الدعوه اللي لفتني من قبيلة سبيع ... بمناسبة مزاين الغلبا ؟؟؟

[الوحيـــد]

السلام عليكم ورحمة الله وبركاته
اتشرف بان اضع امامكم هذة القصيده
التي قلتها في حفل ومخيم المجامعه بقبيلة سبيع
اثناء المزاين وذلك بعد الدعوة الكريمه التي تلقيتها من المنظمين
والذي لاتفيهم حقهم
واحب ان اشكرهم على الحفاوه والترحيب وكرم الضيافه التي وجدتها
وليست غريبه عليهم هل الغلبا.
علماً بان الحفل سيعرض على قناة الساحه بالقريب العاجل واتمنى ان تنال رضاكم


الدعوة اللي لفتني من قبيلة سبيع = دعوة شرف وافتخر فيها واماريبها
لبيتها دايركت وجيت عجلن سريع = فرصه تمنيتها والله جانيبها
احبهم والمحبه من العليم السميع = اللابة اللي تنومس في تراحيبها
وفي حفلكم والمزاين زان عرضن وبيع = ومن طيبكم جيت اشارك في مواجيبها
وشلون ماطرب بشوف الطيبين الصنيع =مانيب شاعر اذا ماجيت اغنيبها
سلا ياهل المراجل والمقام الرفيع = تحيتة تشمل الحضار نبديبها
في مدحكم بتخير كل بيت بديع = قصيدة تقنع السامع ويحكيبها
يااهل الثلاث العجايب مشبعين الجويع = ياصفوة القوم لاعدومناسيبها
ياروس قوم تطوع راس من لا يطيع = كم طوعولابتن تفتل بشانيبها
ياقمة المجد والتاريخ الابيض نصيع = تاريخ يشرف العزوة واقاريبها
انتو هل الخيل في اليوم العبوس الشنيع = لاشبت الحرب ماتخشو مشاهيبها
وانتو خوي الخوي لامن لحقه الهزيع = وانتو زهابه الى خليت مزاهيبها
غلابه ياهل الغلبا وحصنن منيع = قبيلتة جمل الله كل اساليبها
كسابة المدح شيبان وشباب ورضيع = ماجبت شي جديد قلت ياطيبها
بافعال رزت بيارقها على كل ريع = وعلوم سارت مع الركبان تمشيبها
قد قالها كوير بن راشد مثل للجميع = علم الحيا وطيبين الذكر ندريبها
هذا مثل شاعرمنكم رواته تذيع = معناه في كل حين ان حل طاريبها
ياهل الجهام المتيه في الزمان المنيع = يوم الليالي القديمه عاوين ذيبها
تمشي على شفها ماقرعوهاالقريع = وتسهج مضاريب لوماهي مضاريبها
بحفظ ربي وحفظ اوسومها ماتضيع = يهابها الطامع ويخشى من عواقيبها
أي والله انكم ذراها لاتمنت وديع = لحنت الفاطر اللي شامخن نيبها
حمر النعم راس مال وعزوتن للشجيع = ياخير من ساقها واطيب معازيبها
لوالزمان اختلف في وقت والا ربيع = ماترخص بعين رجال يهذريبها
واليوم من فضل ربي مدها من وسيع = من حب عشاقها يرهي مطاليبها
وباقي القبايل بدون اقصور ضلعن ضليع = من غير ذكر اسمها تعرف مكاسيبها
قلته ونا دوسري والاسم هذا شفيع = معروف في شرق نجد وفي مغاريبها
والراس زايد خذاها بالذراع البتيع = والزايديه علوم الطيب تحريبها
ودعاني له مع الجدي المسمى طليع = يبين بالوقت لغثرب مشاريبها
منا ثمان السوالف ولعتن للوليع = يااللي تحب السوالف انشد اديبها
والشعر فينا من المعبود وزعت وزيع = ذروة سنام المعاني من مجاذيبها
جيت اتمثل وامثلهم على اطيب بقيع = والطيبه بارك الله منهو إيجيبها
والدعوه اللي لفتني من قبيلة سبيع = دعوة شرف وافتخر فيها وماريبها

