عبدالله بن مرضي الودعاني
08/12/2007, 20:41
هو الشاعر الفحل شلعان بن ظافر بن فهيد الجماعين الوداعين الدوسري
الساكنين بمدينه السليل عاش ردحاً من الزمن في حياة الباديه متنقلاً في فلواتها القريبه من هجرة (إحمام ) مع أهله وعشيرته ومع الابل حيثما حلت ورحلت وقد إكتسب شعره صفة مميزه من هذه الحياة البدوية.
ولد بمدينة السليل عام 1340هــ تقريباً ولما بلغ سن الرشد سافر الى العاصمه الرياض والتحق بسلك الجندية وبقي وقتا طويلاً ثم سافر بعد ذلك لدولة الكويت والتحق بالجيش الكويتي برتبه جندي وبقي بضع سنين ثم عاد للمملكه لوطنه السليل وللمره الثانيه عاد للكويت لعمل الجنديه وتدرج حتى بلغ رتبة رائد بالجيش الكويتي ثم رغب العوده للمملكه لموطنه السليل حتى توفي به عام 1424هـ. رحمه الله واحسن مثواه
http://www.ss9ss.net/up/uploads/c30d7650da.jpg (http://www.ss9ss.net/up/)
جميع المقدمات تتقزم عندما يقول هذا الشاعر الفحل
طار الكرى من مقلة العين وأمطرت=سحابة يسبق مطرها رعودها
في صافي القرطاس يمشي بها القلم=مثايلٍ خيط البريسم يقودها
ناخذ نواديها ونترك هزيلها=فعل الردا ما خش بين بنودها
ذا شرعنا وطبوعنا وسلومنا=نسبق على العليا ونرقى سنودها
وان جت سوالفنا ينومس دليلها=صحايف التاريخ تثبت وجودها
سوالفٍ مهيب لاحدٍ غيرنا=جيراننا وجدارنا من شهودها
حنا الدواسر ممنة كل خايف=دايم على العليا تواثب جهودها
الطيب ما يخفى على كل طيب=الآجواد كسب الطايلة ما يكودها
الزايدي والتغلبي من دوسر=أفعالهم عود بعين حسودها
بالسيف نملك كل خضرا مدينه=لين أصبحت جنة نهزع فنودها
حنا هل الوادي عما كل عادي=لا جت شيوخ القوم تسحب جرودها
نحدهم ونردهم عن هواهم=والموت للي جا بقومه يذودها
هذي ديرْنا والآذاني تسمع=واللي يسد اذنيه منها جودها
حنا بني زايد بزود فعولنا=والزايدية كل يومٍ بزودها
نفعل بفعل جدودنا ونزيدها=حيث الضرايب تتبع مهدودها
حنا هل البل من قديم وحاضر=فنس الخشوم اللي زيانٍ خدودها
تفرح بنا لا صاح صياح ريبة=لا حنت الفاطر تبي مفرودها
نلحق على قبٍ سكنا ظهورها=كن السهوم المطلقات جسودها
ولا من رمت بقناعها الزايديه=وعلى جثيل المال ساقت قعودها
نورد الاسياف بيضٍ لوامع=ونصدر الاسياف حمرٍ حدودها
خيالة الحرشا ونعتزي بها=عزوة حرارٍ مرثتها جدودها
وخيالة الجدعا وهي عزوتنا=ولانفخت بعض الرجال لغودها
وراعي صخاف الشول سيفٍ قاطع=لامن انتخى صاب الخيول جمودها
نرعى بها غصبٍ على كل حاسد=يبرى لها خيالها نمرودها
وفرسانها من دونها تنطح العدا=باللي تقص الراس من جلمودها
حنا هل القيمه رجال الشيمة=دواسرٍ كسب الثنا مقصودها
الزايدي والتغلبي من دوسر=تاج الفخر ملبوسها من صمودها
نحب نكسب كل علمٍ طيب=سوالفٍ يازين قطف ورودها
اهل الحسب واهل النسب والشيمة=نعطي الرجال حقوقها ونزودها
هذا كلام الشاعر الودعاني=مثايلٍ بافعالها وشهودها
ماكل من يرمي الهدف صاب الهدف=ولا كل شجرة ينبت الورد عودها
تمت وصلى الله على سيد البشر=ما غنت الورقا بعالي فنودها
وله في الحكمة
يافهيد شب النار وجح المناره=واحمس من اللي ما بعد عذربو فيه
الى انقلب لونه وقرب صفاره= إصفح بها جمر الغضا لين تسويه
دقه بنجر الماو تظهر إعباره=حتى يجيك إمدور البن يبغيه
