العماني
30/08/2002, 21:07
كان لراشد بن دباس الدباس من الوداعين أهالي عودة سدير إبن اسمه دباس ذهب لكي يبحث عن لقمة العيش الشريفه وقد إنقطعت أخباره لمدت ثماني سنوات ،فقال الوالد أبو دباس هذه القصيده بعد أن فاق صبره الحدود وأرسلها إلى إبنه مع أحدهم:
يا ونةٍ ونيتها من خوا الراس=من لاهبٍ بالقلب مثل السعيره
ونين من رجله غدت تقل مقواس=ويون تالي الليل يشكي الجبيره
ويا مل قلبٍ مثل بنٍ بمحماس=وياهشم حالي هشمها بالنقيره
وياوجد حالي يا ملا وجد غراس=يوم أثمرت وأشفا صفا عنه بيره
من ثمر قلبي سرى هجعة الناس=متنحرٍ درب عسى فيه خيره
الله يفكه من بلا سو الأتعاس=ومن شر عبثات الليالي يجيره
في ديرةٍ تقطعت عنه الأرماس=سبعين يوم للركايب مسيره
لا والله إلا حال من دونه الياس=حط البحر والبر دون الجزيره
يالله ياللي رد من عقب ما ياس=يوسف على يعقوب وابصر نظيره
ترد علي دباس يامحصي الناس=ياعالمٍ ما بالخفا والسريره
يا دباس بوصيك صن درب الأدناس=ترى الذي مثلك يناظر مسيره
عليك بالتقوى ترى العز يا دباس=في طاعة اللي ما ينجيك غيره
هاذي ثمان سنين من رحت يادباس=لا رسالة جتني ولا من بريره
يادباس عقبك ترى البال محتاس=وعليك دمع العين حرق نظيره
وعليك كني في دجى الليل حراس=أصبح على حيلي وعيني سهيره
أصبح أنا مابين طاري وهوجاس=وطواريٍ تطري علينا كثيره
مثل الوحش قلبي على كف حباس=يكفخ كما طيرٍ سبوقه قصيره
متحير من علية البيت يا دباس=أرجي ثواب الله وأخشى المعيره
أخاف من حكي العدا ثم الأنجاس=أهل الحكايا الطايله والقصيره
ويقال خلا عيلته عنز الراس=أقفى وخلا عيلةٍ له صغيره
وإلا فأنا يا بوك قطاع الأرماس=ما نيب مثبورٍ أو رجلي كسيره
آصلك لو دونك نبا حمر الأطعاس=الصلب والصمان ماهي عسيره
مهالكٍ مداركٍ مابها أوناس=إلا الثعل والبوم تسمع صفيره
لو كنت في نزوى وديرة بني ياس=أهل الموازي والوجيه الغبيره
عبادة الأصنام شرابة الكاس=الخمر والتنباك فيها وغيره
لأركب على وجنا من الهجن عرماس=فجا النحر يادباس حمرا ظهيره
متروسة الفخذين مزيوعة الراس=كن الخلاص عيونها يوم اديره
أو شبه ربداً تخفق للأوناس=وإن ارفعت جنحانها مستذيره
تنشر من العوده على نور الأنفاس=عند الفجر والليل مقفي مريره
والعصر بالصمان تسمع لها أضراس=حبل الرسن خطرٍ تبتر جريره
نهار ثالث بين حما والأوراس=واره يمينك جعلها لك سفيره
ثم على ساجيةٍ تقلب الراس=تمشي باهلها في البحور الغزيره
إلى مسقط الفيحاء بها الخير محتاس=لولا الكفر والشرك واوي ديره
عز الله إنها ديرةٍ مالها أجناس=لولا بها يعبد مع الله غيره
لولا بها يشرك علي وعباس=وايضا بها الفاروق سبه بريره
فبيها الطبيخ وراهي الخبز يا دباس=يقعد خوا الراس خنة خميره
هي ديرة اللي باغيٍ كيفة الراس=ولا له أحد همه من الناس غيره
هيسٍ ولد هيس للمواعين لحاس=يفرح ليا نيدي لذبح النحيره
