عبدالله بن مرضي الودعاني
04/12/2007, 21:35
بسم الله الرحمن الرحيم
ادارة موقع السليل
في لقاء مع احد الشعار الكبار في قبيلة الدواسر
http://www.ss9ss.net/up/uploads/70aaf6cbc6.jpg (http://www.ss9ss.net/up/)
ادارة الموقع
السلام عليكم ورحمة الله وبركاته
الزلامي
وعليكم السلام ورحمة الله
ادارة الموقع
مساك الله بالخير يا بومحمد
الزلامي
ياهلا يابوطلال مساء النور الله يحيك ويحيي ادارة موقعكم
ادارة الموقع
اولا يابومحمد اود ان اوضح لك دوري الذي اقوم به الان 0 اتكلم معك كأدارة للعلاقات العامة بموقع السليل ويسر ويشرف موقعنا ومنسوبيه اللقاء مع شاعر كبير مثل الشاعر القدير ظافر بن محمد الودعاني ( الزلامي )
ونقدم لك شكرنا مقدما على سرعة تجاوبك معنا وإعطائنا بعض وقتك الثمين لتكريمنا بهذا اللقاء القيم 0
الزلامي
الله يحييك يابوطلال ولا يهينك وبالعكس انا اللي مفروض اشكركم على جهودكم التي تخدمني بشكل خاص والقبيلة بشكل عام 0 وأنا مستعد لتقديم ما يفيدكم والله يعطيك العافيه 0
ادارة الموقع
ابومحمد أستأذنك اود ان أبدأ الللقاء معك لو تكرمت 0
الزلامي
تفضل طال عمرك 0
ادارة الموقع
نبي طال عمرك تعطينا لو تكرمت نبده عن حياتك وبداياتك الشعرية 0
الزلامي
يقولها يبتسم والله حياة الزلامي صعب انها تتجي نبذه تبي لها كتاب ويالله يكفي ولاكن ابشر نحاول على شانك 0
ادارة الموقع
تسلم وماتقصر
الزلامي
انا ظافر بن محمد بن ظافر الجماعين الودعاني تاريخ ميلادي عام 1375 ومان الميلاد بالسليل وكذلك المنشأء حيث نشأت ولازمت والدي رحمه الله مساعد له حيث انني كنت اكبر ابنائه حتى بلغت الثامنة عشر من عمري فذهبت الي دولة الكويت حيث كان يقيم عمي شقيق ابي الاصغر الشاعر الكبير \ شلعان بن ظافر رحمه الله وذلك لعله يجد لي عمل حوله حيث كان برتبة تؤهله للذلك وبالفعل ذهبت له وأمن لي عمل واستمريت به اربع سنوات ولا اخفيك انني لم استطيع الاستمرار بالغربة بعيد عن والدي وبلادي فتركت الكويت وعدت للسعوديه وعانقت السفريات حيث كان بها خيرا ولها موسما زاهر ذلك الوقت 0 حتى تركتها عام 1402 وتوضفت عسكري بوضيفة سائق بحرس الحدود واستمريت بها حتى بلغت التقاعد وكما تعلم لم اخرج من السليل بعدها الى تاريخه المبارك 0
وسلامتك
ادارة الموقع
الله يسلمك والله لايهنك على الشرح الوافي
ابومحمد متى كانت بداياتك الشعريه وماهي اول قصيده قلتها وكم كان عمرك ؟
الزلامي
لاشك انك تعلم يابوطلال فأنت لست بعيد لكي يجهلك ولكن القارئ له الحق ان نوضح له 0
طبعا نحن فخذ ال ظافر الجماعين معروف اننا كلنا شعار وشبه شعار فمن نشأتي طفلا وأنا ما يمرني يوم لا اسمع فيه صدى للقوافي 0 من عهد اجدادنا ومن ثم ابائنا واخواننا الان فكانت محاولتي الشعريه وانا عمري حوالي خمسة عشر سنه 0 ولاكنني للأسف لا اذكر من شعر بداياتي عدى ثلاثة ابيات او حول ذك من قصيده اسنتدتها لأبي رحمه الله من اجل ان اخبره بدخولي ساحة الشعر 0
ادارة الموقع
ياليت لو تسمعنا اللي تحفظ منها ولا عليك امر 0
الزلامي
والله يابوطلال ما احفظ واجد الا اني اقول في مبتداها
عين يالي نومها عافت انعاسـه=كنه يلطم حبة العين راس ابره
ضايق صدري ودعواي منحاسه=كني اللي كاضم له على صبـره
يايبه هات القلم واخذ قرطاسـه=والقلم ياوالدي شيكـوا حبـره
بكتب ابيات من الشعر حساسه=من خفايا خاطر خانقـه عبـره
قالها اللي يكسب العلم من راسه=ماخذ علمه معه مايبـي دبـره
وقرب اللي يطرب البال هواسه=موتـر تـوه جديـد ومختبـره
وسلامتك
والقصيد اطول ولاكن هذا الي انا حافظه
ادارة الموقع
صح لسانك وماشاء الله تبارك الله يابومحمد بداية صارخه
الزلامي
صح بدنك والتوفيق من الله والصراحة ماكنت اتوقع يجي لها صدى عند الجمهور مثل ما حصل لها ضجة اول القائها
ادارةالموقع
ابومحمد انت تلقب بالزلامي واصبح هذا الاسم شبه متداول في منطقتي الوادي والسليل وغيرها فما هي مناسبه تسمئتك به 0
الزلامي
الزلامي الله يطول عمرك سموني الزلامي لأني كنت متابع ومتعصب لقصيد الشاعر العلم رشيد الزلامي وكنت كثير الترديد له والحفظ وهناك من قال ان تشجيعي للزلامي جعلني اتخذ بعض نهجه في اسلوب قصائدي فسموني بالزلامي ولكن هناك ابياك قلتها وكل من سألني هذا السؤال اكتفيت بألقائها عليه00 ولكن تكريم لكم الليله ولمجهودكم يلزمني الاجابة المفصلة لكم 0
واقول في الابيات التي ذكرت
سميتنا بأسم الزلامي وأنا أغليه=وأسم الزلامي عندي أكبر تجاره
لجل اني اردد قصيـده وأغنيـه=وأبدع جميل القاف واتبع مساره
