قصيدة قصيمية

[المولع]

قـــــــالت قصيمي قلت فخــــــــــــــــر ومعزه=أهـــــــــل الكرم والعــــلم والحـــــــلم والباس
قــالــت قـصـيــمــي قـصــدهــا بـــي تــهــزة=مـاتــدري انـــي بـفـتــخــر وارفـــع الـــراس

الـــحـــمـــدلـــلــــه روســــــنـــــــا دوم رزة=الـلــي خـلـقـنــا بــس نـحـنــي لــه الـــراس

صـافــي نـسـبـنــا والـحــســب فــيــة عــزة=أصــل أصـيــل وفـصــل والــعــرق دســـاس
أهـــل الــوفــاء والــديــن صــافـــي مــنـــزه=عــن كــل مـاشــاب الـعـقــيــده مـــن أدلاس
حــنــا ســنــايــد نــجـــد فــــي كــــل حــــزه=لا خـانــت حـلــوق الـرجـاجــيــل الأنــفــاس
حــنـــا اجــبـــال يــعــجــز الــريـــح هـــــزه=حــنــا لـنــجــد حـــزام وعـصــابــة الـــراس
نـــــارد حـــيـــاض الــمــرجـــلات ونـــلـــزه=مـانــمــشــي دروب الــرذيــلــه والأدنــــاس
مـــن يـغــلــط لــســانــه عـلــيــنــا نــجـــزه=والـلــي يـحـقــر قــدر الـرجـاجـيــل يـنــداس
مــنــا الــعــدو تـكـفــيــه بـالــعــيــن خــــزه=يـقـضـي عـلـيـه الـخـوف مـع كـل هـوجـاس
مـــن ذكــرنــا فــــي قــلــبــه تــثـــور نــــزه=مــن طــاري الـقـصـمــان يـبــلاه وســـواس
نـــومـــه كــوابــيـــس وروعــــــه وفــــــزه=دقــت نـواقـيــس الـخـطــر لـــه والأجـــراس
وان هــو لـقــي لـــه مـــن عـلـيــنــا يـــوزه=هــون لــه الـصـعـبــات وابـلـيــس خــنــاس
مـــايــــدري انــــــه لــلــمــهــالــك يــــــدزه=عـجـل عـلـي مـبـنـاه يـمـحـي مــن الـســاس
يــابــنــت حــنـــا مـــــن نــخــانـــا نـــعـــزه=يـأمـن بـنـا الـمـلـهــوف وتـهـابـنــا الـنــاس
مــرســولــنــا لــلــخــيــر دايــــــم نـــكــــزه=لـصـرخــة الـمـحـتــاج نـرخــي الأكــيــاس
تــاريــخــنـــا مـــجــــد لــبــســنـــاه بــــــزه=نـمـشـي بـوسـط الـسـوق مـانـدحـم الـسـاس
لـــك مـاتـركــنــا بــكــاس الأمــجـــاد مــــزه=واجــد عـلـيــك ومـثـلــك حـثــالــة الــكــاس
وش جـــاب حــــر الــطــيــر لــفــريــخ وزه=مـنـهـو يـسـاوي جـوهـر الـمـاس بـنـحــاس

[قرناس]

والله ونعم بالقصمان والف نعم اعرفهم يشفون غليلك اهل طيب وحبابه

[البيطار]

القصيم بلد عجيب فيكيفه فخراً أن الشيخ أبن عثيمين منه ومعظم طلبة العلم من هناك00

[المشرف]

وش جــاب حــر الـطــيــر لـفــريــخ وزه مـنـهـو يـسـاوي جـوهـر الـمـاس بنحاس
المسافر مبدع دائماً انشهد انه هزئها
كفو والله بصبيان على

[المولع]

أبوفهد قرناس البطار أشكركم على المشاركة الحلوه

أشكر أبوفهد حبيب قلبي وعيني

[قرناس]

اخي البيطار الشيخ ابن عثيمين والشيخ الفوزان والشيخ العودة والشعيبي(العقله))والسدلان كلهم من القصيم هذا الي اذكر اسمائهم والا هم اكثر وللمعلوميه ان الشيخ صالح الفوزان ودعاني من الشماسيه في القصيم

[المولع]

أخوي قرناس حياك الله

[قرناس]

الله يحيك يا المسافر كيف حال الربع والجماعه

[المولع]

الله يسلمك ويحييك

[الباسل]

مرحبا أخي المسافر

صح لسانك ولسان الشاعر

ونعم بأهل القصيم والجميع
لكن القصيم مدينه مثل باقي المدن
الرياض والدمام والخرج والسليل

فليس هناك قصيمي أو سليلي أورياضي
مع احترامي للشاعر

لدي الكثير من الأصدقاء وصديق العمر من أهل القصيم
وهو وغيره آبائهم ولدوا وترعرعوا في القصيم ولكنهم
يتسموا بالأسره أو القبيله

وأخيرأ القصيم مكان تجمع عدة قبائل اتفقوا جميعاً على أن يجعلوا
هذه المنطقة درة وبذلوا ويبذولون الجهود الجبارة في سبيل رقي منطقتهم
فليت الجميع يحتذوا بهم