ضيف لفاكم من شمال

[ولد الضمين]

أخواني بالله مشرف منتدى السليل وأعضاءه00
السلام عليكم ورحمة الله /

أنا ضيف جديد ومن المعجبين بأطروحاتكم الشيقه....ورغبت المشاركه معكم.... وتصدقون أن لي يمكن أربع أيام ,انا أحاول أدخل معكم ولا قدرت !! تدرون ليه ؟ عليمي بكرتونه وأخيرآ قدرت بعد ماأستفزعت بربع شرواكم .....!!!
وأنا ماني شاعر لكن الزعل خلى شيطان الشعر يدندن بأذني ببويتات
كلها مشاريه على المشرف وأثر العله مني عليـــــــــــــــميك والعافيه وحبيت أعرضها عليكم وأستروا ماتواجهون.......!!!



مشرف المنتدى عل عمرك طويل=لي ثلاث أيام أحاول فالوصل والوصال
كلما جيت بدخل قيل وين الدليل=يثبـت أنك مسجل مـع عيـال الحـلال
وراح وقتي وأنا وياه حطن وشيل=لاأعتذرني ولاسمـــعني كلمـــة تعال
قلت ضيف مسير..قال أظنك هبيل=دخلتك من طريقي ذيك ثامن محال
ثم أعـــــود وبــرّق في بريد اليميل=وكلما أسأل يجيب بلا وأعيد السؤال
وتجلد وأقول يارب صبرن جميل =ليت..يمكن..عسى..لعلي ألقى مجال
مع بني عمي اللي وسمهم للدخيل=مع جميع القبايل صار مضرب مثال
ويوم طاول عناي أقفيت ناوى الرحيل=ومنتدى يعتذرني فيه أدور بدال
‍‍‍‍‍‍‍‍:rolleyes: ;)

[shamekh6]

حياك الله أخوي ولد الضمين

وما دامك شمالي فلاهوب غريب عليك سعة الصدر

والبيتات هذي جزله وتدل على حبك للجنوب

ولا نقدر نقول ألا هلا وغلا بك يا ولد الضمين

أخاً عزيزاً في محلك وبين جماعتك.

وسجل إعجابي بذلبيتات.

[الزعيم مول]

يا هلا ويا مرحبا

بك أخي ولد الضمين

حياك الله في منتداك

ونحن في انتظار ابداعاتك

تحياتي لك

[ولد الضمين]

البقا بالجميع وأشكركم على مشاعركم الطيبه.....وياليت أخوي shamek6 يحط عينه على تعديل كتابة مشاركاتي...عارف أني بشغله لكن يتحملني لين أجود الطاره زين وأستوي على الدرب....!
وتصدقون ياجماعة الخير أني يوم شفت مشاركتي وكتابتها بذا الشكل الجميل وتنسيقها وأخراجها جاني شعور زهــــــــــــو رفعني عن الكرسي مترين أحسب أنها من عندي وقلت لنفسي لاشعوريآ أنا ولد فلان هذا ومالي أربع أيام على الجهاز أجل لو لي سنه وش بسوي ؟
ويوم فهمتها بعديـــــــــــــــــــــــــن دعيت له ولوالديه 0







;)

[أبو محمد الودعاني]

مرحبا بك يا ابن الضمين
والحمد لله ان زالت عقبات دخولك للمنتدى
وان شاء الله تكون عضوا مميزا كتميزك في الشعر