والأسم ذا عندي عزيز وراعيـه=إسم الزلامي زاد قـدري وقـاره
وعزالله أني قابله وأفتخـر فيـه=وأقولها من جـد ماهـو عيـاره
إسم لمنعـور تشـرف مباديـه=وصيته فرض بين الرجال اعتباره
ادارة الموقع
صح لساااااااااانك على هذه الابيات الجميله جدا ونعم فيك وفيه ولو سألتك يابومحمد عن اقرب قصيدة الى نفسك
الزلامي
صح بدنك وماعليك زود والحقيقة كل قصائدي من فيض مشاعري وكلها غاليه عندي
ادارة الموقع
ابومحمد سمعنا لاهنت ما تختار لنا من قصائدك 0
والله بعطيكم قصيدة الامتحان التي نجحت منه بأعجوبه ( يقولها ضاحكا ) فعندما ابتدأت في اعلان نفسي بأني قادم الى ساحة الشعار قام عمي الشاعر شلعان بن ظافر رحمه الله بأدخالي قاعة امتحان صعب وخاصة وان المعلم مثل ابو فهيد فارس من فرسان الشعر فقد ارسل لي رحمه الله قصيدة يشتكي علي عن عشقة وهمية صنعها لكي ينهك بها قوى الزلامي الشعريه 00 ولكن ان الله وفقني وتجاوزك الامتحان بتقدير امتياز كما قيمني استاذي 00
فقد ارسل لي هذه الابيات رحمة الله
هواجس يابـو محمـد عدتبـي=مثل الذي سحم الضرايا عدتبـه
لانامت عيون المعافـا سرتبـي=عزي لمن مثلي أهمومه سرتبـه
هواجس في بحر جـده رمتبـي=والقلب في شط الفرات أحذفتبـه
وإن كان فزعات الزلامي نجتبـي=ولا ترى كاس المنيـه شربتـه
من جادل نظرة عيونـه عثتبـي=ومالوم قلـب يالزلامـي عثتبـه
نار الغـرام بضامـري ولعتبـي=لجة ضلوع القلب يـوم إعلقتبـه
وعبراتي اللي ماتبين احشكتبـي=والعين هلت دمعها وإزعجتبيـه
على وليف يكره اللـي شمتبـي=ولا يضره عاذلـه لـو شمتبـه
والله ولو سود الليـال ابعدتبـي=ما أنسى غزال روض قلبي رعتبه
خـود مليـح يافتـى هبلتـبـي=لاشفت رمش عيونها سلهمت به
تجرح فؤادي بالخفـى مادرتبـي=ياليتهـا يابـو محمـد درتـبـه
الشاعر؛ شلعان بن ظافررحمه الله
ورديت عليه بهذه القصيده
البارحة يـوم الهواجـس بدتبـي=وساجت ولاجت بالضمير ولجتبـه
خليت حلو النوم يـوم ارهجتبـي=يحرم على عيني فـلا غمضتبـه
يابوفهيـد رسالـتـك ثورتـبـي=هواجس وسـط الحشـا ثورتبـه
هاضت وخاضت بالخفوق وعثتبي=على الطويل ايلين رجلـي رقتبـه
شكواك يامشكاي منهـا وزتبـي=جـوارح داخـل فـوادي وزتبـه
تقول أنا لـي عشقـة سبهتبـي=وأفزع لقلـب يالزلامـي رمتبـه
سراقة قلـوب النشامـا نوتبـي=والقلب لامنهـا ولتـه اسرفتبـه
جتنـي مناديبـك ولا صدقتـبـي=وعشقتك مدري ويـن دار ربتبـه
فزعت يوم إن الهموم ازحمتبـي=وتركت باقـي دلتـي ماشربتـه
وركبتنا اللـي بالسمـا زوعتبـي=طيـارة سطـح القمـر وقعتبـه
دورتنـا بـه دورة وأعمستـبـي=عشقتـك مـا جاتـه ولا أثرتبـه
ونكستنـا طيارتـي وإنكستـبـي=للأرض حيث إن الفضا ما مشتبه
وفي كـل دار ودولـة دوجتبـي=وأسأل ولا حصلـت ذكـر ثبتبـه
والناس كثـر علومهـم بيهتبـي=ومن يسمع أقوال العرب بيهتبـه
فريت كورة الارض يوم ألزمتبـي=ولزمت بي الدورة على ما حزتبه
والارض كثر أدعوبهـا بهذلتبـي=مافيه شعب إلا ورجلـي سعتبـه
وأعلنت فيها بعـد مـا عذرتبـي=بالصحف مير الصحف ما خبرتبه
وضنيت يامشكاي يـوم إبحلتبـي=لاكونها جات البحـر وإغطستبـه
فركبت غطاسة بحر وإغطستبـي=وأخذت به جـولات مـا سنعتبـه
واليـوم دورة صاحبـك شيبتبـي=شف عارضي وش كثر شيب نبتبه
وسلامتك
ادارة الموقع
واليوم دورة صاحبك شيبتبي = شف عارضي وش كثر شيب نبتبه
جميل هذا البيت يابومحمد واتوقع انه الخلاصه
صح لسانك ولسانه رحمه الله شهادة حق انك ابدعدت وتستحق النجاح بجداره
الزلامي
مافيه شك انا عارف انه الخلاصه من اول ماقريت قصيدته ولاكن وش نسوي لازم نجاوب على ورقة الامتحان
ادارة الموقع
تضن اننا سنكتفي بما سبق من هذا الينبوع الشعري العذب لاتبخل علينا بمالديك لاهنت 0
الزلامي
حاضرين ولايهمكم
هذي قصيده قلتها تتكلم عن نفسها
يقـول مـن زيـن المثايـل بدعهـا=مثل الذهب واحد وعشريـن صافـي
مثايـل يطـرب لهـا مـن سمعهـا=من سمعهـا ماقـال فيهـا إخلافـي
منعتهـا مـن بعـد مـاالله منعهـا=عن كل عيب ليـن صـارت إنظافـي
وإن تاهوا الغاديـن ماتهـت معهـا=قلبي فطين وكوكـب المـخ صافـي
وأعرف تهاوي الأرض وأعرف سنعها=لو كان يمحـن الرسـوم السوافـي
والله مـن هـم بكـبـدي لذعـهـا=خافي وهو ماهـو علـى الله بخافـي
أحـر مـن نـار تـزايـد ولعـهـا=حريـقـة ماباشرتـهـا المطـافـي
لاقلت بصبـر مـا أتحمـل وجعهـا=وإن صحت ماجاب الصياح العوافـي
ترى السبب ناس تراكـض فزعهـا=شجعان في وقـت الرخـا ماتخافـي
والكـل منهـم بالنميمـة زرعـهـا=ويمشي بها وأقـدام رجلـه إخفافـي
يسعى بهـا بيـن العبـاد ويضعهـا=بيعه بـلاش وياخـذ الصـاع وافـي
