حياء الفتاه و رجولة الشاب

[ابوفيصل]

اين ذهب حياء الفتاة ؟؟ و اين ذهبت رجولة الرجل ؟؟؟

ظاهره غريبه؟؟؟؟؟
في هالايام في ظواهر كثييييييييييييره غريبه
لكن اكثر ظاهرتين شدتني هي...
1- البنات :-
عندنا في المدارس والكليات والجامعات
تجي البنت حالقه الشعر (( بوي ))
وتشمر الاكمام وتتكلم بصوت الكل
يخاف منها يحسونها ولد
يعني بالصريح (( مسترجله ))


*************
2- الشباب :-
الشي الغريب ان الولد يجيك مطول الشعر
لحد الكتف ويمكن اطول ويلفه على براااا؟؟؟
ويلبس البرمودا والكت
لا والحين الموضه عندهم
ينتف الحاجب ويرفعه فوق( 8 8 )
ويحط كحل و ( قلوس) مرطب شفايف
ويبدا يتمرقع <<( يتمخطر) قدام البنات
كانه عارضة ازياء؟
**************
الحين انا مره محتار
1- وين راح حيا البنت ؟؟
2- هل ماتت الرجوله؟؟
**************

[تاج الغلا]

يعطيك العافيه ابو فيصل على هذا الموضوع الهادف
وصدقت في موضوعك اين ذهب حياء الفتاه؟]

والله نحن من نعاني من انعدام حياء الفتاه كوني معلمه يمر علينا طالبات الله يهديهم
وهذا يرجع من تربيةالوالدين وعدم مراقبه الوالدين وكذلك رفقاء السوء
واذا تكلم الواحد تعال شوف الاهالي شكاوي وقلت حياء ومايدرون وش البنت مسويه
وهذا أن دل يدل على قلة الحياء الفتاه[/color]





أما رجولته الرجل من شرب الببسي هههههههههه وكذلك من الغزو الغربي علينا هذه النتائج
ظهرت سلبيتها على حياء الفتاة ورجولته الرجل

تقبل مروري

واك مني كل الاحترام والتقدير

[الفيلسوف]

مشكور أخوي ابو فيصل

ويعطيك العافية

ذوهذا نتائج الغزو الغربي لشباب المسلمين

والله يستر

[فهد مبارك الودعاني]

موضوع في الصميم

أخوي أبو فيصل

بيض الله و جهك على ماخطه قلمك الجميل و المميز

عساه قلم لأيفضى حبره مثل هذه المواضيع و أمثالها

لأهنت وجمل الله حالك يالغالي..


ونسأل الله أن يهدي شباب و بنات المسلمين و المسلمات


وأن لله و أن اليه راجعون...



لــك مــنــي كــل الأحــتــرام و الــتــقــديــر...

[@مهرة الساحل@]

<<عاد انتم ما تشوفون اللي نشوفه ..كانت معنا بالكلية ..وحده مسترجله ..والله العظيم انها تحلق دقنها عشان يصير لونه اخضر ..وتلبس طبعا تي شيرتات أولاد..ومرة والله كان عليها تي شيرت مثل حق أخوي..هذا غير طبعا المشيه المخيفه..والنظرات اللي تناظر فيها للبنات ..والله مثل الأولاد :sm62:

والله اننا نستحي نمر من عندها..لأننا نحس انها من جد رجال..
أتذكر مرة كنت أمشي رايحه لقاعتي ومستعجله...وما أسمع وراي الا صوت وحده يجيب العله ويقول أرقام ...لفيت وجهي لقيتها طاح قلبي ..طبعا حطيت رجلي ..ولا حسيت روحي الا وانا طايحه عند باب القاعه من الخرعه..والله الواحد ما يامن مثل هالأشكال..
<<ليش تفضحين روحس انتس طحتي :sm292:
بس على اخر الزمان البنت ترقم بنت ..الله لا يخسف فينا الأرض بس..

ولا الشباب الله يخزيهم..والتفنن باللبس بالمجمعات..خلي الحف على جنب..ياليتهم يحفون بس ما يلبسون مثل هالملابس..أخر واحد شفته كان لابس تي شيرت فوشيا وبرمودا جينز..وبوت الله يكرمكم فوشيا مع شنطه على جنب فوشيا ..طبعا والكشه اللي ماسها كهرب..

قسما بالله كان خاطري افسخ الله يعزكم صندلي واشوتها على وجهه الله يقرفه...
أشكال تخلي الواحد يشمئز..

لاهنت <<والله داخلي حتسي كثير ....:sm49:

يعطيك العافية يالطيب..