عبدالله بن مرضي الودعاني
09/12/2007, 20:46
تقديرا مني شخصيا لما يقدمه الشيخ وابن العم عبدالله الفصام لأسم القبيلة من فخر بين القبائل بأفعال الجود وانتصارات في المحافل الكبيره والرسميه فقد تجملت بفضل الله واهديت له هذه القصيده في احتفاله بفوز مزاين نوفا ويستاهل ابوفهاد اكثر من ذلك والان اترككم معها عسى ان تنال اعجابكم
يالله يالمعبود ياعالي الشان = ياواحد بأمرك جميع التدابير
انت الذي لاقلت للشئ كن كان =والريح في حكمك وتصريفك تسير
طالبك تجعل لي من الذنب غفران = وطالبك عفوٍ منك عن كل تقصير
لامن وقفنا بين اياديك ذلان = ولا لنا في غير رحمتك تفكير
ولامن ثنيت القول والبدع لي زان= ونويت اسطر بيض الاوراق تسطير
سطرت قيفان جزيلات وسمان= وطورت جزلات المفاهيم تطوير
مثايل تنقاد في الوقت لا حان =وتصور المكنون في النفس تصوير
فكري لها من ناقد الهرج ميزان = وزنتها بالعدل معنى وتعبير
مهارة ماهيب من ورث جدان =من فن فكر يصخر القاف تصخير
وكان الشعر يعدي من اخوان وابوان= فأخوي شلعان وعلي منه تأثير
الله يرحم شيخ الامثال شلعان = اللي يسمرها بليا مسامير
ماتحتمل قافه سعاطير شجعان= وأيثير في روس الرجال السعاطير
والشعر كثر وجاله اشكال واللوان = وبنسب لغير اهله ظلم وتزوير
والموهبة من البدع من فضل رحمان =ومن لا وهبه الله في جزله ايحير
وبدعتها مانيب للهرج خويان=بدعتها لهجوس الافكار تفسير
ولعلها تجلا عما كل عميان =عمي القلوب الضايعين المدابير
اللي بفوز ريال مدريد كسبان = ومن السعاده باقي اشوي ويطير
وعاده علي في كره الاوغاد شرهان= كره اليهود محللين الخنازير
في نظرته ماني مثقف وفهمان = ويقول في فكري جهاله وتأخير
متنومس في عشق عباد الاوثان =وعلى تفوقهم يسوق التباشير
الله ولا فهم تواليه حقران = ولو شرهوا ضعوف العرب خير ياطير
من يعشق الكفار مالي معه شان= وبموت وأنا اشوفه بعيني اصغير
ولانيب انا وياه ربع وخلان= له نظرةٍ غيرٍ وانا نظرتيٍ غير
جل نظري ماهو لبرتو و زيدان= جل نظري صوب الرجال المناعير
لوقال ابوفهاد شيخ الثنا كان= ابديت له كل احترام وتقدير
وشجعت انا وياه من قلب ولسان = وصفقت لين أشعل حماس الجماهير
أقدر أهل الطيب لو كان عدوان= وش عاد ابن عمي صبي المخاسير
عبدالله الفصام هيف أسمن الضان =لا بانت أوجيه الرجال المسافير
نادر حرار مالها سوم وأثمان = أثمانها متعة أعيون الصقاقير
متسلسل من روس ذربين الأيمان = من مسعر وصهيب مبدى التقارير
تسلم يابو فهاد ياطير حوران = ياغيث هلكا في الليال المعاسير
امزبن اللي من عنا الوقت بلشان = ويمك تعنا من بعيد المشاوير
لك مجلس من كثر ماجاه ضيفان= ما عاد له باب وفتح وتسكير
تستقبل اضيوفك بشاشة كحيلان= ويودع ضيوفك خلاج المعاشير
بير قراح يارده كل هلكان = ولو للبحر وراد ماقلت لك بير
باأقول بحرٍ ماتغيره الازمان = لوتارده شبه الجزيرة طوابير
