مبارك بن شيبان (بن نملان)
20/02/2003, 14:55
هني اللي ليا نامت عيونه ماتجيه احلامـ ** واذا سهرت عيونه ماخطر خله على باله
هنيه ياولد عمي ليا منه سهر وان نامـ ** هنيه ماخذاه الحب يم دروب بطاله
انا اهنيه من قلبي واهني غايبٍ له عامـ ** واهني كل سكان السليل ونجد ورجاله
وانا رجلٍ عصاه الحظ واستقبل علوم وقامـ ** لروضٍ كن حوذانه جنودٍ تاقف بجاله
اخايل بارقٍ رفرف على السليل مثل اعلامـ ** سرايا في جيوش النصر والتوحيد وابطاله
غضب ولع قصيدي فالحشا يوم وثلاث ايامـ ** ليالي مالها داعي ومجنونه ومحتاله
ليالي فاشله فالحب ماتسوى ياخو سطامـ ** ليالي مااعترف فيها ولالاله ولالاله
ليالي ماعلى التاريخ منها وانت يالمقدامـ ** على هونك على هونك على اللي كن تمثاله
بيوكٍ و قفته وقفة بعيرٍمارضى الفصامـ ** يبيعه بالملايين الكثيره والسعد فاله
وإلى منه مشى كنه هنوفٍ ماعليهالثامـ ** تمشى في بلاد النيل لابرقع ولاشاله
وكنه يوم ديور مركب في شاطي الدمامـ ** رسى رغم الهوا والموج صفق له وغناله
تحاكا في شكامينه لسواقه ثلاث أنغامـ ** نغم هادي نغم مزعج نغم مدري وش القى له
تغامق لونه عيونٍ تشوف البرق في الصدامـ ** خجل عذراً تشرٌع للفرح في داخل الصاله
توقع وانتبه للي يشوف ان القصيد اصنامـ ** عبدها من عبدها لين صار الشعر يرثاله
انا اشوف الحروف ضعوف واشوف الكلام ايتامـ ** واشوف ان الشعورقبور محفوره ومنهاله
واشوف الحب ماله طب والاحلام حقل الغامـ ** زرعها في طريقي مترفٍ يجفل من ظلاله
لياهب الهوا البارد على قلبي شجن والآمـ ** وتنبهت ولقيت الربع كلٍ راح في حاله
على من تلني حبه ليالي الصيف قبل العامـ ** وانا قبله خليٌ من قيود الحب واغلاله
صغيرٍ دللوه أهله علي وكسر الاحلامـ ** عسى الله يكسر يدين العدو واللاش واشكاله
هنيه ياولد عمي ليا منه سهر وان نامـ ** هنيه ماخذاه الحب يم دروب بطاله
انا اهنيه من قلبي واهني غايبٍ له عامـ ** واهني كل سكان السليل ونجد ورجاله
وانا رجلٍ عصاه الحظ واستقبل علوم وقامـ ** لروضٍ كن حوذانه جنودٍ تاقف بجاله
اخايل بارقٍ رفرف على السليل مثل اعلامـ ** سرايا في جيوش النصر والتوحيد وابطاله
غضب ولع قصيدي فالحشا يوم وثلاث ايامـ ** ليالي مالها داعي ومجنونه ومحتاله
ليالي فاشله فالحب ماتسوى ياخو سطامـ ** ليالي مااعترف فيها ولالاله ولالاله
ليالي ماعلى التاريخ منها وانت يالمقدامـ ** على هونك على هونك على اللي كن تمثاله
بيوكٍ و قفته وقفة بعيرٍمارضى الفصامـ ** يبيعه بالملايين الكثيره والسعد فاله
وإلى منه مشى كنه هنوفٍ ماعليهالثامـ ** تمشى في بلاد النيل لابرقع ولاشاله
وكنه يوم ديور مركب في شاطي الدمامـ ** رسى رغم الهوا والموج صفق له وغناله
تحاكا في شكامينه لسواقه ثلاث أنغامـ ** نغم هادي نغم مزعج نغم مدري وش القى له
تغامق لونه عيونٍ تشوف البرق في الصدامـ ** خجل عذراً تشرٌع للفرح في داخل الصاله
توقع وانتبه للي يشوف ان القصيد اصنامـ ** عبدها من عبدها لين صار الشعر يرثاله
انا اشوف الحروف ضعوف واشوف الكلام ايتامـ ** واشوف ان الشعورقبور محفوره ومنهاله
واشوف الحب ماله طب والاحلام حقل الغامـ ** زرعها في طريقي مترفٍ يجفل من ظلاله
لياهب الهوا البارد على قلبي شجن والآمـ ** وتنبهت ولقيت الربع كلٍ راح في حاله
على من تلني حبه ليالي الصيف قبل العامـ ** وانا قبله خليٌ من قيود الحب واغلاله
صغيرٍ دللوه أهله علي وكسر الاحلامـ ** عسى الله يكسر يدين العدو واللاش واشكاله