لامن حكمت الكيف زود بهاره= ترا صلاح البن من قلب راعيه
زله ترا اللي حاضر بالنتظاره=وصبه لمن هو بالشحاشيح يشريه
وعده لمن رايه تدله أفكاره=حلال حبل إمروبعات العقد فيه
واثنه لمن يثني القدم دون جاره=والى دعاه الحرب رحب إبداعيه
وباقي العرب لو كان يشره وداره=لاعاد ماأنتب في المراجل بترجيه
فالمرجله حبلٍ تقطع شراره= من يقضبه يصبر على حرقة إيديه
والهون هين ما يبي له إدواره=حبل نعيم من بغا ينحدر فيه
يا خاسرٍ بالطيب ماهو خساره=من طاب فيك من الرجاجيل طب فيه
ياهيه ياركاب زين الغماره=بلهون لين أسجل الخط واطويه
بلهون لين الليل يدني سماره=مقدار فنجالٍ يصوغه إمسويه
واخذ الرساله من حكيم القداره=اللي خذا من زبدة الهرج وافيه
لا من ركبت القار عطه الحراره=خل النبير إيميل ويعد ما فيه
أجنب جنوب والحسا من يساره=خط السليل من ورا الخرج يدعيه
تلفي إحمام قبل يطلع نهاره=مرباعهم مصيافهم قيضو فيه
ياما حموا لدباش من كل غاره=لاصاح صياح الضحا عند تاليه
لا ثار من عج السبايا إغباره=وردوا كما سيل حدر من مناشيه
هم ربعنا لا كلٍ عنز إبداره=والرمح ما يرجع إسنانه لحاميه
يا كاسبين العز في كل شاره=سب القفا خسران من مدحته فيه
وانتو كبار القوم واهل النعاره=عقالنا لاضيع الماء مجاريه
ترا الدبا ياكل اكباره إصغاره=والحر ما ياكل طوارف ثناديه
حنا لكم ذخرٍ قويٍ إستاره=وانتو سندنا لا دعا الشر داعيه
ياهل الشهامه والفخر والوقاره=ياربعنا اللي كل منكم بنغليه
فكلٍ يقول القاف على إقتداره=والهرج يكفي صامله عن تواليه
من شال حمل الضيم زاد إنهياره=لو كان طيب راس لازم يوطيه
ومن شق جيب الناس شقو إزاره=ومن طاول أطول منه ضاعت هقاويه
ومن دور العثرات يلقى العثاره=لابد ما يندم على فعل ماضيه
ومن يدعي للحق قل إعتباره=ومن يدعي بالحق يفلج إمداعيه
ومن حط له بيت النميمه إتجاره=مكروه والمكروه محدٍ يدانيه
ومن شذ من ربعه الى جاء مشاره=هذاك لو بوصفه ويش أسميه
مثل الثعل لا قرب الله داره=وان صاد شيء صيدته ما تعشيه
ترا الفهيم إفهيم يعرف مغاره=والداب فعله بين إبرجل واطيه
والرجل صندوق وقفله عماره=وان إنكسر قفله ظهر كل ما فيه
يا الله يا جالي الخطر والغياره=الله يساعدنا عليه وبلاويه
لو نسأل التاريخ واظهر أسراره=شفنا مواقف كل رجل ومماشيه
فاحدٍ ذهب واحدٍ لسانه دماره=الفرق واضح ما يبي من ينبيه
واحدٍ جبل واحدٍ دكاكه جواره=واحدٍ سند واحدٍ رمد عين معميه
واحدٍ كما سورٍ قويٍ إحضاره=من لاذ به بردان يلقى الذرا فيه
واحدٍ كما شعبٍ كثيرٍ خضاره=لا شافه العساس شد ونزل فيه
واحدٍ كما شعبٍ كثير إغباره=يموت ضبه مالقا عيشةٍ فيه
واخير من طول الكلام إختصاره=ماقل دل ومن بغا الرجم يبديه
وله أجمل وأعذب وأدق ما قرأته في وصف الإبل
بدعت المثايل والمثايل لها بيبان=إلى فتحت بيبانها جاك مافيها
على القصد والمقصود بعدل القيفان=عسى راع البل عند ذوده يغنيها
يغني بها في خايعٍ عله الودان=بذيك النفود اللي عسى الغيث يسقيها
تهشم ربابه من طريف إلى نجران=مداهيل عوج السوق ربي رضا فيها
تشوف الخزامى و الشقارى مع المكنان=تخالف زهرها ساكناتٍ ذواريها
تكبر قياع الرمث من زاهر الحوذان=كساها ولي العرش وأحسن كساويها
مداهيل حلوات اللبن خلقة الرحمان=مجاهيم سود خالق الكون مسويها
