احبك وربي احبك

[عشق المحبين]

يصوّت حبيبي وقبـل أقـول ياعونـك
شكى جروحه ورحت أشكي له طعوني

يقول مقدر أعيش اليـوم مـن دونـك
وأقول حتى ولو ماعشت مـن دونـي

يمكن أنا اكون أعز إنسان ف عيونـك
بس انت والله كل النـاس ف عيونـي

لا صرت ربعي وداري وفيّـة جفونـك
وش دخّل الناس خل النـاس يجفونـي

يكفيني إن انت لا من قلـت وشلونـك
تطيب كل الجـروح ويختلـف لونـي

وإن كان منتب مصدقني على هونـك
تعال وطالـع دروبـي ويـن ودونـي

أصبحت أجامل عداي اللـي يحبونـك
وأكره مشاهد عـداك اللـي يحبونـي

ومن كثر ما احب واكره عنك واصونك
أصبحت دفتر مشاعر وأنت مضموني

إن غبت عني شعرت بلـذة طعونـك
وإن شفت زولك شعرت بقيمة عيونـي..


..
.
واتمنى تنال اعجابكمـ.

اخوكم عشق المحبين H

[ناصر الدوسري]

صح لسانك اخوي عشق المحبين وبيض الله وجهك على القصيده الرئعه والله يكون بعونك
ولاعــــــــــــــــــدمـــــــــنااك
اخوك***ناصر الدوسري

[عشق المحبين]

مشكور على الرد والمرور الجميل يعطيك الف عافيه

والله يكون بعون الجميع ،،،،،،لاهنت ماقصرت


تقبل تحياتي اخوك ابومحمد عشق المحبين ،،،،:sm232:

[الدوسرية]

لك منى كل التقدير على ابداعك
الف شكر