عبدالله بن مرضي الودعاني
08/11/2007, 09:35
اعزائي الكرام هذه قصيدة قدمتها بأحتفال زواج اخينا وابن عمنا سويد بن مبخوت ال حنيش وسوف يتم عرضها في قناة الساحه بأذن الله 0 احببت طرحها بين ايديكم عسى ان تنال اعجابكم
يالله يارب كفلت أرزاقي = ياخالق الدنيا ويا خلاقي
ياباقي ماغيرك احد باقي= ابدي بذكرك مبداي امثالي
وأسألك مما يغضبك تحميني= ولرضاك ودروب الهدى تهديني
ومن النار يوم الآخره تنجيني= ولا تحاسبني بسوء اعمالي
وانا وجزل الشعر من عاداتنا=عشق الجزاله من كبر هقوتنا
والمقدية لاجات ما فاتتنا= فضل من لله الكريم الوالي
شعري من أفكاري ونطق لساني= وان ما زهيت الشعر مايزهاني
عبدالله بن مرضي الودعاني = سلالة شيوخ وعمي خالي
وليل مثل ذلليل يفتح بابه= وان غاب عن ذالليل وش يبغابه
أسمع جزيل الشعر ياطلابه= ابيوت شعر مستواها عالي
في مجلس اهل الجود واهل الجزله= ندر حرار ما تصيد الهزله
كل ابلج جزل الثنا يحجزله= وذي عادة الاول حماها التالي
في حفل ابن عمي رفيع النظره= مبخوت بن ناصر قليل العثره
قرم على شبر النشاما شبره= ومن المرجله مااغناه جمع المالي
بأسمه وبأسماء ربعي اقول ارحب = ياضيفنا اللي من قدومه نطرب
وفاك طيب منك مايستغرب= ويصير له بنفوسنا منزالي
ومبروووك ياسويد فرحك الليله= الله يديم افراحك الجميله
ويكرر الافراح في القبيلة= وفي كل ليل انهني اخو غالي
والله يديم العز لأبناء عمي= اللي مشاهدهم يشتت همي
غم الخصيم اللي يدور غمي= قوم هقاويهم تدك جبالي
دواسر كواسر مخابر= من العصر الأول والزمان الغابر
كم طوعوا بالسيف روس أكابر= قول معي له شاهد وافعالي
ربعي مزبنة الدخيل ان جانا = يأمن بمان الله ثم بحمانا
يازا دخيل البيت مايازانا = وما أحد يضد اللي زبنا جالي
عادتنا وافعالنا معروفه= وسلومنا لنفوسا مألوفه
حتى بعصر العولمه وظروفه= من خانها ماينحسب رجالي
الجار نحفظ حقه ومقداره= نقوم به لو موته من اجداره
من طيب نفس للفخر مختاره= هقاوي تظرب بها الامثالي
اهل الثمان الجزلة الكليفه = قبل يحكم عبدالعزيز وسيفه
يوم القبائل من الدهور ضعيفه= احملونا تهري ظهور جمالي
ومن سلمنا ناسم عصا خوينا= ونعد مايؤذي الخوي ئؤذنا
وان ضده احد مستهين فينا= نسقية من مر القهر فنجالي
لامن تلاحم زايد مع تغلب= بأذن ما قد غلب ولن يغلب
ويحق لي يوم اتباها واطرب= في عزوتي لطامة العيالي
وديارنا ياجاهل بديرنا = ومن الخرج الى الوادي وهي مسكنا
تاريخها ماساد فيه الى أنا = مجد بنته اسنينا الخوالي
والهضب حد ديارنا من قبله= ويحدنا من الشرق عرق الرمله
فيها يوصي كل ليث شبله= من دونها مافيه شئ غالي
ولنا شمالي نجد رسم اوطاني= اسيادها ودعاني وبدراني
تاريخهم لأهل الفخر عنواني= يوم الفخر له عاشق وأبطالي
والله خلق حب الفخر من طبعي= وطبع خلق الله في اكثر ربعي
من لامني ماوصل لومه سمعي= افخر بمجد تثبته الافعالي
من قبل يصبح قول ونعم عادي= ولاعاد من بيت الكرم نشادي