مجاهيم جاذبها الفحل والوجيه زيان=وساعٍ مرافقها طوالٍ خطاويها
جليلات عظم الساق مرفوعة الحجان=طوال الرقاب مشرهفات أذانيها
عراض الخدود اللي تماري بها البدوان=كبار الفقار موسعة صدر راعيها
مجاهيم رمليات لخشومها نيشان=ترافض بلا دمها حدادٍ نواصيها
هوى القلب خطوى نايفة والضلوع متان=تجي بالحلا والزين وترد به فيها
كبيرة مزر الورك فجحا من السيقان=تخنطل قوايمها كبارٍ مواطيها
تمايح بذبلٍ مثل دراهة القران=نهار الطرب هذا لهذا يوديها
لها غاربٍ متقدمٍ شامخٍ مليان=يدافر حباك العيز والعيز حاليها
وساع منادغها من الزور للكعيان=بها كل شيٍ زين والملح غاشيها
طموحٍ تحذف أشناقها واسعة بيعان=فروعٍ فتون البيد عسمٍ أياديها
ولا رايعت كن المعنق على رمان=تعوجه من العاتق خفوقٍ لواحيها
سنودٍ من الغارب فسيحة من الذرعان=عسى ربنا من شر خلقه ينجيها
البل تراها السود والصهب يالظفران=وشقحٍ سواد اذيالها فاصلٍ فيها
أنا احب شوف الوضح وضاحة الألوان=مغاتير من جلد الوضيحي تحاليها
مغاتير جذابات ومكحلات أعيان=جميع الوصايف كلها كاملة فيها
مغاتير فنس خشوم فيها الدريعي بان=عرانينها وشعوفها فاصلة فيها
مغاتير معروفات وطبوعهن زيان=على الصوت ماتبغي راعي الصوت يتليها
الى شفتهن رتوع في خاطي الجيان=تشادي القنوف المرسية بامر واليها
مغاتير لامن سمعت الصوت والدندان=لاكن الذيابة تهتوش عند تاليها
مغاتير لاغنى المغني على عليان=ضربها السطر لا صاح بالصوت راعيها
الى جلعت لاكنها شرد الغزلان=وراها المفرد يابساتٍ علابيها
الى من ذعرها الصوت واستولت الميدان=يقوس ذرايب عجها من سماريها
ركد عجها من سجها والجرس رنان=تجي ذي مع هاذي وهاذي تباريها
ترى البل فرح وسرور من خلقة الإنسان=عسى الله يبور بواحدٍ بايرٍ فيها
كنوز البداوة منقذه راعي البستان=مواريث جدود باشهب الملح تحميها
مداخيلها عسرة على بايع الرمان=ولا تصلح البل كون في مرّح اهاليها
حلا ما حلا مرواحها تجذب الحيران=الى أقبل غروب الشمس والليل ضاويها
على بيت منهو يكرم الضيف والجيران=عشير النشامى كل ماحل طاريها
عسى من يسوق المال في غالية الأثمان=يبارك له الرحمان فيها ويذريها
أنا قلتها وادخل على الله من النسيان=مع الناس صفر وزرق ماني بناسيها
وحمر وشعل تختلف بينها الألوان=إلى تاه فيها الوصف تعرف باساميها
ترى البل تعز الرجل تكفون يالجذعان=حرامٍ عليكم تركها والطمع فيها
وصلاة ربي عد مالاح برق وبان=بسود القنوف اللي غلاظ مثانيها
على الهادي المبعوث بسنة من الرحمان=شفيع أمته لا نوديت بامر واليها
وله في الوصف و الغزل العفيف
وجودي على بدوٍ رعو حومة النقيان"="رعو في جديد العشب لازاف زملوقه
وجودي على شوف المعاشير والحيران"="مظاهير أهلها جات للقفر مسيوقه
نصو مرتعٍ فيه الخزامى مع المكنان"="يعط الندا به ما بعد يبست عروقه
وبنوا به أبيوتٍ واستقلت كما الحيطان"="وترى ذي حياة الروح والنفس ملحوقه
وشب المناره متعب البن للضيفان"="وتلافو عليه اللي يحبون منطوقه
حمس طبخةٍ تقعد خوا الدايخ العمسان"="ولاهيب لانيه ولاهيب محروقه
نكبها بنجرٍ كل ما ضرب زاد جنان"="الى من ضجر كن صوته يجيه من فوقه
حكمها على غاية هل الكيف والظفران"="بها زعفران وهيل واشكال مرفوقه