لامـن فراهـا ذاك هــذا رقعـهـا=يبغونهـا تمشـي خفـا ماتشـافـي
هـذا يوزعهـا والاخــر جمعـهـا=والكـل منهـم بالنميمـة صحافـي
والبنـدق العوجـا تجنـب نصعهـا=ماتطرحـه مـادام فيهـا إختـلافـي
ماهوب منها مير من اللـي صنعهـا=السرج بـه ميـل وفيـه إنحرافـي
هـذا بـلا كبـدي وهـذا وجعـهـا=وغيري من العراف ماشفـت شافـي
اللي جرعته مـن المرايـر جرعهـا=ويبصـر مايشـرب المـي صـافـي
وسلامتك
ادارة الموقع
صح لسانك
الزلامي
صح بدنك
وهذي ايضا قلتها لها مناسبه ستتضح من خلالها
تو ما جا لبدع القـاف ماجوبـه =يوم جاله طلب مأجـوب بجيبـه
طاب كيفي وقافي زان مسحوبـه=وفي العلوم الجميله زان ترتيبـه
وإنتشـرف لماجوبـه ومطلوبـه=نذخر الطيب الى ساعة مواجيبه
ياحرار علـى الاوكـار مندوبـه=كل منها السعد له فـي مخاليبـه
فرس فـي مخالبهـا ومنجوبـه=ضربها في الثنـادي ماتخاطيبـه
لابتي بالفخر والعـز محسوبـه=والوفـا دايـم تأخـذ وتعطيبـه
لاد زايد وسام الحرب فازوا بـه=وعزهم الاول التالـي يوصيبـه
كم عدوا طمع فيهم وحاموا بـه=وأخلفو هقوته من اللي ينويبـه
شرب كأس القهر والمر مشروبه=يشرب المـر مايبـرد لواهيبـه
وأصبحت حالته من الخير منكوبه=قدرته جاتبـه للمـوت تمشيبـه
والوداعين فعل الطيب شاعوا به=لابـة جارهـا يعطـا مطاليبـه
وجارهم من جدار الطين قاموا به=نبغي ارضاه لامن صابه مصيبـه
والخوي في حقوقه ما تباسوبـه=فعلهم في الخوي كـل يهذريبـه
موتر الشمري يوم إنثنوا صوبـه=يوم وقف وهم في الخوف والريبه
قال بشب فيـه وبستلـم نوبـه=ياوداعيـن بالله ويـش اسويبـه
فكل منهم تعزوى ثم حذف ثوبـه=وسهل الله لهـم فكـه وتركيبـه
إنقلوه النشاما لين راحـوا بـه=من اليمن لين وصلوا به معازيبه
وسلامتك
ادارة الموقع
صح لسانك
الزلامي
صح بدنك
وهذه القصيده قلتها عندما رأيت رفيقي العزيز مبارك بن سيف الرجباني على شاشة
التلفاز وأنا بعيد عنه وعن دياره وكان لي منه وقت طويل لم اراه رغم الصداقة الحميمة التي بيننا
اقول فيها
الايانديبـي فـوق مـا يقضـي النـوبـي=مـن آخـر مـوديـل وردوه المريكـانـي
شفرليـه شكمانيـن مافـيـه عـذروبـي=على القـار لامنـه مشـى حـط عكنانـي
الا يانديـبـي رح بخـطـي ومكـتـوبـي=ورد الخبـر عـنـي لربـعـي وخـلانـي
معك من الامانه وصل الخـط مـن صوبـي=توصل مكاتيبي لأبـن سيـف مـن شانـي
رفيق يلا من وصلـه الخـط مـن صوبـي=حـذف بالشمـاغ وفـز للخـط طربـانـي
له ابعث سلامـي قبـل لاقـول مسحوبـي=وبعـد السـلام أسجـل أسمـي وعنوانـي
وعنواني اللي من هـوى نجـد محجوبـي=عليـل الضمايـر والهواجيـس تشعـانـي
الا يامـبـارك يامـحـبـي ومحـبـوبـي=علـى شاشـة التلفـاز شفتـك بالأعيانـي
ومـن فرحتـي فزيـت بتقـول مرعوبـي=وفـز الخـفـوق لشوفـتـك ياكحيـلانـي
بغيت المنام وصرت من النـوم مصيوبـي=وقامـت هواجيسـي مـن النـوم تنحانـي
وأخـذت القلـم والبـوك وأفتـر دالوبـي=وعبـرت عـن مافـي ضميـري بقيفانـي
وروحـت عنوانـي وخـطـي ومنـدوبـي=لأبن سيف ريف الضيف هيف أسمن الضاني
يابن سيف يامـروي شبـا كـل مسلوبـي=ترانـي علـى رد الخبـر منـك شفقانـي
اقولـه وأنـا مقصـود قلبـي ومطلوبـي=على البعـد يبقـا ذكـر عهـد الحميدانـي
وسلامتك
ادارة الموقع
صح لسانك
الزلامي
صح بدنك
وقد رد علي مبارك بن سيف قصيدة جميلة الوصف جدا ولاكن كم يؤسفني انها لاتحضرني الان وإلا كان سمعتكم اياها
فعاودت مرة اخرى رد المراسيل له على نفس القافيه
أنا البارحـه مابيـن طالـب ومطلوبـي=أسير الهواجـس تالـي الليـل وحدانـي
على سوق صلفات الهواجيس مغصوبـي=دخلته وقمت ابيـع وأشـري بخسرانـي
وصار العنا هو والشقا والسهـر دوبـي=من الهاجس اللي من حلا النـوم قزانـي
الا يامبارك سيـف لـد النظـر صوبـي=وحـذراك ياقـرم المناعيـر تنسـانـي
يلاونك تدري ويـش بالقلـب مقضوبـي=سحبت الرسايل من البقالات مـن شانـي
أنا يوم شفت اسمك على الزرف مكتوبي=نثر من عيوني صافـي الدمـع هملانـي
توافا الفرح والحزن من داخـل اجنوبـي=وضليت طـول الليـل بفـراح وأحزانـي
من الشوق والضيقه تضايقت من ثوبـي=وخطر على أسـب مـن جـا وحاكانـي
ومن فرحتي بالخط صدري غدى حوبـي=تطارد به أخيول ابـن هـادي وراكانـي
قريـت الكتـاب وكـل مافيـه مكتوبـي=وحصلت قول يـودع العمـس طربانـي
لقيت المثايل فيـه حـوب ورى حوبـي=نظيفـات عذبـات نقـاهـا كحيـلانـي
نقاهـا ورتبهـا علـى كيـف مطلوبـي=وزانـت معانيهـا وطاروقـهـا زانــي
نضمها ورتبها علـى الكيـف بأسلوبـي=وطبعهـا بـخـط واضــح حـورانـي
