المساعد الشخصي الرقمي

مشاهدة النسخة كاملة : [[ وقول يا عين المها ما بها شروح |^| لو تطلبين الروح تفداك روحي ]]


فوق الخيال
29/10/2007, 15:34
جتني رسالة من صدى خافق الروح=وقريتها بحساس قلبي وروحي
قريتها و أنهدت قصور وصروح=و أنا من أول عالياتٍ صروحي
تشكي تقول القلب يا حمود مجروح=ما تدري إني غايراتٍ جروحي
تهل دمع وترفع الصوت بالنوح=واللي فقد غاليه لازم ينوحي
ما كلمتني يمكن الصوت مبحوح=من النوح ولا مستطاعة تبوحي
جتني رسالتها بها دموع و جروح=وانهد بسباب الرساله طموحي
تقول يا خوي الزمن صار مفضوح=والشيب فيني لو تشوفه يلوحي
يا بو علي مالي بالاغراب مصلوح=مدام قلب اللي نحبه شحوحي
ودي بشوفك دام الأعمار بفسوح=قبل الرحم يا خوي منا يروحي
زل الزمان اللي به افراح ومزوح=انخاك تكفى لا تضنها مزوحي
وبعد الرساله صار بالقلب ذابوح=طار المنام وصار فكري يشوحي
أختي رسالتها لها القلب مفتوح=كلي لها والقلب ينصت و يوحي
أقولها و دموع عيني لها فوح=وسط المحاجر دمع عيني يفوحي
اجاوب الورقى على عالي الدوح=وانوح من فرقى الرفيق السموحي
والله لو أني وسط الاطباق مذبوح=لظهر كما خطو الحصان ألجموحي
واقول يا عين المها ما بها شروح=لو تطلبين الروح تفداك روحي



القصيدة بصوت صاحبها وبعدها ينشدونها الشباب بصوت راااااااااائع
للإستماع للقصيده انقر هنا (http://members.abunawaf.com/yaba3dhom/20071003/jatny_resalah.zip)

السيف دايم
29/10/2007, 18:36
اجاوب الورقى على عالي الـدوح**وانوح من فرقى الرفيق السموحـي

لاهنت على القصيده الجزله...

تقديري لكـ..

@شيخه ابا عن جد
02/11/2007, 10:26
يا بو علي مالي بالاغراب مصلوح **** مدام قلـب اللـي نحبـه شحوحـي

قصيده جزله ومتعووووب عليها

اشكركــ’ يا فوق الخيال

لهذه القصيده الخياليه,,,,,

بعيد خطوة
02/11/2007, 11:19
مشكور فوق الخيال

و لاهنت على القصيده الجزله...


تقبل مروري

الفيلسوف
02/11/2007, 12:32
مشكور اخوي فوق الخيال

على القصيدة الروعة

ويعطيك ربي العافية

وتقبل احترامي وتقديري

فوق الخيال
02/11/2007, 18:02
صح الله ابدانكم

حياكم الله اخواني

تشرفت بمروركم

المشرف
02/11/2007, 18:30
لاهنت لاهنت
قصيده جزله
اشكرك عليها وبيض الله وجهك