الله يديم أمان وأمن بلادي= ويدم نعمتنا من الزوالي
وكل القبايل مجدها بحمها = وعاداتهم لاجيتهم تلقاها
وكل على بيره يقوس رشاها= والطيب له شاهد وله مكيالي
والله يعز الدين في دولتنا= ويحفظ الامان ويحفظ حكومتنا
ما ينحصي من الخير ويش اعطتنا= والامن في الاوطان راس المالي
وحق علينا درانا نحميها = اوطان اهلنا اللي ربينا فيها
ونعادي أي انسان(ن) يعاديها= وماعاش من يبغى لنا الاذلالي
جميعنا دون البلاد جنودي= نتعب لحفظ أمنه وعنه نذودي
و يكفيني إني يوم أقول سعودي= اشوش وارمي غترتي وعقالي
وماضن به حاكم عبدالله= الكون بأسره شاهد لي كله
يستاهل انا نستميت ارضى له= ونفديه بالاموال والاحوالي
مابه مليك هل دمعه اعيانه= لجل اليتم اللي شعر بأحزانه
وهلت دموع عيوننا من شانه= تقدير(ن) لدمعه ملكنا الغالي
وأنا لنا عدوان وحساده= يسعون في دمر الوطن وإفساده
لكن لنا قاده ونعم القاده= ماهم بحيلات العدى جهالي
وابن الوطن لابد من تنويره = من اللي يغرس الشر في تفكيره
صديقه اللي مقصده تدميره = ويحط لأبليس معه مدخالي
ورغم ان عاد القاف في استرساله= من شان ظيق الوقت حان اقفاله
واذا حصل تقصير(ن) او إطاله= عذرا وفي عفوا الكرام آمالي
وعسى الليالي المقبلة تجمعنا= والله من الافراح ما يقطعنا
وتم القصيد اللي زهاه المعنا= عسى طربكم منه يطرب بالي
والحمد للخالق وحق يحمد= وصلى الله وسلم على محمد
اعداد ما ناح الحمام وغرد=اخير مايختم به المقالي
الشاعر / عبدالله بن مرضي الودعاني
لكم الود والورد من محب الكل
ابوطلال
يالله يارب كفلت أرزاقي = ياخالق الدنيا ويا خلاقي
ياباقي ماغيرك احد باقي= ابدي بذكرك مبداي امثالي
وأسألك مما يغضبك تحميني= ولرضاك ودروب الهدى تهديني
ومن النار يوم الآخره تنجيني= ولا تحاسبني بسوء اعمالي
وانا وجزل الشعر من عاداتنا=عشق الجزاله من كبر هقوتنا
والمقدية لاجات ما فاتتنا= فضل من لله الكريم الوالي
شعري من أفكاري ونطق لساني= وان ما زهيت الشعر مايزهاني
عبدالله بن مرضي الودعاني = سلالة شيوخ وعمي خالي
وليل مثل ذلليل يفتح بابه= وان غاب عن ذالليل وش يبغابه
أسمع جزيل الشعر ياطلابه= ابيوت شعر مستواها عالي
في مجلس اهل الجود واهل الجزله= ندر حرار ما تصيد الهزله
كل ابلج جزل الثنا يحجزله= وذي عادة الاول حماها التالي
في حفل ابن عمي رفيع النظره= مبخوت بن ناصر قليل العثره
قرم على شبر النشاما شبره= ومن المرجله مااغناه جمع المالي
بأسمه وبأسماء ربعي اقول ارحب = ياضيفنا اللي من قدومه نطرب
وفاك طيب منك مايستغرب= ويصير له بنفوسنا منزالي
ومبروووك ياسويد فرحك الليله= الله يديم افراحك الجميله
ويكرر الافراح في القبيلة= وفي كل ليل انهني اخو غالي
والله يديم العز لأبناء عمي= اللي مشاهدهم يشتت همي
غم الخصيم اللي يدور غمي= قوم هقاويهم تدك جبالي
دواسر كواسر مخابر= من العصر الأول والزمان الغابر
