اس الطويله [الأرشيف] - منتدى السليل

محمد فراج

21/02/2003, 21:08

يالله يا مروي قناة المسيله
من بعد الامحال امتلا فيح سدّي

البارحه عديت راس الطويله
نظراتهم تاقف ونا اسمي معدّي

خاويتنا السرحان وسمع عويله
مالي حدود اصل التحدي تحدّي

ماهمني لو كان حامي الدبيله
ماهمني لو كل الاركان ضدّي

لقيت سعد مبارك(ن) مرتكيله
عمده0كفا العيبات جزري ومدّي

ومطلق بخيت جاك ينقل شليله
ذرب(ن) ولد ذرب(ن) ملا جب عدّي

عانوا تعنوا بس في ها القبيله
شليلة(ن) في النايبه ما تسدّي

اما تطرف او فسوق او ذليله
او ثلج او نار او برود او تردّي

ويا عزتي للبق وآ عزتيله
وده يجاريني ولا صار قدّي

متمرجل(ن) والمرجله ما تجيله
بده بعيرات الرفاقه مابدّي

مايدري اني دست شوك ومليله
مايدري اني بس مجهود فردّي

ونا ابو فراج يوم اعزتزيله
افخر بصيت ابوي واصوات جدّي

فعلي سبق قولي وعندي حصيله
عيت عليه الذاهبه لا تردّي

سموني الاركان راعي النفيله
وروس الجماعه قد حكوا قاف ندي

وكل(ن) مدحني بالفعل والمقيله
الا ال000 غمهم طول حدّي

هذا بعض قافي وبعض الفسيله
يارض انهدي وهدّي وهدّي

الباسل

22/02/2003, 13:00

ونعم تستاهل ياراعي النفيله

تحياتي لأخ المبدع ابوفراج

وللأخ مهوب أنا إذا مانيب مخطي

أس معناها أسقي بالدوسريه

مثل أس النخل لين يملى التسلالي

الآن تأكدت انك كنت راس حربه خطير
يابوفراج