رمشها ســـــــهام

[رزان الدوسري]

الداله اللي يوم طاب السهر نام
وانا عيوني بالسهر مستبده
خلوه ياخذ راحته.. ثم لاقام
قلوا له اني من كثر ما اوده
والله ما أحسده على حلو الاحلام
لكن تحت خده احسدت المخده
اللي وداده داخلي كثر الارقام
بالانهاية ينتهي.. يوم أعده
واللي الى من لامني فيه لوام
صديت عنه وقلت : ماعنه صده
أنا عليه أحسد خواله والاعمام
وغيري يحسدونه على صيت جده
أذكر فيني معجب بشده.. العام
واليوم ..أنااللي فيه معجب بشده
وأذكر تلاقينا بيوم من الايام
والبحر الأحمربين جزره ومده
ناظرت بعيونه وهي رمشها سهام
وحين استرحت لرمشها المستعده
قلت لعيونه: خلي رموشك تنام
أنتي عروس البحر.. ماهيب جده
الشاعر / رشيد الدهام

[أبو أريج]

قصيدة رائعه يعطيك العافيه رزان وصح لسان الشاعر

[عندليب قطر]

صح السان الشاعر وشكرا رزان على نشرها وأختيار موفق والشاعر رشيد الدهام منن الشعراء الجيدين