طبها ثـلاث صـور ثـم دزهـا صوبـي=وجاني بها المندوب بأسمـي وعنوانـي
ورحبت باللي مـن هـل العـز مندوبـي=نديب الرفيق اللـي يـلا روحـه جانـي
خذيت الرسايل منـه والقلـب مزعوبـي=يلـو لا ضلوعـي زاع واقفـا وخلانـي
كما زوع طيـر بالشريطيـن مقضوبـي=كفـخ للمطيـر وكـن مافيـه جنحانـي
وسحبت القلم والبوك وأديـت ماجوبـي=ابي ردها يرجع معه بـس مـا أمدانـي
مشى ما احتراني وأكثر الناس منهوبـي=سريع النـدب عنـد الوجـب ماتتنانـي
حشى صبر له ساعتيـن قضـى نوبـي=على شان ما أكلـف بعـد واحـد ثانـي
ولاكنه عجـل وقتـه يقـول محسوبـي=يقول ابن سيـف لـو تأخـرت جازانـي
ومشى وأي قلبي كنه من الجوف مجذوبي=علـى موتـر متكلـف فيـه رجبـانـي
فلا يانديبـي وأرتحـل فـوق منجوبـي=وسيع الترايب وأشتر الذيـل وأعمانـي
أصيل ومن جيـش الشـرارات منتوبـي=خلقه الولي ماهوب من صنـع نصرانـي
وسيع النحر والـزور مافيـه شاذوبـي=عريض الفقار ايلا انطلق كنـه شيهانـي
ولا جابه البياع فـي السـوق مجلوبـي=وراعيـه الاول مايبـي فيـه الاثمانـي
غزيزة عقيد القوم من القـوم مكسوبـي=زمان مضى يوم العـرب كـان قيمانـي
لبو سيف با أعنـي قعـودي ومركوبـي=بأحر السـلام الخـاص للقـرم مجانـي
سـلام علبـه اعـداد ماهـب دالوبـي=وعدد من تلا في المصحف ايات قرئانـي
وسلامتك
ادارة الموقع
صح لسانك ماشاء الله عليك يابومحمد
الزلامي
صح بدنك
وهذه القصيده قلتها ايضا
انا البارحة من لـذة النـوم جانـي روع=وقلبي يصـادم عـوج الاضـلاع وتـرده
ولولا ضلوع الصدر خطـر عليـه يتـوع=كما تـوع طيـر صاحبـه مابعـد هـده
اذا ناموا السالين قامت تصوعـه صـوع=روابع هجـوس تشـرح الصـدر وتقـده
تمسه كما مسة حبال الصعـب والطـوع=وغصب عليه ايطيعهـا لـو بعـد مـده
اذا زل نصف الليل تفتـح لهـا مشـروع=بصندوق صـدري تبنـي الحلـم وتهـده
وأنا صرتنا منها الضحيـه بهـم ولـوع=وكبدي غدت من واهـج الهـم مسـوده
اجامل مع العالم وأنا خاطـري ملسـوع=من الغيـض والغربـال والهـم والشـده
من الهم والغربال كبدي خـذت قرطـوع=تجرعـت كـأس المـر والكبـد منغـده
اعد السبوع من اول السبـت لا الربـوع=ويوم الخميـس اسكـر البـاب وأسـده
تلايم علي صـدر حشـاد عليـه ضلـوع=تضكـه عبايـر خاطـر فيـه مشـتـده
وجودي على ذبة طويل الحجـا المرفـوع=طويـل المبـادي مـولـع فـيـه وأوده
وجودي على شوف المعاميل بين ربـوع=بتالـي نهـار ووفيـة العصـر منمـده
ووجودي على شوف العرب والجهام رتوع=على اول طلوع العشب يرعون في الجـده
رعوا كل روض كن خضاره خضار زروع=بعـد لـم شمـل كـان متفـرق بــده
جمعهم ربيع قبلـه النـاس كـان فـروع=وطير السعد غرد على الغصن مـن جـده
ولا يامحمـد لـوع قلبـي عليهـم لـوع=كما لـوع زرع مقطـع مـاه مـن عـده
دخله اليباس وجدوله من الثرى مقطـوع=وتحنت غصونه وابعد النـز مـن خـده
وسلامتك
ادارة الموقع
صح لسانك
الزلامي
صح بدنك
هذي قصيده قلتها قبل وفاة الملك فهد رحمه الله بمناسبة مرور اربع وعشرين عام على حكمه ومجاراة لللأمير الشاعر عبدالعزيز السامر
اربع وعشرين عـام يـوم مرتنـا=أسرع من البرق في دورات الايامي
فيها تجلت بفهـد المجـد عزتنـا=على ملوك العرب وملوك الأسلامي
وترنمت فوق هام السحب قيمتنـا=وفي كل دولة تعلت بسمنا السامي
بأسم الفهد ترتفع بالحـق كلمتنـا=نعم فهد والعهد بيديـن الاكرامـي
حكامنا اللي حموا ساحة كرامتنـا=من حكم عبدالعزيز وعزنـا قامـي
ينمو لنا العـز ويطـور سعادتنـا=والفرق ملحوظ بين العام والعامي
وكل جنح يمنـا يبغـي صداقتنـا=والاسلام يدعي لنا شعب وحكامـي
على مسيرة رسـول الله مسيرتنـا=وإنـا وحكامنـا للديـن خدامـي
من حضنا سربة ال سعـود قادتنـا=وتحققت في بلدنا كـل الأحلامـي
والله يحفظ فهـد قايـد جزيرتنـا=بدر للأسلام نوره زاح الاضلامـي
وسلامتك
ادارة الموقع
صح لساااااانك طول الله عمرك على عز وطاعه
وماقصرت بيض الله وجهك على ما اتحفتنا به من جواهر الشعر
الزلامي
صح بدنك ولا إطراء على واجب
ادارة الموقع
من طيبك الله يسلمك
والان اخي واستاذي الكريم ابومحمد نصل معك إلى نهاية هذا اللقاء الشيق والممتع بما يحتوي من قول ثمين وشعر له طابع خاص 0
قبل أن نودعك نريد منك كلمة اخيرة توجهها الي إدارة وأعضاء موقع السليل
الزلامي
اشكرك واشكر بقية إداريين واعضاء الموقع القائمين على مواضيعه والذين يقدمون عمل جميل يخدم الصالح العام
والى الامام بارك الله فيكم وأسأل الله لكم التوفيق والنجاح
ادارة الموقع
العفوو طال عمرك والى هنا نصل الى نهاية لقائنا بك واستودعك الله على أمل اللقاء القريب بأذن الله
