رجعت بقصيدة >>>>>>>>> انتي مطلقه

[RED ROSE]

لو حكوا واستبدلوا ماوراء الهرج طايل
راس مال السوالف قولة فلان قال
لايهمك وقدك للهبوب يتمايل
ماعلى الله بعيد ان كان قالوا محال
اللقب مايفشل والاصايل اصايل
انتي مطلقه ؟؟ لايزعجك هذا السؤال
الطلاق ابغضه ربي بكل الوسايل
بس يبقىويبقى رغم هذا حلال
لاتقولين حظك بعده اغبر ومايل
حظك احلى الحظوظ وعزتك راس مال
افخري بالقناعه والعوض فالبدايل
جعل فالك يجي له فالمسرات فال
اصلا انتي عشانك بنت اصل وحمايل
مارضيتي يجي للعيب اي احتمال
ماسكتي وسويتي دروب وعمايل
وانتي بذمة المسكين << ولد الحلال >>
ماتوقف على دمعه وهمس ورسايل
الحياة اكبر بعين الهناء والجمال
للاسف ماتعضنا من قديم السلايل
وعذرنا الواهي الكذاب باقي مجال
الزواج بعربنا صار مثل الجمايل
نتجمل بعمر عيالنا ..ذا عدال ؟
الزواج بعربنا صار مثل العوايل
لو هم اثنين نحسبهم حريم ورجال
ندعي بالتكاتف والحقايق هوائل
ونكتب المهرمن زود التجني ريال
والنتيجه خراب بيوت والعمر زايل
ومن يعوض زوال العمر عقب الزوال
وانتي الحين سوقي للطريق رحائل
والاكيد القريب السعد له كرنفال
ولا يهمك وربي ماوراء الهرج طايل
كلها كلمتين .. وقالو فلان قال

[الباسل]

أهلا بعودتك

RED ROSE

يامرحبا

صح لسان الشاعر وصدق يوم قال :

اللقب مايفشل والأصايل أصايل ......أنت مطلقه لا يزعجك هذا السؤال

دائماً توجه أصابع الاتهام للمرأه ولاينظر أبداً للرجل
والنظره السوداويه للمرأه لاتزال

موضوع يستحق المناقشه وطرح الأراء والأفكار
أخت RED ROSE

أشكرك وأتمنى لك التوفيق

[المشرف]

اختي العزيزه بارك الله فيك وياهلا بك اخت مسلمه محبه للخير والهدايه مشاركه جميله لو انها خلت من اثنتين الصوره التي في القصيده والصوره التي بالتوقيع
وانا اتعجب منك اختي العزيزه حيث انك امراءه وتضعين صور لفتنه الرجال

[أبو محمد الودعاني]

قصيدة رائعة
تحكي عن ابغض الحلال
الذي تساهل فيه بعض الرجال
فمن اقل سوء تفاهم يحدث الفراق
لا يراعون العشرة او مصير الاطفال