[الحوت الأزرق]

صح لسانك وبض الله وجهك يا أبو محمد

قصيدة جزلة بيض الله وجهك عليها ولاتحرمنا من جديدك

[The_LoRd]

قلته ونا دوسري والاسم هذا شفيع = معروف في شرق نجد وفي مغاريبها
والراس زايد خذاها بالذراع البتيع = والزايديه علوم الطيب تحريبها
ودعاني له مع الجدي المسمى طليع = يبين بالوقت لغثرب مشاريبها
منا ثمان السوالف ولعتن للوليع = يااللي تحب السوالف انشد اديبها
والشعر فينا من المعبود وزعت وزيع = ذروة سنام المعاني من مجاذيبها
جيت اتمثل وامثلهم على اطيب بقيع = والطيبه بارك الله منهو إيجيبها

كفوووووو والله يااابومحمد ولاهنت على القصيدة الأكثر من راااائعة
ويستاااااااهلووووون سبيع المدح والطيب ,,,

[نجم سهيل]

الله يخليك لنا ياابو محمد
وابيض وجه اول وتاااالي
وصح كلك

[السيف دايم]

صح لسانك يابومحمد..

لاهنت ووجهك ابيض..

[غالي الأثمان]

بيض الله وجهك عز الله قصيدتن تبيض الوجه ورحم الله والديك يابو محمد ولاهنت

[أبو علاااوي]

بيض الله وجهك وصح لسانك يابو محمد
ويستاهلون المدح صبيان سبيع

[المجمول]

كفو يابو محمد وتستاهل دعوات ماهيب دعوه وحده وبيض الله وجهك على هذه القصيده الجزله الداله على جزاله مبدعه وشاعره لله درك يابو محمد حيث اني كل يووم اكتشف انك بحر من الشعر وتجيد حبك القوافي الصعبه بكل مهاره وسهوله

الله يوفقك ويكثر امثالك

المجمول

[المشرف]

دعوة سبيع لك هذا دلاله على صيتك الطيب وسمعتك التي انتشرت بين الجميع بكل معاني الرجوله ونظافه القلب

وشعرك مفخره لمن يذكر به وانت يابو محمد الفخر للسبيع اللي مدحتهم لان امثالك يفتخر بهم

الله يحفظك ويسهل جميع امورك

[الوحيـــد]

صح لسانك وبض الله وجهك يا أبو محمد

قصيدة جزلة بيض الله وجهك عليها ولاتحرمنا من جديدك

ارحب يالحوت الازرق
ووجهك ابيض
والجزاله مرور مثلك وشرواك
تشرفت بزيارتك واطراءك

[الوحيـــد]

قلته ونا دوسري والاسم هذا شفيع = معروف في شرق نجد وفي مغاريبها
والراس زايد خذاها بالذراع البتيع = والزايديه علوم الطيب تحريبها
ودعاني له مع الجدي المسمى طليع = يبين بالوقت لغثرب مشاريبها
منا ثمان السوالف ولعتن للوليع = يااللي تحب السوالف انشد اديبها
والشعر فينا من المعبود وزعت وزيع = ذروة سنام المعاني من مجاذيبها
جيت اتمثل وامثلهم على اطيب بقيع = والطيبه بارك الله منهو إيجيبها

كفوووووو والله يااابومحمد ولاهنت على القصيدة الأكثر من راااائعة
ويستاااااااهلووووون سبيع المدح والطيب ,,,

ماعليك زود يابن عمي
والرائع متابعتك وتشجيعك
وتشريفك لي بمرورك
الله لايخليني منك
تقبل احترامي

[الوحيـــد]

الله يخليك لنا ياابو محمد
وابيض وجه اول وتاااالي
وصح كلك

ولامنك
وصح بدنك

[الوحيـــد]

صح لسانك يابومحمد..