وخذاها خفيف النفس في دلة الرسلان"="بها طمغةٍ من حقوها فوق مدقوقه
وبعد ساعةٍ قامت تواردهم الذيدان"="رتع كل ذودٍ عقب مشيه وطاروقه
رعت كل عشبٍ ٍخايعٍ مــاتبي رعيان"="مع كل شقه عشبها تومي عنوقه
كساها الشحم عقب الهزل لين جات سمان"="فضايل كريم خاط من جوده إفتوقه
فحلها مع طرفها والوجيه إزيان"="كما الطار محني الزبد يضرب أشدوقه
الا ياوجودي وجد من فارق البدوان"="طواه الهيام وثومة القلب محروقه
انا ما ذبحني كود من عودها ريان"="كما غصن موزٍ تدبح بروسه عذوقه
رقيق المعنق كنها قايد الغزلان"="الا من مشت كنها من الحقو منتوقه
جرحني وراح ومكسبي منه الحرمان"="جداي الونين ودمعة العين مدفوقه
وقال ايضاً
رقا من فقد الأحباب في مرقبه رقا=بدع ما بصدره من تحت عوج الأضلاعي
بقا الدمع يذرف مير مامنه شن بقا=نبع من نظير العين في وصف نباعي
شقا قلبي المذهوب فيما لقا شقا=طبع وانطبع في حب زينات الأطباعي
هقا ان الهوى سلام في هقوته هقا=درع في شبك سجنٍ به الناس دراعي
لقا القلب عوقه مثل قيس وما لقا=لقع وانلقع قلبه بعشرين لقاعي
تقا لو حصل لي من لطيف الحشا تقا=ردع سيفه اللي ما له اليوم رداعي
هذه من القصائد النادره التي تتكلم عن فعل شموخ من افعال الدواسر
طاب كيفي ورجلي زان ممشاها=والمعاني وزنها عـدل ميزانـي
ما نبـي ناقـد بالنقـد يقفاهـا=خايف من بعض الاشخاص يقفاني
مـن شواذيبهاعليّـت مرقاهـا= نازله في منازل كـل ديقانـي
ياحـرار رفعهاطيـب مجناهـا= من كرمها لها بالطيب عنوانـي
تشبع اضعوفها من ظرب يمناها= تكسب المدح شيبانـن وشبانـي
مرحبا عـد ماهلـت رفاياهـا=والتراحيب للقاصي مع الدانـي
من بني عمنا واللـي توحاهـا=وكل قرم إلي من جيت له جاني
ليلة من ليـال العمـر فدناهـا= وقفتي بين ربعي تبعد أحزانـي
لابة للمراجل تشقـح أخطاهـا=تكرم الضيف والجيران والعاني
لابتي مايدوس الضـد بحماهـا= من على عصر زايد وبن بدراني
لابتي زايـد الملطـوم منشاهـا=ممنة جارهامن كـل عدوانـي
ترتفع روسنا لامـن ذكرناهـا= ذا كلامي ونا من لاد ودعانـي
لاد ودعان راس الرجم مرقاهـا= كاسبين المراجل سر وعلانـي
لابتي من يريد العـز ينصاهـا= يستريح بذرا ذربيـن الايمانـي
قصت الشمري ياناس محلاهـا= يوم ثـور عسـام الجو دخانـي
فوق سيارتـه والقـوم تشعاهـا= اجنبـي وحيـد مامعـه ثانـي
قل عزم المكينه ونقطـع ماهـا= قـال هـذا قعد مافيـه عقلانـي
ياوداعيـن بحرقهـا وبنساهـا= والعوض عند ربي عالي الشاني
عودولـه ولا واحـد تعـداهـا=حذفو بالهدوم طيـور حوانـي
شلحوها بنـي عمـي وشلاهـا= لابـة فالقـا ماهـم بـذلانـي
والقنابـل تخطفهـم شظاياهـا=ماختلف واحد من لاد ودعانـي
حملوها ونار الحرب تصلاهـا=اشهد انهم مناعيـر وشجعانـي
عقب يومين في نجران ملفاهـا= وشترو نقصها من سوق نجراني
ماتعـدو مكانـه ليـن شداهـا= وشتغل صافين ماهوب خرباني
ذي سوالف بني عمي شرحناها= ماضياتن لها فعـل وبرهانـي
هذا الموجز القليل من تاريخ الشاعر | شلعان بن ظافر رحمه الله وأحسن مثواه 000
لكم الود والورد من محب الكل
ابوطلال
الساكنين بمدينه السليل عاش ردحاً من الزمن في حياة الباديه متنقلاً في فلواتها القريبه من هجرة (إحمام ) مع أهله وعشيرته ومع الابل حيثما حلت ورحلت وقد إكتسب شعره صفة مميزه من هذه الحياة البدوية.