وماقفك يادباس ما فيه نوماس=يصلح لقينٍ مهنته طق زيره
ترى الفداوي دون وانشد الناس=راعيه ما يذكر بمدح وغيره
ماله سوى طق الحنك منه والياس=وليا انقطع خرجه فلا له ذخيره
طلب المعيشه بالحراثه والأجناس=المشترى والبيع يوصف وغيره
قم انهض العيرات مع كل فراس=يا دباس دور خيّرٍ تستشيره
جدك وعمانك هل العزم والباس=أهل المواجب مكملين القصيره
يا دباس ما يصبر على البق والحاس=إلا الذي ماله بنجدٍ عشيره
واليوم يا مروي شبا كل عباس=أنت الرجا يا كعام وجه المغيره
عشرين عامٍ كلها أرجيك يادباس=مثل الغرير اللي تولع بطيره
عدل المناكب هيلعٍ فرخ قرناس=يمناه في لطم الحباري شطيره
عانق خلوجٍ روّحت عقب مرواس=عند العصير لبيضها مستذيره
والليل جاها وحال من دونها الياس=روحها على فرقاه فرت فريره
يا دباس يا بوك مانيب بلاس=مير إن عيلات الرفاقه كثيره
جنبت وسط السوق وامشي مع الساس=وأخذ شوي الحق وأترك كثيره
يا دباس لو جبت من دحب الأكياس=مختلفةٍ مابين رزٍ ونيره
مالي بها ياجعلها بألف قباس=أو جعلها تذهب ولو هي كثيره
يادباس قلبي كل ماهب نسناس=شرقيةٍ هبت بقلبي سعيره
والحال يا فرز الوغى مسها الباس=عليك يا ناطح وجيه المغيره
وغصون قلبي يا فتى الجود يباس=غادٍ أنا يابوك كني هشيره
من شافني يقول ذا فيه لساس=واللي برا حالي إلهي خبيره
لا وعلا من قبل غوال الأنفاس=ومفارق الدنيا يجينا بشيره
عسى يطق الباب والناس غطاس=يا والي القدره عليك تعبيره
وصلاة ربي عد ما هب نسناس=على النبي عدة حقوق المطيره
وبعد وصول القصيده إلى ابنه دباس رد عليه بهذه القصيده يبشره بقدوم الفرج والنصره ويطمأنه أنه طوال غربته ما زال محافظا على الطيب والمرجله التي تربي عليها:
حي الجواب اللي لفانا من الراس=جابه غلامٍ ما توانا مسيره
أهلا هلابه عد ما حبك قرطاس=أو ما كتب فوقه بيوت شطيره
جواب منهو لي مودٍ من الناس=أبوي ما يوصف حليٍ لغيره
فرز الوغى كنه على الوكر قرناس=قروم ربعه كلها تستشيره
دليل عيراتٍ ليا هب نسناس=ثم ادلهم الجو ومابه ذخيره
مهفي الغنم لأهل الركايب والافراس=لا روحوا له لا عليهم قصيره
راعي معاميلٍ بها العبد جلاس=للبن يشري بالسنين العسيره
هاذي بمركاها وهاذي بمحماس=وهاذي يصبه للوجيه السفيره
وخلاف ذا ياركبٍ فوق عرماس=مامونةٍ من نقوة الهجن عيره
حمرا وهي في سنها وقم الأسداس=متوسطٍ لا فاطرٍ ولا هي صغيره
ما هي لحوح راكبه بالعصا قاس=حرم عليها غير شيل النقيره
والخرج هو وبيوت قيلٍ بقرطاس=مع مزهب الأيام ماهي كثيره
وفوقه غلامٍ منوته قطع الأرماس=لو هو بليلٍ ما تغير نظيره
وليا لفيت الدار فأجهر بالأحساس=وبلغ سلامي كل ذيك العشيره
واختص أبوي اللي نفل جملة الناس=وخصه بعلمٍ وقل تراني بشيره
لا ينجي العرض يابوي لاباس=كان تشكي الضيم فأنا أسيره
وإن سايلك عني تراني بنوماس=وأنا أحمد اللي ما توسلت غيره