ادارة موقع السليل
في لقاء مع احد الشعار الكبار في قبيلة الدواسر
http://www.ss9ss.net/up/uploads/70aaf6cbc6.jpg (http://www.ss9ss.net/up/)
ادارة الموقع
السلام عليكم ورحمة الله وبركاته
الزلامي
وعليكم السلام ورحمة الله
ادارة الموقع
مساك الله بالخير يا بومحمد
الزلامي
ياهلا يابوطلال مساء النور الله يحيك ويحيي ادارة موقعكم
ادارة الموقع
اولا يابومحمد اود ان اوضح لك دوري الذي اقوم به الان 0 اتكلم معك كأدارة للعلاقات العامة بموقع السليل ويسر ويشرف موقعنا ومنسوبيه اللقاء مع شاعر كبير مثل الشاعر القدير ظافر بن محمد الودعاني ( الزلامي )
ونقدم لك شكرنا مقدما على سرعة تجاوبك معنا وإعطائنا بعض وقتك الثمين لتكريمنا بهذا اللقاء القيم 0
الزلامي
الله يحييك يابوطلال ولا يهينك وبالعكس انا اللي مفروض اشكركم على جهودكم التي تخدمني بشكل خاص والقبيلة بشكل عام 0 وأنا مستعد لتقديم ما يفيدكم والله يعطيك العافيه 0
ادارة الموقع
ابومحمد أستأذنك اود ان أبدأ الللقاء معك لو تكرمت 0
الزلامي
تفضل طال عمرك 0
ادارة الموقع
نبي طال عمرك تعطينا لو تكرمت نبده عن حياتك وبداياتك الشعرية 0
الزلامي
يقولها يبتسم والله حياة الزلامي صعب انها تتجي نبذه تبي لها كتاب ويالله يكفي ولاكن ابشر نحاول على شانك 0
ادارة الموقع
تسلم وماتقصر
الزلامي
انا ظافر بن محمد بن ظافر الجماعين الودعاني تاريخ ميلادي عام 1375 ومان الميلاد بالسليل وكذلك المنشأء حيث نشأت ولازمت والدي رحمه الله مساعد له حيث انني كنت اكبر ابنائه حتى بلغت الثامنة عشر من عمري فذهبت الي دولة الكويت حيث كان يقيم عمي شقيق ابي الاصغر الشاعر الكبير \ شلعان بن ظافر رحمه الله وذلك لعله يجد لي عمل حوله حيث كان برتبة تؤهله للذلك وبالفعل ذهبت له وأمن لي عمل واستمريت به اربع سنوات ولا اخفيك انني لم استطيع الاستمرار بالغربة بعيد عن والدي وبلادي فتركت الكويت وعدت للسعوديه وعانقت السفريات حيث كان بها خيرا ولها موسما زاهر ذلك الوقت 0 حتى تركتها عام 1402 وتوضفت عسكري بوضيفة سائق بحرس الحدود واستمريت بها حتى بلغت التقاعد وكما تعلم لم اخرج من السليل بعدها الى تاريخه المبارك 0
وسلامتك
ادارة الموقع
الله يسلمك والله لايهنك على الشرح الوافي
ابومحمد متى كانت بداياتك الشعريه وماهي اول قصيده قلتها وكم كان عمرك ؟
الزلامي
لاشك انك تعلم يابوطلال فأنت لست بعيد لكي يجهلك ولكن القارئ له الحق ان نوضح له 0
طبعا نحن فخذ ال ظافر الجماعين معروف اننا كلنا شعار وشبه شعار فمن نشأتي طفلا وأنا ما يمرني يوم لا اسمع فيه صدى للقوافي 0 من عهد اجدادنا ومن ثم ابائنا واخواننا الان فكانت محاولتي الشعريه وانا عمري حوالي خمسة عشر سنه 0 ولاكنني للأسف لا اذكر من شعر بداياتي عدى ثلاثة ابيات او حول ذك من قصيده اسنتدتها لأبي رحمه الله من اجل ان اخبره بدخولي ساحة الشعر 0
ادارة الموقع
ياليت لو تسمعنا اللي تحفظ منها ولا عليك امر 0
الزلامي
والله يابوطلال ما احفظ واجد الا اني اقول في مبتداها
عين يالي نومها عافت انعاسـه=كنه يلطم حبة العين راس ابره
ضايق صدري ودعواي منحاسه=كني اللي كاضم له على صبـره
يايبه هات القلم واخذ قرطاسـه=والقلم ياوالدي شيكـوا حبـره
بكتب ابيات من الشعر حساسه=من خفايا خاطر خانقـه عبـره
قالها اللي يكسب العلم من راسه=ماخذ علمه معه مايبـي دبـره
وقرب اللي يطرب البال هواسه=موتـر تـوه جديـد ومختبـره
وسلامتك
والقصيد اطول ولاكن هذا الي انا حافظه
ادارة الموقع
صح لسانك وماشاء الله تبارك الله يابومحمد بداية صارخه
الزلامي
صح بدنك والتوفيق من الله والصراحة ماكنت اتوقع يجي لها صدى عند الجمهور مثل ما حصل لها ضجة اول القائها
ادارةالموقع
ابومحمد انت تلقب بالزلامي واصبح هذا الاسم شبه متداول في منطقتي الوادي والسليل وغيرها فما هي مناسبه تسمئتك به 0
الزلامي
الزلامي الله يطول عمرك سموني الزلامي لأني كنت متابع ومتعصب لقصيد الشاعر العلم رشيد الزلامي وكنت كثير الترديد له والحفظ وهناك من قال ان تشجيعي للزلامي جعلني اتخذ بعض نهجه في اسلوب قصائدي فسموني بالزلامي ولكن هناك ابياك قلتها وكل من سألني هذا السؤال اكتفيت بألقائها عليه00 ولكن تكريم لكم الليله ولمجهودكم يلزمني الاجابة المفصلة لكم 0
واقول في الابيات التي ذكرت
سميتنا بأسم الزلامي وأنا أغليه=وأسم الزلامي عندي أكبر تجاره
لجل اني اردد قصيـده وأغنيـه=وأبدع جميل القاف واتبع مساره
والأسم ذا عندي عزيز وراعيـه=إسم الزلامي زاد قـدري وقـاره
