي فعوله=الحرب ما يسعى بها مشبب وشاب

شاب الفعل والقاف ماحد(ن) يطوله=لاشجب لاستنكار0 لا مذنب(ن) تاب

صلوا على محمد ومن كان حوله= وسلم على آله وصحبه ولاحباب