المساعد الشخصي الرقمي

مشاهدة النسخة كاملة : يلعن ابو رجلٍ يذله هوى بنت

ودعانيه
22/10/2007, 01:50
ياللي بأساليب الخيانه تفننت
وش رجعك عقب الجفا والقطاعه ؟؟

فارق عيوني وابعد ارجوك لاهنت
دامك تصنعت المشاعر صناعه

لعبت لعباتك بتمثيل واتقنت
وألفت كذباتك بفن وبراعه

وخليتني بالنار يومك تمكنت
وقعدت ادور في هواك الشفاعه

لان الحجر من حالتي وانت مالنت
لأني اعطيتك غلا عن قناعه

غدرت بي واخلفت ضني بك وخنت
وخذيت حبي لك مجرد اشاعه

لاتقول ابرجع باللهوى مثل ماكنت
ضاع الهوى وانت السبب في ضياعه

يوم اني اسهر اليل وين انت
يوم اتحرى جيتك كل ساعه

ياللي مع الأيام ضدي تلونت
يا من تفنن في وسايل خداعه

بك من تواصيف الغدر لامن تمسكنت
كنه اخوك من الصدر والرضاعه

يالمعدن اللي حكك الوقت بينت
بيَن صداك اللي خذيته بضاعه

ربتني الدنيا على يديك وايقنت
ان ماكل من يطمح طموح استطاعه

اليوم عقب اللي جرالي تمنعت
والحر بعيونه يبين انطباعه

كانك مع العذال وهمي تعاونت
عندي شهاده بالصبر والشجاعه

وان كانك اسلوب التحدي لي اعلنت
ابشر برجالٍ يشمر ذراعه

انا طبعي وبأطباعي آمنت
من عافنا يحرم علينا اتباعه

والي معي صادق بعيني له اسكنت
عندي عن اسلوب الخيانه مناعه

تدري ؟؟ مدامك للهوى اليوم ما صنت
اقولها بوجهك وكلي قناعه

يلعن ابو رجلٍ يذله هوى بنت
اذا تخلى لأجلها عن طباعه
المجمول
22/10/2007, 02:22
ياسلام يالغاليه جميل ان تعرفين ان بعض الهوى مذله واهانه على الرجل
واعتقد ان الرجل اللي يهين كرامته عشان هوى بنت اعتقد انه لاخير فيه اللي حط نفسه في هذا الموقف

قصيده جميله ومشكوره على النقل


المجمول
@BOOND-007
22/10/2007, 06:02
ابيات معبره جدا وقريبه من كل انسان
وجميل ان انثى تكتب مثل هذه الابيات اوتنقلها
مشكوره يابنت العم
ويعطيك العافيه
السيف دايم
22/10/2007, 15:10
ابيات روعه..

تشكرين عليها ..

ننتظر الابدااااع الجاي..

تقديري..
ودعانيه
23/10/2007, 15:35
مشكوررررين على المرور
المهلهل
27/10/2007, 22:39
كانك مع العذال وهمي تعاونت
عندي شهاده بالصبر والشجاعه
بيت اعجبني مشكوره ولاهنتي
@شيخه ابا عن جد
28/10/2007, 07:16
ودعانيه حسبي الله على ابليسك وش بلاك قلبتي علينا

خخخخخخخخخخخخ

قصيده جزله بس لا تعودينها000
سراق القلوب
28/10/2007, 10:58
.

.

.


صح لسان شاعرها وتسلم يدين ناقلتها . .

والله يعطيك العافيه على نقلك الجميل . .
سبيعي
28/10/2007, 12:20
صح لسان الشاعر ومشكوره على النقل
مرفوعة الراس
28/10/2007, 13:30
صح السانك والسان الشاعر

ومشكوره على النقل المتميز
الواصل**
02/11/2007, 01:04
هذا اهو طبعي وباطباعي آمنت = من عافنا يحرم علينا اتباعه

هذي عزة النفس ولا بلاش
شكرا ودعانيه على النقل وصح لسان الشاعره 0
تقبلي تحياتي ,
الفيلسوف
02/11/2007, 01:12
مشكورة اختي ودعانية

بصراحة قصيدة روعة

ويعطيك ربي العافية

وتقبلي احترامي وتقديري