سواحله تروي ضما كل عطشان= ماهيب لحية جذب دلو ونواعير
لاجا مجالك بالثنا بعض الاحيان= وإنا على يعض القبايل مسايير
أما جنوب صوب يام وقحطان = ولا شمال صوب عتبان ومطير
ثم قسموا لهل الثنا الجزل تيجان= وأعطوك تاج وكلمتين مغاتير
وطرى علي إن جدي وجدك إخوان=يفوح راسي مثل فوح الدوافير
ويشوش ويشوش على سمع الآذان= كنه يغطي سمع الآذان تصفير
من كثر ماني فايزٍ بك وطربان = ياقوم ياحاتم وياسالم الزير
إنكانهم كرمان ايادي وظفران= فأحسب مع ثنتينهم شيخ و أمير
افخر بتاج المدح في كل ميدان = وإنا معك ونقول لك واصل السير
يفداك من فعله للدنين خذلان = ومحشوم من ذكر الرخوم المعاثير
ويفداك من ماله مذمه وحرمان = من سمعة بالمدح مثل النوافير
كسبتها ياشوقها يابليهان= شامت لك من أهل الوجيه المغابير
خلته وأقفت كنها فرخ شيهان = عاده يدقق في حساب الفواتير
صيتك يابو فهاد بين العرب بان =صيت ينومسني يلا ذكر بالخير
وينومس الظفران حمران الأعيان = اللي لهم هقوه وروس مساطيير
لاهنت ياناموس ربعك ولا هان =رجل مهوب ايلا سمع مدحك يغير
تستاهل أبدع فيك بالمدح قيفان= ولاهيب عند الناس تحتاج تبرير
شرواك مايحتاج في المدح برهان= أسمك يكفي من جميع المعاذير
ولوكان أولف فيك بالمدح ديوان= مايكفي لمدح الشيوخ المشاهير
ماضني ان ياصل مواصيلك انسان= حتى بعيرك ماخلق مثله بعير
شاع اسم مشعوفان في كل الاوطان= ما استبعد انه يعرفه بوش وبلير
اسمحلي احييك شكر وعرفان= أعداد همال القنوف المزابير
واعداد ما هز الهوى لدن الاغصان= واعداد ما رفرف بجنحانه الطير
مشومه الكادي ومسك وريحان = وألذ من در البكار المصاغير
في خايعً عله من الوسم ودان= يبهج عيونك فيه زيف النواوير
ومن قال فيما قلت ضايع وغلطان =قلت استرح ما احد طلب منك تنوير
وأسكر اذني من كلامه بسفهان= ولو ظاق من السفهان وش عاد بيصير
لاراح ماني من مراحه بخسران =خسارتي ظلم الشيوخ المغاوير
ولاله علي عند المطاليق بيبان = في مدح ابو فهاد ستر الغنادير
وأفخر بقولي دامني فيه قنعان= ولا أطيع في الفصام هزل الاشاوير
قلته ونا نسل الشيوخ ابن ودعان=لاقلت قولي مايجي فيه تغيير
وإنا الذي يوم العرب كان قيمان =يوم الحكم حد السيوف البواتير
جهامنا ماله رقيبه ورعيان= نهمل بدار القوم سود الاباكير
لاحافها الزيزوم في الكسب طمعان = يجظ لاشاف المبيعيج وينير
وسم لفعل الجد في الحرب عنوان= ناصر و ناصر ما لمدحه معايير
من نسل وداعان ابن سالم صنيتان = في هيبته يرعا هملنا المخاضير
وخاله رعا الرايه الامير ابن بدران = لا طب سوق ما بقا له هوامير
شيخ لاقاد اجموعنا أنتابه جنان = يأمر (جبل برك) يوسع له السير
واليوم من فضل الله أسلام وامان = والحمد لله وأشكره صبح وعصير
والله يديم لنا ابومتعب وسطان = ذرى الوطن والشعب من كل تقصير