المدح لو يشرى شريناه بأكياس=بأموالنا نرخص ندور الستيره
مطرق إفرنجي مضاريبه الراس=ومصلبخٍ جبته عساني ذخيره
من صنع نصراني مشروبه الكاس=يذكر ورى جاوه بعيدٍ مسيره
أبغيه للي حادينك على الساس=أهل النمايم والحكايا الكثيره
ربعٍ نووا فيك الردا والتخساس=مهبول ياللي قال غايب عشيره
علي دينٍ لودع الجميع ينحاس=لطين العشيره يقوم يلعن عشيره
إن ما سكنا الدار من غير هوجاس=وإلا نعاف الدار وندور غيره
كله لعنا كلمةٍ قلت يا دباس=تشكي وأنا دوني بحورٍ غزيره
خذلك يمين الشرع قطاع الأنفاس=إنه فلا جتني علومٍ بصيره
لا نيب جاني منك حبرٍ بقرطاس=أيضا ولا جتني علومٍ سفيره
وإن كان تشكي الضيق يابوي لاباس=جاك الفرج يابوي هو والبريره
يابوي أنا مارحت لكيفة الراس=مع ذا ولاني في سفاهٍ وغيره
يا مسندي يابوي شوف أوكد الناس=ثم انشده قل ويش هو في مسيره
وإن كان ما يفرح صديقك بنوماس=تحرم علينا اللي نهوده صغيره
مدلول مجهول زها زين الألباس=بنت الذي يثني ليا جت كسيره
طارٍ يقول أظهر وطارٍ بجلاس=قمت اشرب التنباك وأثره نكيره
أبغى عسى الله يبرد القلب يا ناس=من لاهبٍ بقلبي شبت سعيره
وإلا فانا يابوي قطاع الأرماس=أصبر على الشده لو هي عسيره
ومن كان له غايبٍ فلا يقطع الياس=إن قدر الله جاب علمه بشيره
وبعد مده ليست بطويله وصل الإبن وقرت عين اباه وانزاح همه بوجود ساعده الأيمن.وهناك من القصص المماثلة التي يزخر بها تاريخنا العريق في الأدب كقصة ذيب بن شالح بن هدلان من قحطان وبره بوالده وغيرها من القصص الثمينه.وسلامتكم،،،،
يا ونةٍ ونيتها من خوا الراس=من لاهبٍ بالقلب مثل السعيره
ونين من رجله غدت تقل مقواس=ويون تالي الليل يشكي الجبيره
ويا مل قلبٍ مثل بنٍ بمحماس=وياهشم حالي هشمها بالنقيره
وياوجد حالي يا ملا وجد غراس=يوم أثمرت وأشفا صفا عنه بيره
من ثمر قلبي سرى هجعة الناس=متنحرٍ درب عسى فيه خيره
الله يفكه من بلا سو الأتعاس=ومن شر عبثات الليالي يجيره
في ديرةٍ تقطعت عنه الأرماس=سبعين يوم للركايب مسيره
لا والله إلا حال من دونه الياس=حط البحر والبر دون الجزيره
يالله ياللي رد من عقب ما ياس=يوسف على يعقوب وابصر نظيره
ترد علي دباس يامحصي الناس=ياعالمٍ ما بالخفا والسريره
يا دباس بوصيك صن درب الأدناس=ترى الذي مثلك يناظر مسيره
عليك بالتقوى ترى العز يا دباس=في طاعة اللي ما ينجيك غيره
هاذي ثمان سنين من رحت يادباس=لا رسالة جتني ولا من بريره
يادباس عقبك ترى البال محتاس=وعليك دمع العين حرق نظيره
وعليك كني في دجى الليل حراس=أصبح على حيلي وعيني سهيره
أصبح أنا مابين طاري وهوجاس=وطواريٍ تطري علينا كثيره
مثل الوحش قلبي على كف حباس=يكفخ كما طيرٍ سبوقه قصيره
متحير من علية البيت يا دباس=أرجي ثواب الله وأخشى المعيره
أخاف من حكي العدا ثم الأنجاس=أهل الحكايا الطايله والقصيره
