يالله ياللي كل مضطر يرجيه =يامبغض ناس وناس يبيها

[نادر الناهشي]

بسم الله الرحمن الرحيم



مازال الشاعر نادر الناهشي خلف القضبان وقد أطل علينا بهذه القصيدة






ويش عذر بقعاء والعرب والمشاريه=ويش عذرها من يوم جينا عليهـا

من أول في جنـة الخلـد والتيـه=وذنوبنـا مـن طيشنـا نشتريهـا

من يتبع الرحمن بالصـدق ينجيـه=يكفيـه صكـات البـلا مايجيهـا

ومن يتبع الشيطان بالشـر يغويـه=أحـلام ليـل والخـزي مقتفيـهـا

من بـاع دينـه فالمذلـة تخاويـه=يمشي بهـا فقيرهـا مـع غنيهـا

ومن لايصلـي ماتوفـق دعاويـه=ومن لاحسب مدخولهـا راح فيهـا

ماكل غرس مثمـر مـن سوانيـه=وماكل من وصل السمـا يعتليهـا

ومن يجهل القـرآن وقتـه يوعيـه=صولات عرجات الزمـن يبتديهـا

يالله ياللي كـل مضطـر يرجيـه يامبغـض نـاس ونـاس يبيـهـا

ياواحد ماضيـع الجهـد محصيـه وماشاركه في الكون مـن يدعيهـا

تفرج لمن بيته على العـز بانيـه=لو غار حسـاد الرجـال ودنيهـا

ياهيه ياللـي تنقـل الكبـر ياهيـه=ياراعي الدنيـا حريـص عليهـا

نجمي علا نجمك ولو فيـه مافيـه=ومالك علـى مثلـي دروب تبيهـا

أنا كحل عينـك وتاجـك وباقيـه=ياشبه من تسكن وتكنـس حويهـا

لاتنتظر من فاقد الطيـب يعطيـه=يومك علـى قـدك عليهـا عليهـا

كانك علـى ذم المناعيـر هاويـه=فانا عمـى عينـك وانـا مبتليهـا

مايستوي راس الجسد مع مواطيه=وماكل من رام العـلا مـن بنيهـا

تبت يدا الانـذال حاسـد وواشيـه=تبـت يـدا الدنيـا وتبـت يديهـا

يقولها اللي مارجـى كـون واليـه=بينتـهـا واعلنتـهـا واعنيـهـا

[واعي لكلامي]

صح لسااااااااااااااااااانك وطلب والله عزك يالنهاشي باللي تامر عليه.........وانا تحت امرك ولو انك ما تعرفني
بس ياخووووووووك ما به احد ما يعرف ال ناهش ...........يحفظك ربي

[جووري]

صـــــــــح لسانك

الله يعطيك العافيه

[سراق القلوب]

.

.

صح لسان الشاعر والله يطلعه بالسلامه قصيده وافيه . .

ومشكوريالغالي على نقلها . .