ali
04/11/2002, 11:42
يالله كل واحد يقول لنا مغامراته الدراسيه
وانا عن نفسي ببدا اقول بس بصدق لا احد يجلس يرفع بنفسه..ويخلي نفسه مدير وكان عمره عشر سنين
هذا سلمكم الله انا طالب محترم نفسي واحترم المدرسين ويحترموني بس مابراسي دراسه ولا اي شي من الكلام هذا....
كتب الثانوي ما افتحها الى وقت الامتحان وبعضها القا الصفحات متلزقه ببعضها
من كثر ماهي جديده ..والمدرسين بعضهم ماني حافض ملامح وجيههم لاني طول وقتي نايم
باللحصه وماغير ماسك دفتري واشخبط مره ارسم ومره اكتب شعر ومره اكتب اشياء مدري
وش قصة اهلها بس اهم شي اني اضيع الحصه ولا اجلس اناضر للشرح لاني اشوفه ممل
ومره من المرارير كنت مسترسل بالفكر هايم كاني جالس بجزيره لحالي والعصافير حولي تغرد
طربا ( الله على طربا ) وموج البحر يتلاطم اسمع اشجانه ( وبعد اشجانه والله ماهو سهل الولد هذا ) ما دريت الا اللي ينادي باسمي ويقول وين وصلنا يا رومنسي قلت هاه
وصلنا للـــ امممم اناضر يمين ابي احد يقولي شي ولا احد يناضر لي المدرس عصبي ولاعنده يمه ارحميني اناضر
يسار ولاكان في احد بالفصل المهم المدرس رفع صوته وقال وين وصلنا قلت
( طبعا احك راسي ومره اطقطق اصابعي ومره امسك القلم وارجعه مره ثانيه ليش مسكته والله مدري )
ايه وين وصلنا قلت وبكل خوف وقلبي يقول تك تك تك تارارارا ( ماصار قلب هذا نغمة جوال نوكيا )
وانا للحين ما نطقت حرف واحد بس نويت اني اتكلم الا فيه واحد من الشباب ربي يسامحه قالي
وصلنا لكيفية بناء الجسور لمنع الاسود من تسلق الجدران وانا ماقلت على الله احد تكلم وعلى طول
رزيت نفسي وقلت بكل ثقه تقولي وين وصلنا وقلت له وصلنا لكيفية بناء الجسور لمنع الاسود من تسلق الجدران
قال كيف!! وين !! كررت عليه الجمله قلت يمكن ماهومصدق اني جبتها جيب سئلني الحين وش الحصه اللي
عليك ؟؟ علىطول عيني راحت للي جالس قدامي وشفت الكتاب وطبعا اعرف المدرس انه مدرس الماده هذي
لكن يعني فيوز راسي ضربن شوي المهم يوم ناضرت للكتاب ومكتوب عليه ( تاريخ ايش دخل ام التاريخ
بالاسود والجدران سكتت انا شوي كاني ماسمعت سؤاله كرر السؤال مره ثانيه وانا ماغير اصدصد
دريت ان ابو الشباب صديقي سواها فيني ونكبني ولكن سوف اوريه ولن ا تركها له ابدا حتى ولو ينقز للسما ..
المدرس : رومنسي حبيبي انزل للمدير
انا: خلاص والله ما اعودها اخر مره
المدرس : اقول انزل للمديرلا والله اجيك الحين وتعرف وش يصير لك
انا: قسم بالله ما اعودها والمره الثانيه نزلني
المدرس : اقول ترا الحين اجيك وقدام خوياك يصير التكفيخ بس حبيبي ابلع العافيه وخلك محترم نفسك وانزل للمدير
انا : طيب استاذ ممكن طلب قبل انزل
المدرس :لا وبعد تطلب اقول انزل طراخ ( المساحه صارت جنبي كانها صاروخ )مدري كيف رماها
( المدرسين خبره برمي المساحات واناضر لمكان الضربه الا فيه خطوط على الجدرالوان احمر واخضر وا سود
وفيه لون مدري من وين جاي الضاهر من قوة الضربه ..طبعا انا سلمت ما جتني لو جتني هاهاها كان اوريه
<<<< احلى يا شديد اقول ابلع العافيه بس وانزل للمدير
انا : بكل احترام وادب اتسحب للباب افتح الباب اسكره بقوه صوته يوصل اخر المدرسه مسوي فيها معصب طبعا..
مدحدر مع الدرج هذا الوكيل وين رومنسي وين رايح والله رايح للمدير وش عندك اليوم ؟؟ لا والله سلامتك بس الاستاذ
يبي مني اجيب له ورقة الغياب من المدير( انصب ياولد على شان تسلم ) رومنسي يؤؤؤ الاستاذ وراي وسمع كل كلامي
(لاني يوم سكرت الباب زعل اكثر هو وطلع وراي قال اقول ايش النصب هذا هاه..متى تهتم بدروسك وتصير طالب مؤدب و و و
( طبعا كلام انما ايه وعيونه تقدح شرار.. بس يتبسم شوي وناسه الله يتبسم قالي اقول يالله ارجع للفصل واذا سئلوك الطلاب
قل رحت للمدير ورجعت قلت طيب ..ومره ثانيه اهتم بدروسك واترك عنك السرحان وعاد انا ماقلت على الله انه قالي ارجع للفصل
رحت كاني راكب شبح امشي مليون واروح للفصل طاير من الفرحه طاير
وهذي وحده من المغامرات بس استرو على ما واجهتم ولا تعلمون احد اوكي اوكي اتفقنا
وياليت الكل يكتب مغامراته لانها احلى مراحل العمر
وانا عن نفسي ببدا اقول بس بصدق لا احد يجلس يرفع بنفسه..ويخلي نفسه مدير وكان عمره عشر سنين
هذا سلمكم الله انا طالب محترم نفسي واحترم المدرسين ويحترموني بس مابراسي دراسه ولا اي شي من الكلام هذا....