ولد بمدينة السليل عام 1340هــ تقريباً ولما بلغ سن الرشد سافر الى العاصمه الرياض والتحق بسلك الجندية وبقي وقتا طويلاً ثم سافر بعد ذلك لدولة الكويت والتحق بالجيش الكويتي برتبه جندي وبقي بضع سنين ثم عاد للمملكه لوطنه السليل وللمره الثانيه عاد للكويت لعمل الجنديه وتدرج حتى بلغ رتبة رائد بالجيش الكويتي ثم رغب العوده للمملكه لموطنه السليل حتى توفي به عام 1424هـ. رحمه الله واحسن مثواه
http://www.ss9ss.net/up/uploads/c30d7650da.jpg (http://www.ss9ss.net/up/)
جميع المقدمات تتقزم عندما يقول هذا الشاعر الفحل
طار الكرى من مقلة العين وأمطرت=سحابة يسبق مطرها رعودها
في صافي القرطاس يمشي بها القلم=مثايلٍ خيط البريسم يقودها
ناخذ نواديها ونترك هزيلها=فعل الردا ما خش بين بنودها
ذا شرعنا وطبوعنا وسلومنا=نسبق على العليا ونرقى سنودها
وان جت سوالفنا ينومس دليلها=صحايف التاريخ تثبت وجودها
سوالفٍ مهيب لاحدٍ غيرنا=جيراننا وجدارنا من شهودها
حنا الدواسر ممنة كل خايف=دايم على العليا تواثب جهودها
الطيب ما يخفى على كل طيب=الآجواد كسب الطايلة ما يكودها
الزايدي والتغلبي من دوسر=أفعالهم عود بعين حسودها
بالسيف نملك كل خضرا مدينه=لين أصبحت جنة نهزع فنودها
حنا هل الوادي عما كل عادي=لا جت شيوخ القوم تسحب جرودها
نحدهم ونردهم عن هواهم=والموت للي جا بقومه يذودها
هذي ديرْنا والآذاني تسمع=واللي يسد اذنيه منها جودها
حنا بني زايد بزود فعولنا=والزايدية كل يومٍ بزودها
نفعل بفعل جدودنا ونزيدها=حيث الضرايب تتبع مهدودها
حنا هل البل من قديم وحاضر=فنس الخشوم اللي زيانٍ خدودها
تفرح بنا لا صاح صياح ريبة=لا حنت الفاطر تبي مفرودها
نلحق على قبٍ سكنا ظهورها=كن السهوم المطلقات جسودها
ولا من رمت بقناعها الزايديه=وعلى جثيل المال ساقت قعودها
نورد الاسياف بيضٍ لوامع=ونصدر الاسياف حمرٍ حدودها
خيالة الحرشا ونعتزي بها=عزوة حرارٍ مرثتها جدودها
وخيالة الجدعا وهي عزوتنا=ولانفخت بعض الرجال لغودها
وراعي صخاف الشول سيفٍ قاطع=لامن انتخى صاب الخيول جمودها
نرعى بها غصبٍ على كل حاسد=يبرى لها خيالها نمرودها
وفرسانها من دونها تنطح العدا=باللي تقص الراس من جلمودها
حنا هل القيمه رجال الشيمة=دواسرٍ كسب الثنا مقصودها
الزايدي والتغلبي من دوسر=تاج الفخر ملبوسها من صمودها
نحب نكسب كل علمٍ طيب=سوالفٍ يازين قطف ورودها
اهل الحسب واهل النسب والشيمة=نعطي الرجال حقوقها ونزودها
هذا كلام الشاعر الودعاني=مثايلٍ بافعالها وشهودها
ماكل من يرمي الهدف صاب الهدف=ولا كل شجرة ينبت الورد عودها
تمت وصلى الله على سيد البشر=ما غنت الورقا بعالي فنودها
وله في الحكمة
يافهيد شب النار وجح المناره=واحمس من اللي ما بعد عذربو فيه
الى انقلب لونه وقرب صفاره= إصفح بها جمر الغضا لين تسويه
دقه بنجر الماو تظهر إعباره=حتى يجيك إمدور البن يبغيه
لامن حكمت الكيف زود بهاره= ترا صلاح البن من قلب راعيه
زله ترا اللي حاضر بالنتظاره=وصبه لمن هو بالشحاشيح يشريه
وعده لمن رايه تدله أفكاره=حلال حبل إمروبعات العقد فيه
