ياليتني ما عرفت العسكريه

[مبارك الحنيش]

يالله يا الله 000 يامهون الياس "=" يامالك الكون يارب البريه
أفرج للعيناً جفاها لذ الا نعاس "=" من يوم فارقت مجلي الثنيه
أبو نهوداً تشادي رأس قرناس "=" ربي بلآني بحب المغربيه
وياليتني عايشٍ في وسط ( مكناس)"="والا في(طنجه) بلاد البربريه
وياليت جيبي ما جاله جم الا فلاس "=" وياليتني ما عرفت العسكريه
تكفون ياالربع تعطوني الباس "=" مالي على فراق خلي مقدريه
يا زين ذاك الربيع وذيك الأ رماس "=" لاهود الليل وكلاً مع خويه
تقول (واخا) ياسيدي وسيد ذا الناس "="أمر وأنا لك على الطاعه قويه
تهرج أهروج الهوى بصدق وإحساس "="وتدعي قليبي على نارٍ لظيه
والموت لمن مشت وأرخت لي الرأس "=" لها جديلاً الى حد الشطيه
وقد لي سنه من هوى ( كازا) ومن فاس"="أذكر نهار السفر عيد الضحيه
تبكي وتهل الدمع من ذيك الأ خراس"=" وتطلب عسى الله يجمعنا سويه
يا هيه ياللي شربتوا بالهوى الكاس "=" وش ماقفي مع عشيري وش بيديه
>>> مبـــارك الحنيش <<<




قصة هذه القصيدة حقيقيه وقد حدثت ــ
اثناء خدمتي بالعسكريه 00وكنت حينها ــ
في إجازه بالمغرب00وقد أقتبست بعض المعاني من قصيدة (الحميدي)
(تكفون ياربع وسط الهند خلوني)

(واخا) نعم باللهجه المغربيه
(الباس) جوازالسفر

[أبو محمد الودعاني]

قصيدة رائعة
فلا تبخل علينا بمثلها

[مبارك الحنيش]

أبشــــــــر ياطويل العمــــــــر

[saad]

السلام عليكم

تقفى ياخوك يامبارك اربك افتكيت من العسكريه يوووووووووووووه0000000
اثرك من المقاريد ( المعذره العسكري يسمونه مقرود ) ما ادري وش سبب ذالتسميه0
قصيده حلوه مره ولا ربي قطك الا في المغرب عاد الله يكون في عونك 0
ابحلف انه لذا الحين وريح ذاك الهوى في خشمك 0000000000000
ما عليه يمديك ان كانك افتكيت من العكسريه0
لسلام عليكم

[عياد]

أبــــو نــهــوداً تــشـــادي رأس قــرنـــاس " ربـــــي بــلآنـــي بــحـــب الـمـغـربـيـه
وياليـتـنـي عـايــشٍ فـــي وســـط ( iiمـكـنــاسوالا فـي(طـنــجــه) بــــــلاد iiالـبــربــريــه
مبارك يعطيك العافيه وصح السانك والله يفكك من العسكريه وغثاها

[shamekh6]

أخي العزيز مبارك الحنيش حفظه الله
لاهنت أخوي.
ذكرتني بقصيده قديمه فيها بعض المفردات التي في قصيدتك

وهذه بعض الآبيات من تلك القصيده القديمه.


غصن بانٍٍ زارعينه وسط فيا=ما حرم من الشمس يسقونه صبوحي
غادت(ن) من قوم بربر ون تهيا= من عربنا ياهلا باللي مزوحي
تبتسم لك لا نظرت وقلت(...)=وردها سيدي وخا وفديك روحي
كل ما تشهاه من فن(ن) مهيا=والورد بالمسك من جودك يفوحي
لانتبهت الى الزمن طاويك طيا=كن عشرك يوم والرغبة جموحي
قلت ربعي أجلو حجزي شويا= ودي أبقى كود يبرن الجروحي


تقبل تحياتي

[مبارك الحنيش]

اخوي / سعد
اولاً أبشرك أفتكيت من ( القراده) ومن هم العسكريه وبلاها منذ عام 1993م
وتدري ماد لي شغله غير السفر من سوريا الى المغرب الى الدوحه كل ستة اشهور وأنا على ذا الحال الين هجعوين (غصب) أما بالنسبه لهوى ذيك الديره ياخوي ما ينسى(لو ويش) 000والباقي عندك!!!!!
ياخي العيب الوحيد في هالديره غاليه تصرف فيها أكثر من ما تصرف في بلدان
اوربيه 00لكن ما أقول الا( غصبن على البل تركب جاريات السفن)

احتراماتي وتقديري
أخوك / مبارك الحنيـــــش

[مبارك الحنيش]

الاخ / شريف الحب
صح الله إبدنك000لك مني كل المحبه والتقدير 00والله يقدرنا ونقدم لكم مايعجبكم0
أماني الصادقه لك بالتوفق والسداد،،،

أخوك/ مبارك الحنيش

[مبارك الحنيش]

الاخ / shamekh6
لاإندمـــــــت00الله يسد لي صباحك او الله يسعد لي مسائك 00ويعطيك العافيه علىهذا التنسيق وعلى القصيده اللي أوردتها 00والله أن ذا الشاعر ذاق من نفس الكاس اللي ذقته00وطمر نفس طمرتي !!!!!
وانا أعذره وأنتم والله لو شفتوا ما شفناه بتعذرونا0

اثني لك شكري وأمتناني،،،

أخوك / مبارك الحنيش

[ابومبارك]

والموت لمن مشت وأرخت لي الـرأس =
لهـا جديـلاً الـى حــد الشطـيـه
وقد لي سنه من هوى ( كازا) ومن فاس=
أذكـر نهـار السفـر عيـد الضحيـه
الله لا يهينك على هذه القصيدة الجميله جدا , وصح لسانك .

[مبارك الحنيش]

صح الله أبدنك يا بو مبارك 00 ومبارك عليك الشهر 00
ياخي أنت وينك غايب لك فتره ما شفنا لك مشاركات00اتمنى عليك التواصل
وشجعنا يابو مبارك علشان نكتب المزيد0

الله يحفظك ويوفقك 00احتراماتي وتقدير لك
أخوك/
مبارك الحنيـــــــــــــــش