المساعد الشخصي الرقمي

مشاهدة النسخة كاملة : قصيده...لعبدالله بن نادر

الباسل
26/07/2002, 03:39
هذه القصيده للشيخ عبدالله بن محمد بن نادر
رحمه الله وأسكنه فسيح جناته

وهذا الرجل رحمه الله كان معروفاً بين الجماعه بالكرم والشهامه يحترم الصغير قبل الكبير وهذا من واقع عشته حيث كان رحمه الله صديقاً وأخاً لوالدي عندما كانافي المنطقة الشرقية.....ومهما أثنيت على هذا الرجل فلن أوفيه حقه رحمه الله
أسئل الله أن يغفرله ويرحمه ويسكنه فسيح جناته انه سميع مجيب

واليكم هذه القصيده له رحمه الله اخترتها من كتاب أهداه لي
أخي الحبيب الشامخ

واليكم القصيده وبها من الحكم والنصائح الخالده الكثير :






يالله ياعالم خفيات الأسرار=ياجاعل للعبد نار وجنه
ابرج لمن هو يسهر الليل محتار=جاته هواجيس العنا واخلفنه
محتار ومذكر كل ماصار=كل العلوم الطيبه قد وطنه
اقول ياقلب الخطاخل الافكار=ماكتب لك ياتيك لوطرت منه
الرزق عند اللي ينشي بالامطار=عطيته ماهيب لاحدٍ ابمنه
لامن جفاك الوقت ابعد عن الدار=كثر السبب للرزق يدنيك منه
لاجيت ابسمح واتسلى عن الدار=لاالوصل مابين المخاليق سنه
والله لولا شايبٍ حوشه اصغار=وخطوا رفيقٍ صدنا البعد عنه
لابيعهابيعةمعيدٍ لجزار=اخذ ثمنها ونفعها جاز منه
قدقالها اللي قبلنا ذاك الامار=قد عذبه وقته دياره جفنه
رجلٍ بلاربعٍ على الغبن صبار=لاجارفيقه نازح الدار عنه
من قاطع أرحامه فماعود بالنار=ماجات به سود الليالي خذنه
لاتامن الدنياترى الوقت غدار=الموت مايومر على احدٍ وحنه
طول الأمل يلعب بنا ضدالاقدار=كم واحدً قفا وهيلى له مرنه
اشوف في ذالوقت ماعادبه كار=ماشايبً يحشم على كبر سنه
ولاكبير للعرب يرحم صغار=كل على هاجوس قلبه وفنه
هومادرى ان الموت قصاف الاعمار=كم من صبيً أخلف الموت ظنه
صلاة ربي عد مازافة انوار=على النبي والآل نورً وجنه
المولع
26/07/2002, 14:35
وهلا والله بفايز مشكوووور على الإختيار الرائع ياخوي
ابوقيس
26/07/2002, 17:13
قصيدة رائعه

وشكراً أخي المبدع فايز
على ماتجود به على منتدانا
من المشاركات المميزة والهادفه.
عندليب قطر
26/07/2002, 18:15
يعطيك العافيه يافايز على نشر القصيده الي تعبر عن معناها الواضح
الاستاذ مبارك الفاضل
26/07/2002, 19:30
اخي فايز مشاركة جميلة جدا
كم انت رائع في الاختيار
ولو قلت لي مااسم الكتاب هذا الجميل من اجل اقتنائة ان كان في الاسواق
واشكرك على هذة الروائع المختارة
والسلام
بونادرة
26/07/2002, 20:09
صح السانك والسانه

مشكور اخــــــــــوى الباسل ويعطيك الف عافية

ويحسن خاتمت ابو ك الغالى

على فكرة الباسل ليش ماتعطينى من قصايد اكبر شاعر فى عصرة(( )

اللة يرحمة ......................وتعجبنى قصيدة الى رد على قصيدة السديرى.

وسلمنى على نفسك وابو قيس وابو نايف والجماعة كلهم.
shamekh6
26/07/2002, 22:08
[SIZE=4]أخي العزيزالباسل حفظه الله

كل ما جيت أبختار بيت لرد وجد الآخر أقوى أحترت كلها من البدايه ألى النهايه قويه في السبك والمعنى هنا لايسعني الا ان أقول رحم الله الشيخ عبدالله وأسكنه فسيح جناته و سلمت يمينك على هذا الاختيار.

ومن عندي لك ولإخي أبو نادره قصيدة أبن شيبان رحمه الله واسكنه فسيح جناته.

.




هذه الابيات التي رد عليها

/SIZE]
ياسابقي يذكر علينا جـــــــنابه"=" ودي نطهرها بـــــــــــــحرب الوداعين
والله لسن السيف وروي ذبابه"=" لكانهم منـــــــــــــافلاحنا بجزعيـــــين




ورد عليه ابن شيبان رحمه الله .