واثنه لمن يثني القدم دون جاره=والى دعاه الحرب رحب إبداعيه
وباقي العرب لو كان يشره وداره=لاعاد ماأنتب في المراجل بترجيه
فالمرجله حبلٍ تقطع شراره= من يقضبه يصبر على حرقة إيديه
والهون هين ما يبي له إدواره=حبل نعيم من بغا ينحدر فيه
يا خاسرٍ بالطيب ماهو خساره=من طاب فيك من الرجاجيل طب فيه
ياهيه ياركاب زين الغماره=بلهون لين أسجل الخط واطويه
بلهون لين الليل يدني سماره=مقدار فنجالٍ يصوغه إمسويه
واخذ الرساله من حكيم القداره=اللي خذا من زبدة الهرج وافيه
لا من ركبت القار عطه الحراره=خل النبير إيميل ويعد ما فيه
أجنب جنوب والحسا من يساره=خط السليل من ورا الخرج يدعيه
تلفي إحمام قبل يطلع نهاره=مرباعهم مصيافهم قيضو فيه
ياما حموا لدباش من كل غاره=لاصاح صياح الضحا عند تاليه
لا ثار من عج السبايا إغباره=وردوا كما سيل حدر من مناشيه
هم ربعنا لا كلٍ عنز إبداره=والرمح ما يرجع إسنانه لحاميه
يا كاسبين العز في كل شاره=سب القفا خسران من مدحته فيه
وانتو كبار القوم واهل النعاره=عقالنا لاضيع الماء مجاريه
ترا الدبا ياكل اكباره إصغاره=والحر ما ياكل طوارف ثناديه
حنا لكم ذخرٍ قويٍ إستاره=وانتو سندنا لا دعا الشر داعيه
ياهل الشهامه والفخر والوقاره=ياربعنا اللي كل منكم بنغليه
فكلٍ يقول القاف على إقتداره=والهرج يكفي صامله عن تواليه
من شال حمل الضيم زاد إنهياره=لو كان طيب راس لازم يوطيه
ومن شق جيب الناس شقو إزاره=ومن طاول أطول منه ضاعت هقاويه
ومن دور العثرات يلقى العثاره=لابد ما يندم على فعل ماضيه
ومن يدعي للحق قل إعتباره=ومن يدعي بالحق يفلج إمداعيه
ومن حط له بيت النميمه إتجاره=مكروه والمكروه محدٍ يدانيه
ومن شذ من ربعه الى جاء مشاره=هذاك لو بوصفه ويش أسميه
مثل الثعل لا قرب الله داره=وان صاد شيء صيدته ما تعشيه
ترا الفهيم إفهيم يعرف مغاره=والداب فعله بين إبرجل واطيه
والرجل صندوق وقفله عماره=وان إنكسر قفله ظهر كل ما فيه
يا الله يا جالي الخطر والغياره=الله يساعدنا عليه وبلاويه
لو نسأل التاريخ واظهر أسراره=شفنا مواقف كل رجل ومماشيه
فاحدٍ ذهب واحدٍ لسانه دماره=الفرق واضح ما يبي من ينبيه
واحدٍ جبل واحدٍ دكاكه جواره=واحدٍ سند واحدٍ رمد عين معميه
واحدٍ كما سورٍ قويٍ إحضاره=من لاذ به بردان يلقى الذرا فيه
واحدٍ كما شعبٍ كثيرٍ خضاره=لا شافه العساس شد ونزل فيه
واحدٍ كما شعبٍ كثير إغباره=يموت ضبه مالقا عيشةٍ فيه
واخير من طول الكلام إختصاره=ماقل دل ومن بغا الرجم يبديه
وله أجمل وأعذب وأدق ما قرأته في وصف الإبل
بدعت المثايل والمثايل لها بيبان=إلى فتحت بيبانها جاك مافيها
على القصد والمقصود بعدل القيفان=عسى راع البل عند ذوده يغنيها
يغني بها في خايعٍ عله الودان=بذيك النفود اللي عسى الغيث يسقيها
تهشم ربابه من طريف إلى نجران=مداهيل عوج السوق ربي رضا فيها
تشوف الخزامى و الشقارى مع المكنان=تخالف زهرها ساكناتٍ ذواريها
تكبر قياع الرمث من زاهر الحوذان=كساها ولي العرش وأحسن كساويها
مداهيل حلوات اللبن خلقة الرحمان=مجاهيم سود خالق الكون مسويها
مجاهيم جاذبها الفحل والوجيه زيان=وساعٍ مرافقها طوالٍ خطاويها
