صــــفـــحـــة الماضـــــي

[رزان الدوسري]

بعثروا بأوراق شاعر غرَّته سود الليالي
يحسب ان الوقت لامنه ضحك يصبح صديقه
مادرى انه قد طوى قبله أبوزيد الهلالي
والرجال اللي تشيل الحمل عجزت لا تطيقه
يا جماعة لو تعرفون الجواب أعط السؤالي
بس قولوا وش تبون بصيغته وأية طريقه
لو سألت عن السنين اللي مضت مني خوالي
مرت بسرعة عليَّ وكنها ربع الدقيقه
وش رصدت لعمري اللي في مرده للزوالي
من صلاه ومن صيام ومن صلة رحم عريقه
وش حفظت من الكتاب اللي كشف عنا الضلالي
وسنة اللي جاره الله في ذرى الغار ورفيقه
والله اني عارف ان الوقت مر ونوب حالي
ومن مشى فالمهمهيه ينتهي ومابل ريقه
جيت أبا افتح صفحة الماضي على ما كان حالي
يوم فتحت الجروح المثخنه ليهي عميقه
وادرجت دمعة على خدي وأنا أقول آه مالي
ليش فتحت الجروح اللي معي صارت عتيقه
هي نصيحة شايب لي قالها في عمر تالي
لا يغرك نجمها الساطع ولو شدك بريقه

محمد جازي القثامي