يهتز عرش القلب لا حل طاريك

[البيطار]

السلام عليكم ورحمة الله وبركاته

ــــــ

أصوغ لك من داخل القلب وأهديك = باقة مشاعر تثبت اني حلالك
هذي حياتي كلها بين اياديك = خذها كأني لحظة ٍ من دلالك
ياغاية المطلب عقدت الأمل فيك =ملكتني وأسرت قلبي لحالك
أطلب وآمر يا أبيض القلب وأعطيك = انا وقلبي والاوادم فدالك
أبيع كل الناس برخيص وأشريك = ما اريد غيرك واعترف لك بذالك
يافرحة العمر الكبيرة أناجيك = وأشوف قمة بهجتي من خلالك
بالقلب جنات وغصون لمعاليك = ما لا رأت عينك ولا جا ببالك
يهتز عرش القلب لا حل طاريك = وتقتح لي ابواب الحياة بوصالك
اموت واحيا فيك واهواك واغليك = من ندرة عيوبك لروعة خصالك
حبي لك أقوى من جيوش المماليك = وأصدق بعد من صدق الامام مالك
واضن حبي لك بعد مايكفّيك = ولا ضن يملا العين شخص ٍ بدالك
معك انت عانقت الفرح كيف اخليك ؟= مقدر وفال الله ولاهوب فالك