وعزالله أني قابله وأفتخـر فيـه=وأقولها من جـد ماهـو عيـاره
إسم لمنعـور تشـرف مباديـه=وصيته فرض بين الرجال اعتباره
ادارة الموقع
صح لساااااااااانك على هذه الابيات الجميله جدا ونعم فيك وفيه ولو سألتك يابومحمد عن اقرب قصيدة الى نفسك
الزلامي
صح بدنك وماعليك زود والحقيقة كل قصائدي من فيض مشاعري وكلها غاليه عندي
ادارة الموقع
ابومحمد سمعنا لاهنت ما تختار لنا من قصائدك 0
والله بعطيكم قصيدة الامتحان التي نجحت منه بأعجوبه ( يقولها ضاحكا ) فعندما ابتدأت في اعلان نفسي بأني قادم الى ساحة الشعار قام عمي الشاعر شلعان بن ظافر رحمه الله بأدخالي قاعة امتحان صعب وخاصة وان المعلم مثل ابو فهيد فارس من فرسان الشعر فقد ارسل لي رحمه الله قصيدة يشتكي علي عن عشقة وهمية صنعها لكي ينهك بها قوى الزلامي الشعريه 00 ولكن ان الله وفقني وتجاوزك الامتحان بتقدير امتياز كما قيمني استاذي 00
فقد ارسل لي هذه الابيات رحمة الله
هواجس يابـو محمـد عدتبـي=مثل الذي سحم الضرايا عدتبـه
لانامت عيون المعافـا سرتبـي=عزي لمن مثلي أهمومه سرتبـه
هواجس في بحر جـده رمتبـي=والقلب في شط الفرات أحذفتبـه
وإن كان فزعات الزلامي نجتبـي=ولا ترى كاس المنيـه شربتـه
من جادل نظرة عيونـه عثتبـي=ومالوم قلـب يالزلامـي عثتبـه
نار الغـرام بضامـري ولعتبـي=لجة ضلوع القلب يـوم إعلقتبـه
وعبراتي اللي ماتبين احشكتبـي=والعين هلت دمعها وإزعجتبيـه
على وليف يكره اللـي شمتبـي=ولا يضره عاذلـه لـو شمتبـه
والله ولو سود الليـال ابعدتبـي=ما أنسى غزال روض قلبي رعتبه
خـود مليـح يافتـى هبلتـبـي=لاشفت رمش عيونها سلهمت به
تجرح فؤادي بالخفـى مادرتبـي=ياليتهـا يابـو محمـد درتـبـه
الشاعر؛ شلعان بن ظافررحمه الله
ورديت عليه بهذه القصيده
البارحة يـوم الهواجـس بدتبـي=وساجت ولاجت بالضمير ولجتبـه
خليت حلو النوم يـوم ارهجتبـي=يحرم على عيني فـلا غمضتبـه
يابوفهيـد رسالـتـك ثورتـبـي=هواجس وسـط الحشـا ثورتبـه
هاضت وخاضت بالخفوق وعثتبي=على الطويل ايلين رجلـي رقتبـه
شكواك يامشكاي منهـا وزتبـي=جـوارح داخـل فـوادي وزتبـه
تقول أنا لـي عشقـة سبهتبـي=وأفزع لقلـب يالزلامـي رمتبـه
سراقة قلـوب النشامـا نوتبـي=والقلب لامنهـا ولتـه اسرفتبـه
جتنـي مناديبـك ولا صدقتـبـي=وعشقتك مدري ويـن دار ربتبـه
فزعت يوم إن الهموم ازحمتبـي=وتركت باقـي دلتـي ماشربتـه
وركبتنا اللـي بالسمـا زوعتبـي=طيـارة سطـح القمـر وقعتبـه
دورتنـا بـه دورة وأعمستـبـي=عشقتـك مـا جاتـه ولا أثرتبـه
ونكستنـا طيارتـي وإنكستـبـي=للأرض حيث إن الفضا ما مشتبه
وفي كـل دار ودولـة دوجتبـي=وأسأل ولا حصلـت ذكـر ثبتبـه
والناس كثـر علومهـم بيهتبـي=ومن يسمع أقوال العرب بيهتبـه
فريت كورة الارض يوم ألزمتبـي=ولزمت بي الدورة على ما حزتبه
والارض كثر أدعوبهـا بهذلتبـي=مافيه شعب إلا ورجلـي سعتبـه
وأعلنت فيها بعـد مـا عذرتبـي=بالصحف مير الصحف ما خبرتبه
وضنيت يامشكاي يـوم إبحلتبـي=لاكونها جات البحـر وإغطستبـه
فركبت غطاسة بحر وإغطستبـي=وأخذت به جـولات مـا سنعتبـه
واليـوم دورة صاحبـك شيبتبـي=شف عارضي وش كثر شيب نبتبه
وسلامتك
ادارة الموقع
واليوم دورة صاحبك شيبتبي = شف عارضي وش كثر شيب نبتبه
جميل هذا البيت يابومحمد واتوقع انه الخلاصه
صح لسانك ولسانه رحمه الله شهادة حق انك ابدعدت وتستحق النجاح بجداره
الزلامي
مافيه شك انا عارف انه الخلاصه من اول ماقريت قصيدته ولاكن وش نسوي لازم نجاوب على ورقة الامتحان
ادارة الموقع
تضن اننا سنكتفي بما سبق من هذا الينبوع الشعري العذب لاتبخل علينا بمالديك لاهنت 0
الزلامي
حاضرين ولايهمكم
هذي قصيده قلتها تتكلم عن نفسها
يقـول مـن زيـن المثايـل بدعهـا=مثل الذهب واحد وعشريـن صافـي
مثايـل يطـرب لهـا مـن سمعهـا=من سمعهـا ماقـال فيهـا إخلافـي
منعتهـا مـن بعـد مـاالله منعهـا=عن كل عيب ليـن صـارت إنظافـي
وإن تاهوا الغاديـن ماتهـت معهـا=قلبي فطين وكوكـب المـخ صافـي
وأعرف تهاوي الأرض وأعرف سنعها=لو كان يمحـن الرسـوم السوافـي
والله مـن هـم بكـبـدي لذعـهـا=خافي وهو ماهـو علـى الله بخافـي
أحـر مـن نـار تـزايـد ولعـهـا=حريـقـة ماباشرتـهـا المطـافـي
لاقلت بصبـر مـا أتحمـل وجعهـا=وإن صحت ماجاب الصياح العوافـي
ترى السبب ناس تراكـض فزعهـا=شجعان في وقـت الرخـا ماتخافـي
والكـل منهـم بالنميمـة زرعـهـا=ويمشي بها وأقـدام رجلـه إخفافـي
يسعى بهـا بيـن العبـاد ويضعهـا=بيعه بـلاش وياخـذ الصـاع وافـي
