عبدالله بن مرضي الودعاني
03/12/2007, 18:22
هذه مراده شعريه اهديها لكم والتي دارت بيني وبين صغيري طلال وهو اول من ابتدى بهذه البيتين
طلال
ياناس خلوني امشي حيث ماودي = القلب له رغبتة والشخص له طاقه
قالوا لي انك تحبه قلت من جدي = مامثله احب قربه واكره افراقه
مجاراه ابوطلال
لاتسمع لهرجة العذال وتلدي = الناس فيها على لوم البشر ساقه
القلب ماينعذل والعمر له حدي = اقطف ثمر موسمك لاتذبل اوراقه
ومن قال ممنوع قل شيخ الفخر جدي = يوم ان جدك مع جداني علاقه
طلال
حي الله اللي يعرف الرد لاردي = ياحلوا طعم الكلام اللي على فاقه
مثل الجنيهات يوم تعدها عدي = والباب يعرف لمفتاحه ومغلاقه
ابوطلال
الشعر له هاجس ماهوب في يدي= لاسمع عذب المشاعر هزه وشاقه
ويهيض لاحسه المغرور متحدي = ويشعفه صوت الحمام وحنة الناقه
طلال هيضت ابوك وجبله إمهدي = اشتب نار الوله واجعني احراقه
للغالي اللي نثر دمعي على خدي = وفنه غدى بالمزاج وشوفه شفاقه
غالي وعالي وانا قده وهو قدي = لاكن جا في طريق ابوك ماعاقه
طلال
ماعاش ضد ابوطلول ولاضدي = واهدي من الورد للغالي مية باقه
من صد عنك جزاه الترك والصدي = والله ما اروح انشده وش غير اخلاقه
ابوطلال
يابوك ماني كفيف يبغي مقدي = من دون عز النفوس اثني على الساقه
أنا كما الضامي اللي وارد عدي = لاواق فيها صفت ثم جمت ارياقه
يبغي إرشاء فوق عشر أقيام ويعدي = ولا بيطي يشوف الماء ولا ذاقه
طلال
ماكل صيد عليه الحر ينهدي = وماكل مزن هطل لا ناض براقه
وكم منزل تنزله ساعات وتشدي = لاجاك عجه وشال البيت ورواقه
ابوطلال
لاتقفل الباب تو ابوك وتلدي = علم القدر مامعك علمه وميثاقه
ماكل مره سحابة صيف وتعدي = لاتجهد المبتلى وتزود ارهاقه
يالله لطفك شكينا البرد واشتدي= يامالك ارزاق عبدك وانت خلاقه
عطنا منانا قبل ما الحيل ينهدي = وصبح السعد والفرح لايبطي اشراقه
وسلالالالالامتكم
لكم الود والورد من محب الكل
ابوطلال
طلال
ياناس خلوني امشي حيث ماودي = القلب له رغبتة والشخص له طاقه
قالوا لي انك تحبه قلت من جدي = مامثله احب قربه واكره افراقه
مجاراه ابوطلال
لاتسمع لهرجة العذال وتلدي = الناس فيها على لوم البشر ساقه
القلب ماينعذل والعمر له حدي = اقطف ثمر موسمك لاتذبل اوراقه
ومن قال ممنوع قل شيخ الفخر جدي = يوم ان جدك مع جداني علاقه
طلال
حي الله اللي يعرف الرد لاردي = ياحلوا طعم الكلام اللي على فاقه
مثل الجنيهات يوم تعدها عدي = والباب يعرف لمفتاحه ومغلاقه
ابوطلال
الشعر له هاجس ماهوب في يدي= لاسمع عذب المشاعر هزه وشاقه
ويهيض لاحسه المغرور متحدي = ويشعفه صوت الحمام وحنة الناقه
طلال هيضت ابوك وجبله إمهدي = اشتب نار الوله واجعني احراقه
للغالي اللي نثر دمعي على خدي = وفنه غدى بالمزاج وشوفه شفاقه
غالي وعالي وانا قده وهو قدي = لاكن جا في طريق ابوك ماعاقه
طلال
ماعاش ضد ابوطلول ولاضدي = واهدي من الورد للغالي مية باقه
من صد عنك جزاه الترك والصدي = والله ما اروح انشده وش غير اخلاقه
ابوطلال
يابوك ماني كفيف يبغي مقدي = من دون عز النفوس اثني على الساقه
أنا كما الضامي اللي وارد عدي = لاواق فيها صفت ثم جمت ارياقه
يبغي إرشاء فوق عشر أقيام ويعدي = ولا بيطي يشوف الماء ولا ذاقه
طلال
ماكل صيد عليه الحر ينهدي = وماكل مزن هطل لا ناض براقه
وكم منزل تنزله ساعات وتشدي = لاجاك عجه وشال البيت ورواقه
ابوطلال
لاتقفل الباب تو ابوك وتلدي = علم القدر مامعك علمه وميثاقه
ماكل مره سحابة صيف وتعدي = لاتجهد المبتلى وتزود ارهاقه
يالله لطفك شكينا البرد واشتدي= يامالك ارزاق عبدك وانت خلاقه
عطنا منانا قبل ما الحيل ينهدي = وصبح السعد والفرح لايبطي اشراقه
وسلالالالالامتكم
لكم الود والورد من محب الكل
ابوطلال