الله يالدنيا

[مبارك بن شيبان (بن نملان)]

الله يالدنيا لها اشكال وألـــــوان ** في وصفها تشمل جميع التضاريس
متقلبة تمشي على غير عنــــــوان ** تاخذ بليا قيس تعطي بلا قيس
تجمع الخلان وتفرق أخــــــــوان ** ويطيــــــر فيها مع الحباري قرانيس
عجزت لازنها على كف ميــــزان ** يومين تضحك لي والاخرى معابيس
واليوم فيها ضايق الصدر حزنـــــــــان ** لو كان قبل ايام طربان ومنيس
طرى عليه طاري مر عجــــــــــــلان ** مدري من الرحمن ولامن ابليس
اليا كتمته مانفع فيه كتمــــــــان ** ينقش بصدري مثل نقش الدبابيس
وان جيت ابدله واجعل الامر نسيان ** فالماضي الذكرى تدق النواقيس
ياما عليــــه يفتح الوقت بـيـبــــان ** ماتنقـــفل بقفالهـــا والمتاريــــــس
ياليت لي مثل اشقر الريش جنحان ** واطير من همي وكثر الهواجيس