لامـن فراهـا ذاك هــذا رقعـهـا=يبغونهـا تمشـي خفـا ماتشـافـي
هـذا يوزعهـا والاخــر جمعـهـا=والكـل منهـم بالنميمـة صحافـي
والبنـدق العوجـا تجنـب نصعهـا=ماتطرحـه مـادام فيهـا إختـلافـي
ماهوب منها مير من اللـي صنعهـا=السرج بـه ميـل وفيـه إنحرافـي
هـذا بـلا كبـدي وهـذا وجعـهـا=وغيري من العراف ماشفـت شافـي
اللي جرعته مـن المرايـر جرعهـا=ويبصـر مايشـرب المـي صـافـي
وسلامتك
ادارة الموقع
صح لسانك
الزلامي
صح بدنك
وهذي ايضا قلتها لها مناسبه ستتضح من خلالها
تو ما جا لبدع القـاف ماجوبـه =يوم جاله طلب مأجـوب بجيبـه
طاب كيفي وقافي زان مسحوبـه=وفي العلوم الجميله زان ترتيبـه
وإنتشـرف لماجوبـه ومطلوبـه=نذخر الطيب الى ساعة مواجيبه
ياحرار علـى الاوكـار مندوبـه=كل منها السعد له فـي مخاليبـه
فرس فـي مخالبهـا ومنجوبـه=ضربها في الثنـادي ماتخاطيبـه
لابتي بالفخر والعـز محسوبـه=والوفـا دايـم تأخـذ وتعطيبـه
لاد زايد وسام الحرب فازوا بـه=وعزهم الاول التالـي يوصيبـه
كم عدوا طمع فيهم وحاموا بـه=وأخلفو هقوته من اللي ينويبـه
شرب كأس القهر والمر مشروبه=يشرب المـر مايبـرد لواهيبـه
وأصبحت حالته من الخير منكوبه=قدرته جاتبـه للمـوت تمشيبـه
والوداعين فعل الطيب شاعوا به=لابـة جارهـا يعطـا مطاليبـه
وجارهم من جدار الطين قاموا به=نبغي ارضاه لامن صابه مصيبـه
والخوي في حقوقه ما تباسوبـه=فعلهم في الخوي كـل يهذريبـه
موتر الشمري يوم إنثنوا صوبـه=يوم وقف وهم في الخوف والريبه
قال بشب فيـه وبستلـم نوبـه=ياوداعيـن بالله ويـش اسويبـه
فكل منهم تعزوى ثم حذف ثوبـه=وسهل الله لهـم فكـه وتركيبـه
إنقلوه النشاما لين راحـوا بـه=من اليمن لين وصلوا به معازيبه
وسلامتك
ادارة الموقع
صح لسانك
الزلامي
صح بدنك
وهذه القصيده قلتها عندما رأيت رفيقي العزيز مبارك بن سيف الرجباني على شاشة
التلفاز وأنا بعيد عنه وعن دياره وكان لي منه وقت طويل لم اراه رغم الصداقة الحميمة التي بيننا
اقول فيها
الايانديبـي فـوق مـا يقضـي النـوبـي=مـن آخـر مـوديـل وردوه المريكـانـي
شفرليـه شكمانيـن مافـيـه عـذروبـي=على القـار لامنـه مشـى حـط عكنانـي
الا يانديـبـي رح بخـطـي ومكـتـوبـي=ورد الخبـر عـنـي لربـعـي وخـلانـي
معك من الامانه وصل الخـط مـن صوبـي=توصل مكاتيبي لأبـن سيـف مـن شانـي
رفيق يلا من وصلـه الخـط مـن صوبـي=حـذف بالشمـاغ وفـز للخـط طربـانـي
له ابعث سلامـي قبـل لاقـول مسحوبـي=وبعـد السـلام أسجـل أسمـي وعنوانـي
وعنواني اللي من هـوى نجـد محجوبـي=عليـل الضمايـر والهواجيـس تشعـانـي
الا يامـبـارك يامـحـبـي ومحـبـوبـي=علـى شاشـة التلفـاز شفتـك بالأعيانـي
ومـن فرحتـي فزيـت بتقـول مرعوبـي=وفـز الخـفـوق لشوفـتـك ياكحيـلانـي
بغيت المنام وصرت من النـوم مصيوبـي=وقامـت هواجيسـي مـن النـوم تنحانـي
وأخـذت القلـم والبـوك وأفتـر دالوبـي=وعبـرت عـن مافـي ضميـري بقيفانـي
وروحـت عنوانـي وخـطـي ومنـدوبـي=لأبن سيف ريف الضيف هيف أسمن الضاني
يابن سيف يامـروي شبـا كـل مسلوبـي=ترانـي علـى رد الخبـر منـك شفقانـي
اقولـه وأنـا مقصـود قلبـي ومطلوبـي=على البعـد يبقـا ذكـر عهـد الحميدانـي
وسلامتك
ادارة الموقع
صح لسانك
الزلامي
صح بدنك
وقد رد علي مبارك بن سيف قصيدة جميلة الوصف جدا ولاكن كم يؤسفني انها لاتحضرني الان وإلا كان سمعتكم اياها
فعاودت مرة اخرى رد المراسيل له على نفس القافيه
أنا البارحـه مابيـن طالـب ومطلوبـي=أسير الهواجـس تالـي الليـل وحدانـي
على سوق صلفات الهواجيس مغصوبـي=دخلته وقمت ابيـع وأشـري بخسرانـي
وصار العنا هو والشقا والسهـر دوبـي=من الهاجس اللي من حلا النـوم قزانـي
الا يامبارك سيـف لـد النظـر صوبـي=وحـذراك ياقـرم المناعيـر تنسـانـي
يلاونك تدري ويـش بالقلـب مقضوبـي=سحبت الرسايل من البقالات مـن شانـي
أنا يوم شفت اسمك على الزرف مكتوبي=نثر من عيوني صافـي الدمـع هملانـي
توافا الفرح والحزن من داخـل اجنوبـي=وضليت طـول الليـل بفـراح وأحزانـي
من الشوق والضيقه تضايقت من ثوبـي=وخطر على أسـب مـن جـا وحاكانـي
ومن فرحتي بالخط صدري غدى حوبـي=تطارد به أخيول ابـن هـادي وراكانـي
قريـت الكتـاب وكـل مافيـه مكتوبـي=وحصلت قول يـودع العمـس طربانـي
لقيت المثايل فيـه حـوب ورى حوبـي=نظيفـات عذبـات نقـاهـا كحيـلانـي
نقاهـا ورتبهـا علـى كيـف مطلوبـي=وزانـت معانيهـا وطاروقـهـا زانــي
نضمها ورتبها علـى الكيـف بأسلوبـي=وطبعهـا بـخـط واضــح حـورانـي
طبها ثـلاث صـور ثـم دزهـا صوبـي=وجاني بها المندوب بأسمـي وعنوانـي