لاهنت ووجهك ابيض..

صح بدنك
ويامرحبا بسيفنا
ولاانت ووجهك ابيض
ويسعدني متابعتك

[الوحيـــد]

بيض الله وجهك عز الله قصيدتن تبيض الوجه ورحم الله والديك يابو محمد ولاهنت

ارحب يابن عمي
ووجهك ابيض والله لايخليني منك
وممنون لدوام متابعتك وتشجيعك
والله يرحم والديك ويجزاك خير
وتقبل تقديري لك

[الوحيـــد]

بيض الله وجهك وصح لسانك يابو محمد
ويستاهلون المدح صبيان سبيع

ووجهك يابن عمي
وصح بدنك
ومتابعه اتشرف بها منك
وماعليك زود
تقبل تقديري لك

[الوحيـــد]

كفو يابو محمد وتستاهل دعوات ماهيب دعوه وحده وبيض الله وجهك على هذه القصيده الجزله الداله على جزاله مبدعه وشاعره لله درك يابو محمد حيث اني كل يووم اكتشف انك بحر من الشعر وتجيد حبك القوافي الصعبه بكل مهاره وسهوله

الله يوفقك ويكثر امثالك

المجمول

ارحب ياالمجمول
هذا بعض مماعندكم ياالقرم
وشهادة افتخر فيها
والله لايهينك ولايخلينا منك
وتقبل تقديري لك وامتناني لمتابعتك

[الوحيـــد]

دعوة سبيع لك هذا دلاله على صيتك الطيب وسمعتك التي انتشرت بين الجميع بكل معاني الرجوله ونظافه القلب

وشعرك مفخره لمن يذكر به وانت يابو محمد الفخر للسبيع اللي مدحتهم لان امثالك يفتخر بهم

الله يحفظك ويسهل جميع امورك

ارحب يابوفهد
ماعليك زود ياالذيب
وهذه شهادة فخر لي ووسام من رجل مثلك
وماعليك زود ياابن العم
والله لايهينك وتقبل تقديري واحترامي

[صقر الدواسر]

بيض الله وجهك يالوحيد وانت شاااااااااااعر كفو وتستاهل دعووووووووووووووووات مو دعوه وحده


ويستاهلون سبيع المدح هم هل الغلبا ولا فيهم قصور


بس اطلب منك طلب وهو صغير انك اذا دعيت لاي حفل من خارج ابناء القبيله وكان الحفل مصور تلفزيونيا فيجب عليك في نهايه القصيده ان تمدح ربعك الدواسر والوداعين خااااااااااااصه وتذيع صيتهم بين القبايل 0


تقبل تحياتي ووافر تقديري000000000





اخوك / صقــــــــــــــــــــر الدواســـــــــــــــــــــــر

[ابراهيم بن سعيد آل صبران]

أبو محمد ( الوحيد ) صحيح أنك الوحيد بين أقرانك في براعة الشعر
صح لسانك يالغالي أبيات جزلة وترفع الراس وماهي مستغربة
من شاعربحجم حسن بن محمد بن هادي آل بطحية
هلاوالله بممثلنا في مزاين سبيع عزالله وفيت وكفيت
ولا تحرمنا من قصايدك الجزلة 0

[سراق القلوب]

.
.
.
.


صح لسانك يابو محمد والجزاله انت احد منابعها يالغالي !!
من محاسن الصدف كان واحد من اخوياي سبيعي حاضر الحفل ويوم عرف انك دوسري وودعاني دق علي وسمعني قصيدتك
ويقول ان جميع من في الحفل يثنون ويمدحون عليك وانت تستاهل يابو محمد !!