كتب الثانوي ما افتحها الى وقت الامتحان وبعضها القا الصفحات متلزقه ببعضها
من كثر ماهي جديده ..والمدرسين بعضهم ماني حافض ملامح وجيههم لاني طول وقتي نايم
باللحصه وماغير ماسك دفتري واشخبط مره ارسم ومره اكتب شعر ومره اكتب اشياء مدري
وش قصة اهلها بس اهم شي اني اضيع الحصه ولا اجلس اناضر للشرح لاني اشوفه ممل
ومره من المرارير كنت مسترسل بالفكر هايم كاني جالس بجزيره لحالي والعصافير حولي تغرد
طربا ( الله على طربا ) وموج البحر يتلاطم اسمع اشجانه ( وبعد اشجانه والله ماهو سهل الولد هذا ) ما دريت الا اللي ينادي باسمي ويقول وين وصلنا يا رومنسي قلت هاه
وصلنا للـــ امممم اناضر يمين ابي احد يقولي شي ولا احد يناضر لي المدرس عصبي ولاعنده يمه ارحميني اناضر
يسار ولاكان في احد بالفصل المهم المدرس رفع صوته وقال وين وصلنا قلت
( طبعا احك راسي ومره اطقطق اصابعي ومره امسك القلم وارجعه مره ثانيه ليش مسكته والله مدري )
ايه وين وصلنا قلت وبكل خوف وقلبي يقول تك تك تك تارارارا ( ماصار قلب هذا نغمة جوال نوكيا )
وانا للحين ما نطقت حرف واحد بس نويت اني اتكلم الا فيه واحد من الشباب ربي يسامحه قالي
وصلنا لكيفية بناء الجسور لمنع الاسود من تسلق الجدران وانا ماقلت على الله احد تكلم وعلى طول
رزيت نفسي وقلت بكل ثقه تقولي وين وصلنا وقلت له وصلنا لكيفية بناء الجسور لمنع الاسود من تسلق الجدران
قال كيف!! وين !! كررت عليه الجمله قلت يمكن ماهومصدق اني جبتها جيب سئلني الحين وش الحصه اللي
عليك ؟؟ علىطول عيني راحت للي جالس قدامي وشفت الكتاب وطبعا اعرف المدرس انه مدرس الماده هذي
لكن يعني فيوز راسي ضربن شوي المهم يوم ناضرت للكتاب ومكتوب عليه ( تاريخ ايش دخل ام التاريخ
بالاسود والجدران سكتت انا شوي كاني ماسمعت سؤاله كرر السؤال مره ثانيه وانا ماغير اصدصد
دريت ان ابو الشباب صديقي سواها فيني ونكبني ولكن سوف اوريه ولن ا تركها له ابدا حتى ولو ينقز للسما ..
المدرس : رومنسي حبيبي انزل للمدير
انا: خلاص والله ما اعودها اخر مره
المدرس : اقول انزل للمديرلا والله اجيك الحين وتعرف وش يصير لك
انا: قسم بالله ما اعودها والمره الثانيه نزلني
المدرس : اقول ترا الحين اجيك وقدام خوياك يصير التكفيخ بس حبيبي ابلع العافيه وخلك محترم نفسك وانزل للمدير
انا : طيب استاذ ممكن طلب قبل انزل
المدرس :لا وبعد تطلب اقول انزل طراخ ( المساحه صارت جنبي كانها صاروخ )مدري كيف رماها
( المدرسين خبره برمي المساحات واناضر لمكان الضربه الا فيه خطوط على الجدرالوان احمر واخضر وا سود
وفيه لون مدري من وين جاي الضاهر من قوة الضربه ..طبعا انا سلمت ما جتني لو جتني هاهاها كان اوريه
<<<< احلى يا شديد اقول ابلع العافيه بس وانزل للمدير
انا : بكل احترام وادب اتسحب للباب افتح الباب اسكره بقوه صوته يوصل اخر المدرسه مسوي فيها معصب طبعا..
مدحدر مع الدرج هذا الوكيل وين رومنسي وين رايح والله رايح للمدير وش عندك اليوم ؟؟ لا والله سلامتك بس الاستاذ
يبي مني اجيب له ورقة الغياب من المدير( انصب ياولد على شان تسلم ) رومنسي يؤؤؤ الاستاذ وراي وسمع كل كلامي
(لاني يوم سكرت الباب زعل اكثر هو وطلع وراي قال اقول ايش النصب هذا هاه..متى تهتم بدروسك وتصير طالب مؤدب و و و
( طبعا كلام انما ايه وعيونه تقدح شرار.. بس يتبسم شوي وناسه الله يتبسم قالي اقول يالله ارجع للفصل واذا سئلوك الطلاب
قل رحت للمدير ورجعت قلت طيب ..ومره ثانيه اهتم بدروسك واترك عنك السرحان وعاد انا ماقلت على الله انه قالي ارجع للفصل
رحت كاني راكب شبح امشي مليون واروح للفصل طاير من الفرحه طاير
وهذي وحده من المغامرات بس استرو على ما واجهتم ولا تعلمون احد اوكي اوكي اتفقنا
وياليت الكل يكتب مغامراته لانها احلى مراحل العمر