يالله يامظفي علينا سحابــــــــــه "="ياساترناس مــــــن العقل خاليـــن
دز ابن شيبان أطيب ركابــــــــــه"=" تجيك قبل الصبح ذالحين ذلحــــــين
تجيك خمسه واربعين حسابه"=" يركب عليها مــــــــن المناعيرتسعين
تنصىالسديري شيخ محدٍ هقابه"=" تلقا جموعه علــــــى الحبس متكين
عطه جوابه يفتكر في جوابـــــه"=" يطويه لاطيت لحوده مــــــــن الطــين
حسبت سنينا من شحنا بـــــه"=" لاولاحنا من الــــــــــــحرب جزعيــــــــن
مايلتقي عضو اللعضو بنابــــــه "="استلحق المسمار لايلحق القــــــــيــن
ليته حظر يوم التقوا في الحرابه"=" يوم التقوا مـــــع لابسين التوامــين
فما غدا بنت عليها جنابــــــــه "="ولاغــــــــدا في ورد ربع محيميـــن
قصر المدينه يوم كلٍ يهابــــــــــه "="جيناه يوم الكفرفيه مــــذريـــن
ثلث يطاردهم صدوق حرابـــــــه "="والثــلث الاخــــــرعلى الحزم مركيـــن
وثلث يسب الحرب والي سعابـــه"=" من ذلته خايف على بيــــــضه الديــن
وقصرالبريمي يوم كلٍ يهابــــــــه "="ما حط رتبه كود حن ياوداعيـــــــــن
فماالامام ابونا ونسمع جوابـــــه"=" ولو بيقطع روسنا فحنا مطعيـــــــن
الالاجمع علينا عصابـــــــــــــــه"=" عتبانهم وسبعانهم وسهولهم والقحاطين
فيثبت بنا غرس تمايل حبابـــــه"=" امثبتينه في الفضاكنه التيــــــــــــن
ولا اللتوينا بروس الشعابـــــــــه "="ولا جعلنا له لياح من الطيـــــــــــــن



هذا وتقبلو تحياتي
رزان الدوسري
27/07/2002, 00:01
من قــاطع ارحــامـه فما وعـــود بالنار

.. مـاجات به سـود الليالي خـــذنـه

اشـــوف فى ذا الوقت ماعـادبه كـار

.. ماشـــايب يحـشــم على قدر سـنه

ولا كبير للعــرب يرحــم اصـــــــــغار

.... كل على هاجـــوس قلبـه وفنــــه

صــح لســـان بن نادر

ايقـــا ع جــــميل وجــــرس خــــلاب وصـــــور ارتجـــاليه نادرة ومايجيب النادر

الا النادر ســـور منيـــع يافايز فى حشــــوا الكلمات المتجانســه الرنانه صــدق

العبارة لا الخيــال قافية ثـــقيله ووزن لا يصـــوره غير الشــاعر المتمكن يرحـم

الله موتانا ولك صـــدق العبارة اخــــي فايز .. اكشــــن:rolleyes: :eek:
طيرشلوى
27/07/2002, 00:14
اخي فايز ......
مشكور على المشاركة الجيدة...


اخي شامخ ........
قصيدة تستحق الافراد بموضوع مستقل, بل هي من عيون القصائد لشاعر فحل ومشهور ....
فبيض الله وجهك....

اخوكم :طير شلوى
الباسل
27/07/2002, 20:20
العفو

أخي العزيز المسافر

ومن طول الغيبات جاب الغنايم

وحنا في الانتظار
الباسل
27/07/2002, 20:22
العفو أخي ابوقيس
ماسوينا بعد شي ولا لنا طيب
مهما سوينا قليل
في حقكم وحق المنتدى الحبيب

شكراً لك ابوقيس
الباسل
27/07/2002, 20:26
أخي الحبيب عندليب قطر
الله يعافيك ويسلمك
أشكرك
الباسل
27/07/2002, 20:30
أشكرك أخي الحبيب السليل
على
هذا الاطراء والروعه في القصيده
وقائلها ومضمونها
وذوقكم الراقي
أما بالنسبه للكتاب اسمه
الكنوز الشعبيه
الرموز العربيه
للمؤلف محمد بن مشعي آل صالح الدوسري
واعتبره عندك
تحياتي لك أخي
الباسل
27/07/2002, 21:32
صح بدنك أخي الحبيب ابونادره

العفو ياخوي
والله يجزاك خير على دعوتك الطيبه

وأخي الشامخ الله يبيض وجهه
قام بالواجب

وعلى فكره اليوم في القايله
لولا حرارة الشمس كان لحقتك





ابونادره... السياره ميمزه ونادره
ولي معه هالنوع ذكريات حلوه
الباسل
27/07/2002, 21:52
آمين

أخي الغالي

الشـــــــــــامخ
من ذوقك

ولك مني كل الشــــكرأخي الحبيب

وبالنسبه للقصيده
هل هي
يالله يامظـفـي عليـنـا سـحـابـه "ياساترنـاس مـن العـقـل خالـيـن

