نادر الناهشي
14/07/2008, 02:43
الشاعر نادر الناهشي ما زال خلف القضبان منذ أكثر من أربعة أشهر على أثر خلاف مع مسؤول شركة الجميح وها هو يطل من نافذة الإبداع بهذه القصيدة وفي آخر زيارة له أعطاني هذه القصيدة والسماح لي بالدخول ونشرها بمعرفه الموجود في منتدى السليل
**********************
الصبر فاض وهاض مغتاض واهتاض=مقياض غرسي فات ما ذقت قيضه
أثر الوفا فيه الرجاجيل تعتاض=همّ القلوب اللي برى الحال غيضه
مابين نسيانٍ وشيمة وغمّاض=حدّيت في جالٍ وانا ارضي عريضة
وقتٍ غدى رجعه رشاشٍ وتبياض= والناس مرضى والمراعي حضيضة
سحاب ياللي في سما ناضري ناض=قفّا وبرقه ما بقى الاّ وميضه
والشاص في دربه صباخي وربّاض=ولا من عطى الوادي يردّه مفيضه
قلب الشقى احلامه صعيبات واعراض=والدّرب طوّل والحواسد مريضه
دنياي حبلى ما بقى غير الاجهاض=يعرف مقاديم الحيا من بريضه
يا سارية يا سارية يا بن عرباض=الليل طال وشمس بقعا نقيضة
وقت الردى ما فاد به طيب واعراض=وما فاد طيبٍ في النفوس البغيضة
يا مجدنا الحاضر ويا مجدنا الماض=مجد العرب ما بين غضّه غضيضه
قالوا الفجر ريّض وحتّيش لا راض=والقصر ما يبنيه باقي قضيضه
وترى اللبن ما يستوي دون خضّاض=والنّفل ما يقبل بليّا فريضة
العلم له ناقد وعارف ونقّاض=اسم العرب ناصر وصالح وعيضة
يقوله اللي ما امتهن شذب الاعراض=وما شال حقدٍ بالخطوط العريضة
محبكم
نادر الناهشي
..
**********************
الصبر فاض وهاض مغتاض واهتاض=مقياض غرسي فات ما ذقت قيضه
أثر الوفا فيه الرجاجيل تعتاض=همّ القلوب اللي برى الحال غيضه
مابين نسيانٍ وشيمة وغمّاض=حدّيت في جالٍ وانا ارضي عريضة
وقتٍ غدى رجعه رشاشٍ وتبياض= والناس مرضى والمراعي حضيضة
سحاب ياللي في سما ناضري ناض=قفّا وبرقه ما بقى الاّ وميضه
والشاص في دربه صباخي وربّاض=ولا من عطى الوادي يردّه مفيضه
قلب الشقى احلامه صعيبات واعراض=والدّرب طوّل والحواسد مريضه
دنياي حبلى ما بقى غير الاجهاض=يعرف مقاديم الحيا من بريضه
يا سارية يا سارية يا بن عرباض=الليل طال وشمس بقعا نقيضة
وقت الردى ما فاد به طيب واعراض=وما فاد طيبٍ في النفوس البغيضة
يا مجدنا الحاضر ويا مجدنا الماض=مجد العرب ما بين غضّه غضيضه
قالوا الفجر ريّض وحتّيش لا راض=والقصر ما يبنيه باقي قضيضه
وترى اللبن ما يستوي دون خضّاض=والنّفل ما يقبل بليّا فريضة
العلم له ناقد وعارف ونقّاض=اسم العرب ناصر وصالح وعيضة
يقوله اللي ما امتهن شذب الاعراض=وما شال حقدٍ بالخطوط العريضة
محبكم
نادر الناهشي
..