ويقال خلا عيلته عنز الراس=أقفى وخلا عيلةٍ له صغيره
وإلا فأنا يا بوك قطاع الأرماس=ما نيب مثبورٍ أو رجلي كسيره
آصلك لو دونك نبا حمر الأطعاس=الصلب والصمان ماهي عسيره
مهالكٍ مداركٍ مابها أوناس=إلا الثعل والبوم تسمع صفيره
لو كنت في نزوى وديرة بني ياس=أهل الموازي والوجيه الغبيره
عبادة الأصنام شرابة الكاس=الخمر والتنباك فيها وغيره
لأركب على وجنا من الهجن عرماس=فجا النحر يادباس حمرا ظهيره
متروسة الفخذين مزيوعة الراس=كن الخلاص عيونها يوم اديره
أو شبه ربداً تخفق للأوناس=وإن ارفعت جنحانها مستذيره
تنشر من العوده على نور الأنفاس=عند الفجر والليل مقفي مريره
والعصر بالصمان تسمع لها أضراس=حبل الرسن خطرٍ تبتر جريره
نهار ثالث بين حما والأوراس=واره يمينك جعلها لك سفيره
ثم على ساجيةٍ تقلب الراس=تمشي باهلها في البحور الغزيره
إلى مسقط الفيحاء بها الخير محتاس=لولا الكفر والشرك واوي ديره
عز الله إنها ديرةٍ مالها أجناس=لولا بها يعبد مع الله غيره
لولا بها يشرك علي وعباس=وايضا بها الفاروق سبه بريره
فبيها الطبيخ وراهي الخبز يا دباس=يقعد خوا الراس خنة خميره
هي ديرة اللي باغيٍ كيفة الراس=ولا له أحد همه من الناس غيره
هيسٍ ولد هيس للمواعين لحاس=يفرح ليا نيدي لذبح النحيره
وماقفك يادباس ما فيه نوماس=يصلح لقينٍ مهنته طق زيره
ترى الفداوي دون وانشد الناس=راعيه ما يذكر بمدح وغيره
ماله سوى طق الحنك منه والياس=وليا انقطع خرجه فلا له ذخيره
طلب المعيشه بالحراثه والأجناس=المشترى والبيع يوصف وغيره
قم انهض العيرات مع كل فراس=يا دباس دور خيّرٍ تستشيره
جدك وعمانك هل العزم والباس=أهل المواجب مكملين القصيره
يا دباس ما يصبر على البق والحاس=إلا الذي ماله بنجدٍ عشيره
واليوم يا مروي شبا كل عباس=أنت الرجا يا كعام وجه المغيره
عشرين عامٍ كلها أرجيك يادباس=مثل الغرير اللي تولع بطيره
عدل المناكب هيلعٍ فرخ قرناس=يمناه في لطم الحباري شطيره
عانق خلوجٍ روّحت عقب مرواس=عند العصير لبيضها مستذيره
والليل جاها وحال من دونها الياس=روحها على فرقاه فرت فريره
يا دباس يا بوك مانيب بلاس=مير إن عيلات الرفاقه كثيره
جنبت وسط السوق وامشي مع الساس=وأخذ شوي الحق وأترك كثيره
يا دباس لو جبت من دحب الأكياس=مختلفةٍ مابين رزٍ ونيره
مالي بها ياجعلها بألف قباس=أو جعلها تذهب ولو هي كثيره
يادباس قلبي كل ماهب نسناس=شرقيةٍ هبت بقلبي سعيره
والحال يا فرز الوغى مسها الباس=عليك يا ناطح وجيه المغيره
وغصون قلبي يا فتى الجود يباس=غادٍ أنا يابوك كني هشيره
من شافني يقول ذا فيه لساس=واللي برا حالي إلهي خبيره
لا وعلا من قبل غوال الأنفاس=ومفارق الدنيا يجينا بشيره
عسى يطق الباب والناس غطاس=يا والي القدره عليك تعبيره
وصلاة ربي عد ما هب نسناس=على النبي عدة حقوق المطيره
