يـامعاتبتني لـو تـعيدين الانـظار

[يرموك]

كضت وجضت مقدمة قاف الاعسار
وإذا انعسر قافي ..ذبحني غبينه
لوكان يدفعني على غير ما اختار
ماله عذر مـادام عنـدي قرينـه
على مزاجي ينكتب فوق الاسطار
واطلق سراح افكار كانت رهينـه
ياقاف سامحني على ضعف الابصار
مافيه بين الناس عيـنٍ فطينـه
مافيه نظره تسبر اغوار الاغوار
حتـى تجـي باعذارهـا مستعينـه
يامعاتبتني لو تعيدين الانظـار
بمعاتبـة جرحـي عليـك السكينـه
انا الوحيد اللي بكى سر وجهار
وانا الوحيد اللـي ضحـك بالمدينـه
التوبه..التوبه.. من انصاف الاعذار
التوبه..التوبه.. من ام الحزينـه
التوبه..التوبه.. من ايمين ويسار
مادام فوق الارض للشعـر عيّنـه
ماقلت قافي كنه السيـف بتـار
ولاقلـت فيدينـي مسـار السفينـه
ولاقلت لي قدره على كشف الاسرار
لكن بعد.. ما افضح علومٍ دفينـه
حاصرني استجواب حرفك وانا.. حار
ياام الحروف اللي لحرفي جنينه
لاتساليني عن مدى بوح الاشعار
خلي حصونه مثل ماهـي حصينـه
ادريبك انتي لك على بوحي اسبار
وعزاي يوم انك على البوح امينـه
امنّت مكنوني وانا كلي اصرار
وعندي ثقه واحـروف قافـي مكينـه
استعذب احروفك وتنبت لي اشجار
حتى قطفت الشعر خوخـه وتينـه
ولاقد ذبحني عشق حوى ولا صار
ولا احطها لاسرار قلبي خزينـه
واللي تحاول تقتحم بعض الاسوار
من دونها جـدران قلبـي متينـه
ماهام فيها بيت شعري ولا حار
لو حاولت تصبح بعينـي خدينـه
ياقاريه حرفي ترى الوضع منهار
دفنت سـري فالبيـوت الرزينـه
خليني امارس عبث..حب الاعسار
مابي اموت وباقـيٍ بـي غبينـه




((ســـــيــــــــف الـــــســـــيـــــف))

[رزان الدوسري]

يرموك ارجـــع الى القصيدة وعدل كتابتها العروس ماترضى بالفوضى ليلة زفافها فما تعودنا منك عدم التنســـيق .:eek: :eek: :eek:

[يرموك]

ارجوا التسامح أخت رزان ...فموعد صلاة المغرب قرب ولا أقدر أسوي أي تعديل لاكن ما صار الا كل خير وهذه القصيدة كما أحببتيها عروسآ..... فأعطينا من نقدك وأستطلاعاتك الجيدة ......

وأشكرك لمتابعتك كل جديدآ لنا..... مع الحب والتقدير للجميع

[رزان الدوسري]

هاكذ نريدك يرموك فذا لا احد يسابقك : ـ شكرا على التجاوب وما عهدتك الا كذا: عموما اســـلمت ولا هنت وكلك ذوق واخلاق ::cool: :cool: :cool:

[يرموك]

وشكرآ لتجاوبك للمرة الثانية لقراءتها مع التحية والتقدير......