في حكمهم يرعى مع الضان سرحان=وصار اطرم الطرمان راعي جهامير
تمت وذكر الله مبدى وختمان = قاف يعادل في غلاه الدنانير
الشاعر : عبدالله بن مرضي الودعاني
لكم الود والورد من محب الكل
ابوطلال
يالله يالمعبود ياعالي الشان = ياواحد بأمرك جميع التدابير
انت الذي لاقلت للشئ كن كان =والريح في حكمك وتصريفك تسير
طالبك تجعل لي من الذنب غفران = وطالبك عفوٍ منك عن كل تقصير
لامن وقفنا بين اياديك ذلان = ولا لنا في غير رحمتك تفكير
ولامن ثنيت القول والبدع لي زان= ونويت اسطر بيض الاوراق تسطير
سطرت قيفان جزيلات وسمان= وطورت جزلات المفاهيم تطوير
مثايل تنقاد في الوقت لا حان =وتصور المكنون في النفس تصوير
فكري لها من ناقد الهرج ميزان = وزنتها بالعدل معنى وتعبير
مهارة ماهيب من ورث جدان =من فن فكر يصخر القاف تصخير
وكان الشعر يعدي من اخوان وابوان= فأخوي شلعان وعلي منه تأثير
الله يرحم شيخ الامثال شلعان = اللي يسمرها بليا مسامير
ماتحتمل قافه سعاطير شجعان= وأيثير في روس الرجال السعاطير
والشعر كثر وجاله اشكال واللوان = وبنسب لغير اهله ظلم وتزوير
والموهبة من البدع من فضل رحمان =ومن لا وهبه الله في جزله ايحير
وبدعتها مانيب للهرج خويان=بدعتها لهجوس الافكار تفسير
ولعلها تجلا عما كل عميان =عمي القلوب الضايعين المدابير
اللي بفوز ريال مدريد كسبان = ومن السعاده باقي اشوي ويطير
وعاده علي في كره الاوغاد شرهان= كره اليهود محللين الخنازير
في نظرته ماني مثقف وفهمان = ويقول في فكري جهاله وتأخير
متنومس في عشق عباد الاوثان =وعلى تفوقهم يسوق التباشير
الله ولا فهم تواليه حقران = ولو شرهوا ضعوف العرب خير ياطير
من يعشق الكفار مالي معه شان= وبموت وأنا اشوفه بعيني اصغير
ولانيب انا وياه ربع وخلان= له نظرةٍ غيرٍ وانا نظرتيٍ غير
جل نظري ماهو لبرتو و زيدان= جل نظري صوب الرجال المناعير
لوقال ابوفهاد شيخ الثنا كان= ابديت له كل احترام وتقدير
وشجعت انا وياه من قلب ولسان = وصفقت لين أشعل حماس الجماهير
أقدر أهل الطيب لو كان عدوان= وش عاد ابن عمي صبي المخاسير
عبدالله الفصام هيف أسمن الضان =لا بانت أوجيه الرجال المسافير
نادر حرار مالها سوم وأثمان = أثمانها متعة أعيون الصقاقير
متسلسل من روس ذربين الأيمان = من مسعر وصهيب مبدى التقارير
تسلم يابو فهاد ياطير حوران = ياغيث هلكا في الليال المعاسير
امزبن اللي من عنا الوقت بلشان = ويمك تعنا من بعيد المشاوير
لك مجلس من كثر ماجاه ضيفان= ما عاد له باب وفتح وتسكير
تستقبل اضيوفك بشاشة كحيلان= ويودع ضيوفك خلاج المعاشير
بير قراح يارده كل هلكان = ولو للبحر وراد ماقلت لك بير
باأقول بحرٍ ماتغيره الازمان = لوتارده شبه الجزيرة طوابير
سواحله تروي ضما كل عطشان= ماهيب لحية جذب دلو ونواعير
لاجا مجالك بالثنا بعض الاحيان= وإنا على يعض القبايل مسايير
أما جنوب صوب يام وقحطان = ولا شمال صوب عتبان ومطير
