الأجواد آيات الندى في وجيهها

[الباسل]

الأجواد والأنذال

يقول فيهم الشاعر الأمير محمد الأحمد السديري رحمه الله:



الأجواد آيات الندى في وجيهها=والأنذال شر ما يذاق جناه
الأجواد ما تنوي بك البوق والردى=والأنذال عيب ما يعد غياه
الأجواد جنات تعاقب نهورها=والأنذال صلدا من صخور صفاه
الأجواد تاصف لك طريق يدلك=والأنذال لعسرات الدروب إقداه
الأجواد مثل النهر حلو شرابه=والأنذال صبخاة ملاح ماه
الأجواد مثل الصبح تمشي بنوره=والأنذال ليل مظلم ممشاه

[طير حوران]

الأجواد مثل الصبح تمشي iiبنـوره
والأنـذال ليـل مظلـم iiممـشـاه
الله لايقطعنا من الاجواد بها الوقت ويكثرهم ويكفينا شر الانذال ويقطع دابرهم
اخوي فايز تقبل تحياتي

[shamekh6]

لاهنت أخي الحبيب فايز
وهذي باقي الأبيات من الملحمه الزايديه


ابعد عن الانذال وترك ديارهم"="يفكك من الوجه الخبيث نياه
الاجواد آيات الندى في وجيهها"="والانذال شرى ما يذاق جناه
الاجواد ما تنوي بك البوق والردى"="والانذال عيب ما يعد غياه
الاجواد فعل الخير لذة نفوسهم"="والانذال ملزوم يشاف خناه
الاجواد جنات تعاقب أنهورها"="والانذال صلدا من صخور صفاه
الاجواد تاصف لك طريق يدلك"="والانذال لعسرات الدروب إقداه
الاجواد مثل الورد عطر روايحه"="والانذال زقومٍ يطير سفاه
الاجواد فيهم باب يسر ومعزه"="والانذال عسرٍ ما عليه شفاه
الاجواد زلة جارهم يدمحونها"="والانذال تجزا الاقربين جناه
الاجواد مثل النهر حلو شرابه"="والانذال صباخٍ ملاح ماه
الاجواد تبذل فضلها دون عرضها"="والانذال دنسين العروض عراه
الاجواد مثل الريف سعد سعوده"="والانذال قحط الزمهرير شتاه
الاجواد تامن شرهم وانت عندهم"="والانذال شر مايطيب بلاه
الاجواد مثل الصبح تمشي بنوره"="والانذال ليلٍ مظلمٍ ممساه
الاجواد حبات الندى يبذرونها"="والانذال تبذر بالرخيص رياه
الاجواد فعول الخير ما يجحدونها"="والانذال حزم مايطيب حفاه
الاجواد ماتلحق عزيز مذمه"="والانذال تنطق بالصديق زراه
الاجواد عز الجار والضيف سلمهم"="والانذال بعيون العزيز قذاه




تقبل تحياتي

[الباسل]

بيض الله وجهك

ياشايبنا


قصدي مرجعنا في الشعر والأدب وعلوم الطيب


أشكرك أخي الحبيب الغالي الشامخ

[الباسل]

أخي الحبيب الغالي


طير حوران ... آمين


وأشكرك على مشاركتك

ولك سلامي واحترامي