وبعد وصول القصيده إلى ابنه دباس رد عليه بهذه القصيده يبشره بقدوم الفرج والنصره ويطمأنه أنه طوال غربته ما زال محافظا على الطيب والمرجله التي تربي عليها:
حي الجواب اللي لفانا من الراس=جابه غلامٍ ما توانا مسيره
أهلا هلابه عد ما حبك قرطاس=أو ما كتب فوقه بيوت شطيره
جواب منهو لي مودٍ من الناس=أبوي ما يوصف حليٍ لغيره
فرز الوغى كنه على الوكر قرناس=قروم ربعه كلها تستشيره
دليل عيراتٍ ليا هب نسناس=ثم ادلهم الجو ومابه ذخيره
مهفي الغنم لأهل الركايب والافراس=لا روحوا له لا عليهم قصيره
راعي معاميلٍ بها العبد جلاس=للبن يشري بالسنين العسيره
هاذي بمركاها وهاذي بمحماس=وهاذي يصبه للوجيه السفيره
وخلاف ذا ياركبٍ فوق عرماس=مامونةٍ من نقوة الهجن عيره
حمرا وهي في سنها وقم الأسداس=متوسطٍ لا فاطرٍ ولا هي صغيره
ما هي لحوح راكبه بالعصا قاس=حرم عليها غير شيل النقيره
والخرج هو وبيوت قيلٍ بقرطاس=مع مزهب الأيام ماهي كثيره
وفوقه غلامٍ منوته قطع الأرماس=لو هو بليلٍ ما تغير نظيره
وليا لفيت الدار فأجهر بالأحساس=وبلغ سلامي كل ذيك العشيره
واختص أبوي اللي نفل جملة الناس=وخصه بعلمٍ وقل تراني بشيره
لا ينجي العرض يابوي لاباس=كان تشكي الضيم فأنا أسيره
وإن سايلك عني تراني بنوماس=وأنا أحمد اللي ما توسلت غيره
المدح لو يشرى شريناه بأكياس=بأموالنا نرخص ندور الستيره
مطرق إفرنجي مضاريبه الراس=ومصلبخٍ جبته عساني ذخيره
من صنع نصراني مشروبه الكاس=يذكر ورى جاوه بعيدٍ مسيره
أبغيه للي حادينك على الساس=أهل النمايم والحكايا الكثيره
ربعٍ نووا فيك الردا والتخساس=مهبول ياللي قال غايب عشيره
علي دينٍ لودع الجميع ينحاس=لطين العشيره يقوم يلعن عشيره
إن ما سكنا الدار من غير هوجاس=وإلا نعاف الدار وندور غيره
كله لعنا كلمةٍ قلت يا دباس=تشكي وأنا دوني بحورٍ غزيره
خذلك يمين الشرع قطاع الأنفاس=إنه فلا جتني علومٍ بصيره
لا نيب جاني منك حبرٍ بقرطاس=أيضا ولا جتني علومٍ سفيره
وإن كان تشكي الضيق يابوي لاباس=جاك الفرج يابوي هو والبريره
يابوي أنا مارحت لكيفة الراس=مع ذا ولاني في سفاهٍ وغيره
يا مسندي يابوي شوف أوكد الناس=ثم انشده قل ويش هو في مسيره
وإن كان ما يفرح صديقك بنوماس=تحرم علينا اللي نهوده صغيره
مدلول مجهول زها زين الألباس=بنت الذي يثني ليا جت كسيره
طارٍ يقول أظهر وطارٍ بجلاس=قمت اشرب التنباك وأثره نكيره
أبغى عسى الله يبرد القلب يا ناس=من لاهبٍ بقلبي شبت سعيره
وإلا فانا يابوي قطاع الأرماس=أصبر على الشده لو هي عسيره
ومن كان له غايبٍ فلا يقطع الياس=إن قدر الله جاب علمه بشيره
وبعد مده ليست بطويله وصل الإبن وقرت عين اباه وانزاح همه بوجود ساعده الأيمن.وهناك من القصص المماثلة التي يزخر بها تاريخنا العريق في الأدب كقصة ذيب بن شالح بن هدلان من قحطان وبره بوالده وغيرها من القصص الثمينه.وسلامتكم،،،،