جليلات عظم الساق مرفوعة الحجان=طوال الرقاب مشرهفات أذانيها
عراض الخدود اللي تماري بها البدوان=كبار الفقار موسعة صدر راعيها
مجاهيم رمليات لخشومها نيشان=ترافض بلا دمها حدادٍ نواصيها
هوى القلب خطوى نايفة والضلوع متان=تجي بالحلا والزين وترد به فيها
كبيرة مزر الورك فجحا من السيقان=تخنطل قوايمها كبارٍ مواطيها
تمايح بذبلٍ مثل دراهة القران=نهار الطرب هذا لهذا يوديها
لها غاربٍ متقدمٍ شامخٍ مليان=يدافر حباك العيز والعيز حاليها
وساع منادغها من الزور للكعيان=بها كل شيٍ زين والملح غاشيها
طموحٍ تحذف أشناقها واسعة بيعان=فروعٍ فتون البيد عسمٍ أياديها
ولا رايعت كن المعنق على رمان=تعوجه من العاتق خفوقٍ لواحيها
سنودٍ من الغارب فسيحة من الذرعان=عسى ربنا من شر خلقه ينجيها
البل تراها السود والصهب يالظفران=وشقحٍ سواد اذيالها فاصلٍ فيها
أنا احب شوف الوضح وضاحة الألوان=مغاتير من جلد الوضيحي تحاليها
مغاتير جذابات ومكحلات أعيان=جميع الوصايف كلها كاملة فيها
مغاتير فنس خشوم فيها الدريعي بان=عرانينها وشعوفها فاصلة فيها
مغاتير معروفات وطبوعهن زيان=على الصوت ماتبغي راعي الصوت يتليها
الى شفتهن رتوع في خاطي الجيان=تشادي القنوف المرسية بامر واليها
مغاتير لامن سمعت الصوت والدندان=لاكن الذيابة تهتوش عند تاليها
مغاتير لاغنى المغني على عليان=ضربها السطر لا صاح بالصوت راعيها
الى جلعت لاكنها شرد الغزلان=وراها المفرد يابساتٍ علابيها
الى من ذعرها الصوت واستولت الميدان=يقوس ذرايب عجها من سماريها
ركد عجها من سجها والجرس رنان=تجي ذي مع هاذي وهاذي تباريها
ترى البل فرح وسرور من خلقة الإنسان=عسى الله يبور بواحدٍ بايرٍ فيها
كنوز البداوة منقذه راعي البستان=مواريث جدود باشهب الملح تحميها
مداخيلها عسرة على بايع الرمان=ولا تصلح البل كون في مرّح اهاليها
حلا ما حلا مرواحها تجذب الحيران=الى أقبل غروب الشمس والليل ضاويها
على بيت منهو يكرم الضيف والجيران=عشير النشامى كل ماحل طاريها
عسى من يسوق المال في غالية الأثمان=يبارك له الرحمان فيها ويذريها
أنا قلتها وادخل على الله من النسيان=مع الناس صفر وزرق ماني بناسيها
وحمر وشعل تختلف بينها الألوان=إلى تاه فيها الوصف تعرف باساميها
ترى البل تعز الرجل تكفون يالجذعان=حرامٍ عليكم تركها والطمع فيها
وصلاة ربي عد مالاح برق وبان=بسود القنوف اللي غلاظ مثانيها
على الهادي المبعوث بسنة من الرحمان=شفيع أمته لا نوديت بامر واليها
وله في الوصف و الغزل العفيف
وجودي على بدوٍ رعو حومة النقيان"="رعو في جديد العشب لازاف زملوقه
وجودي على شوف المعاشير والحيران"="مظاهير أهلها جات للقفر مسيوقه
نصو مرتعٍ فيه الخزامى مع المكنان"="يعط الندا به ما بعد يبست عروقه
وبنوا به أبيوتٍ واستقلت كما الحيطان"="وترى ذي حياة الروح والنفس ملحوقه
وشب المناره متعب البن للضيفان"="وتلافو عليه اللي يحبون منطوقه
حمس طبخةٍ تقعد خوا الدايخ العمسان"="ولاهيب لانيه ولاهيب محروقه
نكبها بنجرٍ كل ما ضرب زاد جنان"="الى من ضجر كن صوته يجيه من فوقه