ورحبت باللي مـن هـل العـز مندوبـي=نديب الرفيق اللـي يـلا روحـه جانـي
خذيت الرسايل منـه والقلـب مزعوبـي=يلـو لا ضلوعـي زاع واقفـا وخلانـي
كما زوع طيـر بالشريطيـن مقضوبـي=كفـخ للمطيـر وكـن مافيـه جنحانـي
وسحبت القلم والبوك وأديـت ماجوبـي=ابي ردها يرجع معه بـس مـا أمدانـي
مشى ما احتراني وأكثر الناس منهوبـي=سريع النـدب عنـد الوجـب ماتتنانـي
حشى صبر له ساعتيـن قضـى نوبـي=على شان ما أكلـف بعـد واحـد ثانـي
ولاكنه عجـل وقتـه يقـول محسوبـي=يقول ابن سيـف لـو تأخـرت جازانـي
ومشى وأي قلبي كنه من الجوف مجذوبي=علـى موتـر متكلـف فيـه رجبـانـي
فلا يانديبـي وأرتحـل فـوق منجوبـي=وسيع الترايب وأشتر الذيـل وأعمانـي
أصيل ومن جيـش الشـرارات منتوبـي=خلقه الولي ماهوب من صنـع نصرانـي
وسيع النحر والـزور مافيـه شاذوبـي=عريض الفقار ايلا انطلق كنـه شيهانـي
ولا جابه البياع فـي السـوق مجلوبـي=وراعيـه الاول مايبـي فيـه الاثمانـي
غزيزة عقيد القوم من القـوم مكسوبـي=زمان مضى يوم العـرب كـان قيمانـي
لبو سيف با أعنـي قعـودي ومركوبـي=بأحر السـلام الخـاص للقـرم مجانـي
سـلام علبـه اعـداد ماهـب دالوبـي=وعدد من تلا في المصحف ايات قرئانـي
وسلامتك
ادارة الموقع
صح لسانك ماشاء الله عليك يابومحمد
الزلامي
صح بدنك
وهذه القصيده قلتها ايضا
انا البارحة من لـذة النـوم جانـي روع=وقلبي يصـادم عـوج الاضـلاع وتـرده
ولولا ضلوع الصدر خطـر عليـه يتـوع=كما تـوع طيـر صاحبـه مابعـد هـده
اذا ناموا السالين قامت تصوعـه صـوع=روابع هجـوس تشـرح الصـدر وتقـده
تمسه كما مسة حبال الصعـب والطـوع=وغصب عليه ايطيعهـا لـو بعـد مـده
اذا زل نصف الليل تفتـح لهـا مشـروع=بصندوق صـدري تبنـي الحلـم وتهـده
وأنا صرتنا منها الضحيـه بهـم ولـوع=وكبدي غدت من واهـج الهـم مسـوده
اجامل مع العالم وأنا خاطـري ملسـوع=من الغيـض والغربـال والهـم والشـده
من الهم والغربال كبدي خـذت قرطـوع=تجرعـت كـأس المـر والكبـد منغـده
اعد السبوع من اول السبـت لا الربـوع=ويوم الخميـس اسكـر البـاب وأسـده
تلايم علي صـدر حشـاد عليـه ضلـوع=تضكـه عبايـر خاطـر فيـه مشـتـده
وجودي على ذبة طويل الحجـا المرفـوع=طويـل المبـادي مـولـع فـيـه وأوده
وجودي على شوف المعاميل بين ربـوع=بتالـي نهـار ووفيـة العصـر منمـده
ووجودي على شوف العرب والجهام رتوع=على اول طلوع العشب يرعون في الجـده
رعوا كل روض كن خضاره خضار زروع=بعـد لـم شمـل كـان متفـرق بــده
جمعهم ربيع قبلـه النـاس كـان فـروع=وطير السعد غرد على الغصن مـن جـده
ولا يامحمـد لـوع قلبـي عليهـم لـوع=كما لـوع زرع مقطـع مـاه مـن عـده
دخله اليباس وجدوله من الثرى مقطـوع=وتحنت غصونه وابعد النـز مـن خـده
وسلامتك
ادارة الموقع
صح لسانك
الزلامي
صح بدنك
هذي قصيده قلتها قبل وفاة الملك فهد رحمه الله بمناسبة مرور اربع وعشرين عام على حكمه ومجاراة لللأمير الشاعر عبدالعزيز السامر
اربع وعشرين عـام يـوم مرتنـا=أسرع من البرق في دورات الايامي
فيها تجلت بفهـد المجـد عزتنـا=على ملوك العرب وملوك الأسلامي
وترنمت فوق هام السحب قيمتنـا=وفي كل دولة تعلت بسمنا السامي
بأسم الفهد ترتفع بالحـق كلمتنـا=نعم فهد والعهد بيديـن الاكرامـي
حكامنا اللي حموا ساحة كرامتنـا=من حكم عبدالعزيز وعزنـا قامـي
ينمو لنا العـز ويطـور سعادتنـا=والفرق ملحوظ بين العام والعامي
وكل جنح يمنـا يبغـي صداقتنـا=والاسلام يدعي لنا شعب وحكامـي
على مسيرة رسـول الله مسيرتنـا=وإنـا وحكامنـا للديـن خدامـي
من حضنا سربة ال سعـود قادتنـا=وتحققت في بلدنا كـل الأحلامـي
والله يحفظ فهـد قايـد جزيرتنـا=بدر للأسلام نوره زاح الاضلامـي
وسلامتك
ادارة الموقع
صح لساااااانك طول الله عمرك على عز وطاعه
وماقصرت بيض الله وجهك على ما اتحفتنا به من جواهر الشعر
الزلامي
صح بدنك ولا إطراء على واجب
ادارة الموقع
من طيبك الله يسلمك
والان اخي واستاذي الكريم ابومحمد نصل معك إلى نهاية هذا اللقاء الشيق والممتع بما يحتوي من قول ثمين وشعر له طابع خاص 0
قبل أن نودعك نريد منك كلمة اخيرة توجهها الي إدارة وأعضاء موقع السليل
الزلامي
اشكرك واشكر بقية إداريين واعضاء الموقع القائمين على مواضيعه والذين يقدمون عمل جميل يخدم الصالح العام
والى الامام بارك الله فيكم وأسأل الله لكم التوفيق والنجاح
ادارة الموقع
العفوو طال عمرك والى هنا نصل الى نهاية لقائنا بك واستودعك الله على أمل اللقاء القريب بأذن الله