[سبيعي]

صح لسانك يالشاعر والله يحييك وابرك الساعات اللي جيتنا فيها
وبيض الله وجهك
واشكر الاخوان على الاطراء وماعليكم زود يالدواسر

[الوحيـــد]

بيض الله وجهك يالوحيد وانت شاااااااااااعر كفو وتستاهل دعووووووووووووووووات مو دعوه وحده


ويستاهلون سبيع المدح هم هل الغلبا ولا فيهم قصور


بس اطلب منك طلب وهو صغير انك اذا دعيت لاي حفل من خارج ابناء القبيله وكان الحفل مصور تلفزيونيا فيجب عليك في نهايه القصيده ان تمدح ربعك الدواسر والوداعين خااااااااااااصه وتذيع صيتهم بين القبايل 0


تقبل تحياتي ووافر تقديري000000000





اخوك / صقــــــــــــــــــــر الدواســـــــــــــــــــــــر

ارحب صقر الدواسر
تشرفت باطلالتك
ومشكور على اطرائك الله لايخليني منك

وان شاء الله ربعي مايحتاجون قصيدي للشهره
مشهورين قبلي وقبل قصيدي ياابن عمي
وابشر بااللي يرضيك
لاهنت

[الوحيـــد]

أبو محمد ( الوحيد ) صحيح أنك الوحيد بين أقرانك في براعة الشعر
صح لسانك يالغالي أبيات جزلة وترفع الراس وماهي مستغربة
من شاعربحجم حسن بن محمد بن هادي آل بطحية
هلاوالله بممثلنا في مزاين سبيع عزالله وفيت وكفيت
ولا تحرمنا من قصايدك الجزلة 0

ارحب يابو سعيد
وماعليك زود
والشرف لي بثنائك علي
لاهنت والله لايخلينا منك
تقبل امتناني لك وتقديري

[الوحيـــد]

.
.
.
.


صح لسانك يابو محمد والجزاله انت احد منابعها يالغالي !!
من محاسن الصدف كان واحد من اخوياي سبيعي حاضر الحفل ويوم عرف انك دوسري وودعاني دق علي وسمعني قصيدتك
ويقول ان جميع من في الحفل يثنون ويمدحون عليك وانت تستاهل يابو محمد !!

صح بدنك
وماعليك زود
ورضاك ومتابعتك واهتمامك هو هدفي وغايتي
تقبل احترامي وتقديري
واسئل الله ان يوفقني لخدمة ربعي وابناء عمي

[الوحيـــد]

صح لسانك يالشاعر والله يحييك وابرك الساعات اللي جيتنا فيها
وبيض الله وجهك
واشكر الاخوان على الاطراء وماعليكم زود يالدواسر

صح بدنك ياالسبيعي
وياهلا ومرحبا
وماقيل فييكم شوي ياالذيب
تستاهلون المدح وانتو اهله
والله يوفق الجميع
وتقبل تقديري واحترامي

[منقاش]

بيض الله وجهك يابو محمد ولاتحرمنا من الجديد 0000والله يحفظك

[الوحيـــد]

بيض الله وجهك يابو محمد ولاتحرمنا من الجديد 0000والله يحفظك

ارحب يامنقااااااااااااش

تشرفت بتواصلك ولاهنت
وبيض الله وجهك

[الوحيـــد]

بيض الله وجهك يابو محمد ولاتحرمنا من الجديد 0000والله يحفظك

ارحب يامنقاش
ومشكور الله يبيض وجهك على تواصلك
ولاهنت تقبل تقديري لك

[امير بكلمتي]

يعطيك العافيةأخوي الوحيد وصح لسانك.... ومشكور على ماقدمتة من مجهود جبار.....
وما تحرمنا ن واضيعك وخواطرك التي أعتدنا عليها......
وتقبل أحترامي ومردودي....

[الوحيـــد]

يعطيك العافيةأخوي الوحيد وصح لسانك.... ومشكور على ماقدمتة من مجهود جبار.....
وما تحرمنا ن واضيعك وخواطرك التي أعتدنا عليها......
وتقبل أحترامي ومردودي....

ارحب ياامير
وياهلا
مشكور لشعورك الطيب
ولاطرائك
وهذا مكسبي الله لايخلينا منك
نورت وممنون لك