حكمها على غاية هل الكيف والظفران"="بها زعفران وهيل واشكال مرفوقه
وخذاها خفيف النفس في دلة الرسلان"="بها طمغةٍ من حقوها فوق مدقوقه
وبعد ساعةٍ قامت تواردهم الذيدان"="رتع كل ذودٍ عقب مشيه وطاروقه
رعت كل عشبٍ ٍخايعٍ مــاتبي رعيان"="مع كل شقه عشبها تومي عنوقه
كساها الشحم عقب الهزل لين جات سمان"="فضايل كريم خاط من جوده إفتوقه
فحلها مع طرفها والوجيه إزيان"="كما الطار محني الزبد يضرب أشدوقه
الا ياوجودي وجد من فارق البدوان"="طواه الهيام وثومة القلب محروقه
انا ما ذبحني كود من عودها ريان"="كما غصن موزٍ تدبح بروسه عذوقه
رقيق المعنق كنها قايد الغزلان"="الا من مشت كنها من الحقو منتوقه
جرحني وراح ومكسبي منه الحرمان"="جداي الونين ودمعة العين مدفوقه
وقال ايضاً
رقا من فقد الأحباب في مرقبه رقا=بدع ما بصدره من تحت عوج الأضلاعي
بقا الدمع يذرف مير مامنه شن بقا=نبع من نظير العين في وصف نباعي
شقا قلبي المذهوب فيما لقا شقا=طبع وانطبع في حب زينات الأطباعي
هقا ان الهوى سلام في هقوته هقا=درع في شبك سجنٍ به الناس دراعي
لقا القلب عوقه مثل قيس وما لقا=لقع وانلقع قلبه بعشرين لقاعي
تقا لو حصل لي من لطيف الحشا تقا=ردع سيفه اللي ما له اليوم رداعي
هذه من القصائد النادره التي تتكلم عن فعل شموخ من افعال الدواسر
طاب كيفي ورجلي زان ممشاها=والمعاني وزنها عـدل ميزانـي
ما نبـي ناقـد بالنقـد يقفاهـا=خايف من بعض الاشخاص يقفاني
مـن شواذيبهاعليّـت مرقاهـا= نازله في منازل كـل ديقانـي
ياحـرار رفعهاطيـب مجناهـا= من كرمها لها بالطيب عنوانـي
تشبع اضعوفها من ظرب يمناها= تكسب المدح شيبانـن وشبانـي
مرحبا عـد ماهلـت رفاياهـا=والتراحيب للقاصي مع الدانـي
من بني عمنا واللـي توحاهـا=وكل قرم إلي من جيت له جاني
ليلة من ليـال العمـر فدناهـا= وقفتي بين ربعي تبعد أحزانـي
لابة للمراجل تشقـح أخطاهـا=تكرم الضيف والجيران والعاني
لابتي مايدوس الضـد بحماهـا= من على عصر زايد وبن بدراني
لابتي زايـد الملطـوم منشاهـا=ممنة جارهامن كـل عدوانـي
ترتفع روسنا لامـن ذكرناهـا= ذا كلامي ونا من لاد ودعانـي
لاد ودعان راس الرجم مرقاهـا= كاسبين المراجل سر وعلانـي
لابتي من يريد العـز ينصاهـا= يستريح بذرا ذربيـن الايمانـي
قصت الشمري ياناس محلاهـا= يوم ثـور عسـام الجو دخانـي
فوق سيارتـه والقـوم تشعاهـا= اجنبـي وحيـد مامعـه ثانـي
قل عزم المكينه ونقطـع ماهـا= قـال هـذا قعد مافيـه عقلانـي
ياوداعيـن بحرقهـا وبنساهـا= والعوض عند ربي عالي الشاني
عودولـه ولا واحـد تعـداهـا=حذفو بالهدوم طيـور حوانـي
شلحوها بنـي عمـي وشلاهـا= لابـة فالقـا ماهـم بـذلانـي
والقنابـل تخطفهـم شظاياهـا=ماختلف واحد من لاد ودعانـي
حملوها ونار الحرب تصلاهـا=اشهد انهم مناعيـر وشجعانـي
عقب يومين في نجران ملفاهـا= وشترو نقصها من سوق نجراني
ماتعـدو مكانـه ليـن شداهـا= وشتغل صافين ماهوب خرباني
ذي سوالف بني عمي شرحناها= ماضياتن لها فعـل وبرهانـي
هذا الموجز القليل من تاريخ الشاعر | شلعان بن ظافر رحمه الله وأحسن مثواه 000
لكم الود والورد من محب الكل
ابوطلال