ثم قسموا لهل الثنا الجزل تيجان= وأعطوك تاج وكلمتين مغاتير
وطرى علي إن جدي وجدك إخوان=يفوح راسي مثل فوح الدوافير
ويشوش ويشوش على سمع الآذان= كنه يغطي سمع الآذان تصفير
من كثر ماني فايزٍ بك وطربان = ياقوم ياحاتم وياسالم الزير
إنكانهم كرمان ايادي وظفران= فأحسب مع ثنتينهم شيخ و أمير
افخر بتاج المدح في كل ميدان = وإنا معك ونقول لك واصل السير
يفداك من فعله للدنين خذلان = ومحشوم من ذكر الرخوم المعاثير
ويفداك من ماله مذمه وحرمان = من سمعة بالمدح مثل النوافير
كسبتها ياشوقها يابليهان= شامت لك من أهل الوجيه المغابير
خلته وأقفت كنها فرخ شيهان = عاده يدقق في حساب الفواتير
صيتك يابو فهاد بين العرب بان =صيت ينومسني يلا ذكر بالخير
وينومس الظفران حمران الأعيان = اللي لهم هقوه وروس مساطيير
لاهنت ياناموس ربعك ولا هان =رجل مهوب ايلا سمع مدحك يغير
تستاهل أبدع فيك بالمدح قيفان= ولاهيب عند الناس تحتاج تبرير
شرواك مايحتاج في المدح برهان= أسمك يكفي من جميع المعاذير
ولوكان أولف فيك بالمدح ديوان= مايكفي لمدح الشيوخ المشاهير
ماضني ان ياصل مواصيلك انسان= حتى بعيرك ماخلق مثله بعير
شاع اسم مشعوفان في كل الاوطان= ما استبعد انه يعرفه بوش وبلير
اسمحلي احييك شكر وعرفان= أعداد همال القنوف المزابير
واعداد ما هز الهوى لدن الاغصان= واعداد ما رفرف بجنحانه الطير
مشومه الكادي ومسك وريحان = وألذ من در البكار المصاغير
في خايعً عله من الوسم ودان= يبهج عيونك فيه زيف النواوير
ومن قال فيما قلت ضايع وغلطان =قلت استرح ما احد طلب منك تنوير
وأسكر اذني من كلامه بسفهان= ولو ظاق من السفهان وش عاد بيصير
لاراح ماني من مراحه بخسران =خسارتي ظلم الشيوخ المغاوير
ولاله علي عند المطاليق بيبان = في مدح ابو فهاد ستر الغنادير
وأفخر بقولي دامني فيه قنعان= ولا أطيع في الفصام هزل الاشاوير
قلته ونا نسل الشيوخ ابن ودعان=لاقلت قولي مايجي فيه تغيير
وإنا الذي يوم العرب كان قيمان =يوم الحكم حد السيوف البواتير
جهامنا ماله رقيبه ورعيان= نهمل بدار القوم سود الاباكير
لاحافها الزيزوم في الكسب طمعان = يجظ لاشاف المبيعيج وينير
وسم لفعل الجد في الحرب عنوان= ناصر و ناصر ما لمدحه معايير
من نسل وداعان ابن سالم صنيتان = في هيبته يرعا هملنا المخاضير
وخاله رعا الرايه الامير ابن بدران = لا طب سوق ما بقا له هوامير
شيخ لاقاد اجموعنا أنتابه جنان = يأمر (جبل برك) يوسع له السير
واليوم من فضل الله أسلام وامان = والحمد لله وأشكره صبح وعصير
والله يديم لنا ابومتعب وسطان = ذرى الوطن والشعب من كل تقصير
في حكمهم يرعى مع الضان سرحان=وصار اطرم الطرمان راعي جهامير
تمت وذكر الله مبدى وختمان = قاف يعادل في غلاه الدنانير
الشاعر : عبدالله بن مرضي الودعاني
لكم الود والورد من محب الكل
ابوطلال