أو
ياله يامضفي علينا حجابه............ياداري والناس ماهمب دارين

ولك تحياتي
الباسل
27/07/2002, 21:57
آمين

أشكرك اخت رزان
جزيل الشكر

والله يجيرنا وياكم من جهنم

أكرر شكري على مرورك
وتعليقك الرائع
الباسل
27/07/2002, 22:02
أخي الحبيب

طير شلوى
العفو

وقصيدة الشاعر الهذيه
مبارك بن شيبان رائعه

واضم صوتي لصوتك أخي طير شلوى
بأن يطرحها أخينا الشامخ
بموضوع مســتقل

أشكرك
shamekh6
29/07/2002, 01:29
أخي الحبيب فايز

قد يكون البيت من الابيات الضائعه من القصيد وسأُضيفه وليس بديل : القصيده 45 بيتاً كما ذكرها رحمه الله .

دز ابـن شيـبـان أطـيـب ركـابـه" " تجيك قبـل الصبـح ذالحيـن ذلحيـن
تجيـك خمسـه واربعـيـن حسـابـه" " يركـب عليهـا مـن المناعيرتسعيـن

أما من ناحيه طلب أخي وعزيزي طير شلوى أعتقد وقد اكون مخطىء أن إفرادها كموضوع فيه قولان (وأنتم أبخص) إذا نظرتو لها نظره عليا .

القصيده لها مناسبه وأبن شيبان رحمه الله قالها في وقت ونحن في وقت وفي مناسبه ونحن في مناسبه.


دمتم أعزاء
الباسل
29/07/2002, 03:42
مرحبا أخي الشـــامخ


صــدقت فما قلت هو عين العقل
أشكرك أخي


واليك القصيده من أحد كبار السن الذين تجاوز عمرهم المائه :


يالله يامضفي علينا حجابه= ياداريً والناس ماهمب دارين

وص ابن شيبان لطيب ركابه= تجيه قبل الظهر ذلحين ذلحين

تجيه خمسً واربعينً حسابه=ويركب عليها من الوداعين تسعين

عليهن اللي بالدجى ينسرا به=لاتاه باليسرى ولاعال بيمين

ملفاه حمدً يوم هو ينهقابه=لاكان في عسرًولاكان في لين

مده بخطه يفتكر في جوابه=ويطويه لاطويت لحوده من الطين

يذكر لنا حمدً عليهم جنابه= ووده يطهرها بحرب الوداعين

ان كان ذا صق قطعنا الرشابه=لاهوب لامنا ولامن البدارين

أما غدا بنتً عليها جنابه=ولاغدا في ورد ربعً محيمين

قصرالبريمي يوم محدً هقابه= ماحط رتبه كون حن ياوداعين

وقصر المدينه يوم كلنً يهابه=جيناه يوم ان الكفر فيه مرزين

ثلثً يطاردهم صدوق الحرابه=وثلث يعاينهم على الحزم مركين

وثلثً يسب الحرب واللي سعابه=من ذلته خوفً على بيضة الدين

أما الامام ابو وحنا عياله=ولوان يقطع روسنا مصطعرين

الاالا جمع علينا......=عتبانهم وسهولهم والقحاطين

يرسخ بنا غرسً تمايل حبابه=ومرسخينه في الفضا كنه التين

ولاتوزينا بروس الشعابه=ولابنينا له لياح من الطين




أخي الشامخ القصيده غير مكتمله 17 بيت فقط وسأحاول جمع البقيه
واختلفت الروايات.... ولاتحرمنا مماعندك


أشكرك أخي
طيرشلوى
29/07/2002, 14:04
اخي الشامخ ...
احسنت ولا عدمنا عقلك ....
فقصيدة بن شيبان قيلت في وقت ونحن في وقت .....
فا القصيدةا بحث عنها من زمان ولما وجدتها من الفرخة قلت تثبت ....
ولكن عين العقل والحكمة رايك .....
دمت لاخيك محبا......
وتقبلوا تحيات اخوكم طير شلوى
المها
30/07/2002, 14:59
رائعه رائعه رائعه

وقمه



هالقصيد كلها حكمه

ياليت تكثرون من القصايد القديمه ترا لها عشاق
الباسل
02/08/2002, 04:24
حـاضـــرين .... يالمها


وانتي تامرن أمر
العماني
18/08/2002, 22:51
فايز،الشامخ ،مشكورين على هذه المشاركات الرائعة.
بس عندي بيت أنا أعرفه ما لقيته في قصيدة إبن شيبان وهو:
تلبسوا مدخالكم يندرابه=ياتيكم غهدٍ ورهدٍ وتبيين
الباسل
02/09/2002, 21:04
أخي الحبيب العماني

وينك ؟؟ عطنا مما لديك

كمل النقص وعطنا كل اللي عندك مشكور



على فكرة العماني لديه كنز

من الشعر

لكنه يعطينا بالقطاره:)