كم طوعوا بالسيف روس أكابر= قول معي له شاهد وافعالي
ربعي مزبنة الدخيل ان جانا = يأمن بمان الله ثم بحمانا
يازا دخيل البيت مايازانا = وما أحد يضد اللي زبنا جالي
عادتنا وافعالنا معروفه= وسلومنا لنفوسا مألوفه
حتى بعصر العولمه وظروفه= من خانها ماينحسب رجالي
الجار نحفظ حقه ومقداره= نقوم به لو موته من اجداره
من طيب نفس للفخر مختاره= هقاوي تظرب بها الامثالي
اهل الثمان الجزلة الكليفه = قبل يحكم عبدالعزيز وسيفه
يوم القبائل من الدهور ضعيفه= احملونا تهري ظهور جمالي
ومن سلمنا ناسم عصا خوينا= ونعد مايؤذي الخوي ئؤذنا
وان ضده احد مستهين فينا= نسقية من مر القهر فنجالي
لامن تلاحم زايد مع تغلب= بأذن ما قد غلب ولن يغلب
ويحق لي يوم اتباها واطرب= في عزوتي لطامة العيالي
وديارنا ياجاهل بديرنا = ومن الخرج الى الوادي وهي مسكنا
تاريخها ماساد فيه الى أنا = مجد بنته اسنينا الخوالي
والهضب حد ديارنا من قبله= ويحدنا من الشرق عرق الرمله
فيها يوصي كل ليث شبله= من دونها مافيه شئ غالي
ولنا شمالي نجد رسم اوطاني= اسيادها ودعاني وبدراني
تاريخهم لأهل الفخر عنواني= يوم الفخر له عاشق وأبطالي
والله خلق حب الفخر من طبعي= وطبع خلق الله في اكثر ربعي
من لامني ماوصل لومه سمعي= افخر بمجد تثبته الافعالي
من قبل يصبح قول ونعم عادي= ولاعاد من بيت الكرم نشادي
الله يديم أمان وأمن بلادي= ويدم نعمتنا من الزوالي
وكل القبايل مجدها بحمها = وعاداتهم لاجيتهم تلقاها
وكل على بيره يقوس رشاها= والطيب له شاهد وله مكيالي
والله يعز الدين في دولتنا= ويحفظ الامان ويحفظ حكومتنا
ما ينحصي من الخير ويش اعطتنا= والامن في الاوطان راس المالي
وحق علينا درانا نحميها = اوطان اهلنا اللي ربينا فيها
ونعادي أي انسان(ن) يعاديها= وماعاش من يبغى لنا الاذلالي
جميعنا دون البلاد جنودي= نتعب لحفظ أمنه وعنه نذودي
و يكفيني إني يوم أقول سعودي= اشوش وارمي غترتي وعقالي
وماضن به حاكم عبدالله= الكون بأسره شاهد لي كله
يستاهل انا نستميت ارضى له= ونفديه بالاموال والاحوالي
مابه مليك هل دمعه اعيانه= لجل اليتم اللي شعر بأحزانه
وهلت دموع عيوننا من شانه= تقدير(ن) لدمعه ملكنا الغالي
وأنا لنا عدوان وحساده= يسعون في دمر الوطن وإفساده
لكن لنا قاده ونعم القاده= ماهم بحيلات العدى جهالي
وابن الوطن لابد من تنويره = من اللي يغرس الشر في تفكيره
صديقه اللي مقصده تدميره = ويحط لأبليس معه مدخالي
ورغم ان عاد القاف في استرساله= من شان ظيق الوقت حان اقفاله
واذا حصل تقصير(ن) او إطاله= عذرا وفي عفوا الكرام آمالي
وعسى الليالي المقبلة تجمعنا= والله من الافراح ما يقطعنا
وتم القصيد اللي زهاه المعنا= عسى طربكم منه يطرب بالي
والحمد للخالق وحق يحمد= وصلى الله وسلم على محمد
اعداد ما ناح الحمام وغرد=اخير مايختم به المقالي
الشاعر / عبدالله بن مرضي الودعاني
لكم الود والورد من محب الكل
ابوطلال