هذا ما فاضت به قريحتي على عروق السلام

[الزعيم مول]

السلام عليكم ورحمة الله وبركاته

في يوم من الايام والظاهر انة يوم خمسطعش من الشهر الى فات


ضاقت بي الديرة قلت خلني اغير جو قمت وخذيت غزبت شاهى
ودقيت على واحد من الاعضاء ابية يخاوينى بس قام يتعذر قلت بطقاط ( لانة والله غثيث شوي )
وركبت موترى ( اتعرفونة والا اعلمكم ) :D
..

..
...
لالا اكيد اتعرفونة
..

..
المهم دزيت لعروق السلام ( شكل بعض الناس بيزعل علي و بيقول وش فية ما راح اعروق اغضي )

بصراحة انا ارتاح في السلام

شكلى خرجت عن الموضوع
صح
( قولوا صح ):D

واقوم اتسدح واتبطح على العروق واناظر القمر الى كنة وجهى :D

وما دريت عن نفسي الا وانا اقول شعر

:confused: :confused:

وقمت انقز للسيارة ادور قلم عشان اكتب القصيدة قبل ما اطير
يمين يسار فوق تحت o x

يالله النشبة ما حصلنا قلم والقصيدة بضيع
واجلس افكر في طريقة عشان احفضه
فكرت وفكرت وفكرت
وطرت في بالى فكرت قلت خلني اكتبها على التراب ( الله يعزكم ) واروح للديرة اجيب قلم .
وما بعد خلصت تفكير والى ذاك العج الى خرب على الفكرة
:mad: :mad: :mad:

واجيك مسرع ابى اركب السيارة (عشان العج وصلني )
.
..
..
..
وانا مسرع قمت وطيت ذيك الجمرة ( الى الله لا يوريك حرارتها )
واقوم انطط
....
..
.. :D :D
وما بين انا انطط الا طرت على فكرة
اني اكتب قصيدتي بالسموم
..
..
.
وقمت وكتبتها
..
..
..
واجيك مسرع معود ومبصوط ( اول مرة اشعر )
لانى ابي انتقلها لكم

واليكم قصيدتي ( بس ابيكم تختارون لها عنوان )




أصوغ لك من داخل القلب وأهديك
............................... باقة مشاعر تثبت اني حلالك

هذي حياتي كلها بين اياديك
............................... خذها كأني لحظة ٍ من دلالك

ياغاية المطلب عقدت الأمل فيك
............................... ملكتني وأسرت قلبي لحالك

أطلب وآمر يا أبيض القلب وأعطيك
............................... انا وقلبي والاوادم فدالك

أبيع كل الناس برخيص وأشريك
............................... ما اريد غيرك واعترف لك بذالك

يافرحة العمر الكبيرة أناجيك
............................... وأشوف قمة بهجتي من خلالك


يهتز عرش القلب لا حل طاريك
............................... وتقتح لي ابواب الحياة بوصالك

اموت واحيا فيك واهواك واغليك
............................... من ندرة عيوبك لروعة خصالك

حبي لك أقوى من جيوش المماليك
............................... وأصدق بعد من صدق الامام مالك


معك انت عانقت الفرح كيف اخليك ؟
............................... مقدر وفال الله ولاهوب فالك




هاة وش رايكم اصلح شاعر :D :D :D
..
..
...
...
...
...
..
..
...
..
..
...
..
...
..
عاد تبون الصراحة
الشعر يمين وانا يسار
بس قصيدة جميلة لا بغيت ابخل عليكم بها
:p :p :p
أخوكم الشاعر / الزعيم مول

[ابوقيس]

صح لسانك
وبيض الله وجهك
على هذي القصيدة الرائعه
وترانا جاهزين اذا تبينا نطلع معك
اذا انتصف هذا الشهر

[الباسل]

جعلك والله تسلم

على هالقصيده الرائعه

النابعه من قلب شاعر صادق

وشاعر مواقف


صح لسانك والشعر تزين بك
تحياتي لك

[الزعيم مول]

صح بدنك أخوي ابو قيس وفايز


ولا تنسون خلوكم جاهزين ليلة اربع طعش

هاة يا شباب احد يخاوينا

[ابوماجد111]

ماقول الا صح لسانك اخوي الزعيم

والله انه ابيات وافيه بالنسبه لي ومعبره

ومااحلى منها الا سالفة السلام وخصوصا الجمره اللي ذكرتك تكتب بالسموم

الله يبيض وجهك ويوفقك اخوي الزعيم

[wayfarer]

العزيز الزعيم مول

يوم قلت العج بصراحه بغيت أضهر وأترك الموضوع برمته.

قلت هذي من حركات مول وأنا مستعجل .

والله وشخط إلا آخر الموضوع الا قصيده .

وبحمر قلت عود أقر الموضوع كامل .

بيني وبينك قصه مهبوله و لا أهبل منها الا القصيده .

وكثر من الهبال ذاه .

وهذا أنت يازعيم مواضيعك مميزه .

أشكرك أخي على هذه الرئعه.

همسه

ذكرتني أبيت.

وش لي بجسمٍ ما بقى اليوم جنبك

>>>>>>>>>>>>>>>>>>>>> وش لي بروحٍ كان عاشت بدونك

تحياتي لك

[رزان الدوسري]

وبعدين مانصحتك وقلت لك رح للشويغــي:rolleyes: :rolleyes: :confused:

[غضي]

رائعة القصيدة
لا لا لاتطيع رزان لاتروح للشويغي
رح لغضي
الشويغي وينة فية
هذة السؤال لعام الاماكن السليلية ((استاذنا السليل ))

[طيرشلوى]

يا الزعيم مول .....
قصة وقصيدة ولا اروع ومن اجمل ما قراءت في المنتدى خاصة وهي من كتاباتك .....
فالى الامام ....
واسلوبك اسلوب كتابي ساخر .....
الرجاء المزيد ...
وتقبل تحيات اخوك :طير شلوى

[البيطار]

أخي العزيز أليك هذه القصيدة عسى عروقك ماينزع منها السلاماوراق بالذكرى

كلك تعــــــــالي غلا ولا ارجعي كلك


بعـــض الغلا منك ما يستاهل الجيه

طالت وانــا في رجــــا ليتك ويا علك


اوراق بالـــــذكره و اوراق منسيه

ما بــل ثوبك مـــطر شـوقي ولا بلك


لو علتك من سحاب الـروح وسميه

ليه امشي الدرب دامـه ما يوصل لك


تخاف رمضا الضياع اقـــدام رجليه

يا بنت تو الهـــوى ما صرت انا خلك


للحين ما زالت الصـــــــوره رماديه

ومازال بعض الغموض الشره يحتلك


وشلون انا اعشقــك على الــــــــنيه

اشـــوفك هنــــاك قدامـــــي ولا ادلك


صعب الكتابه ليــا صــار الورق ميه

ان كان شـــمسك تساومني على ظلك


ما عــــاد ابي منك لا شمسٍ ولا فيه

امـــا تـــــعالي لــقلبٍ فـــــزلـك كــلك


ولا اتركيني ما ابـي لك بالهوى جيه


مساعد الرشيدي