نجم سهيل ( الحمد لله على سلامة الغاليه )

[نازع الود]

اخي وحبيب قلبي نجم سهيل الحمد لله على سلامة الغاليه

وجعلها ان شاء الله اخر العثرات والله يمتعها بالصحة والعافيه


ليتني أقدر على رد الجميل=لـ . أمي اللي مستحيل ألحق جزاها
مستحيل ألحق جزاها مستحيل=الله يسعدلي صباحه مع مساها
والله إن المدح في مثله قليل=ليتني أقدر أحقق له مناها
الحنونه مالها شبه ومثيل=الله اللي عزها يوم إن عطاها
الرحومه هي لنا الظل الظليل=الحظيظ اللي قدر يكسب رضاها
العطوفه مانبي غيره بديل=كل مانملك بذا الدنيا فداها
علمتنا نعشق الصبر الطويل=كيف نعشق دنية(ن) يتعب مداها
علمتنا مبدأ الحب الأصيل =هي بدايات المحبه ومنتهاها
هي دوايه لاغدا قلبي عليل=وين ماراحت خذت قلبي معاها
لا أبعدت عني غدا جسمي نحيل=من غلاها بس أهوجس في لقاها
ولاازعلت عني وقامت بالرحيل=قمت أنا كلي ندم أطلب رضاها
هي أساس الخير جيل(ن) بعد جيل=مايشوف الخير مخلوق(ن) عصاها
من عصاها عاش بالدنيا ذليل=ومن جفاها خاب يوم انه جفاها
تاج راسي جعل تاجي مايميل=نور عيني جعل عيني بس تراها
دمعتك دامني حي (ن)ماتسيل=الله ينساني إذا قلبي نساها
أدعي المعبود والمولى الجليل=كل ماصليت يحفظ لي خطاها
ليتني أقدر على رد الجميل=لـ أمي الي مستحيل ألحق جزاها

قصيدة للشاعر يعقوب عقيل الشمري


تاج راسي جعل تاجي مايميل .... نور عيني جعل عيني بس تراها

تاج روسنا كلنا والله

اهنيك بسلامتها يالغالي

نازع الود

..

[بعيد خطوة]

علمني يا قلبي

والله اني فاقدك يا نجم وصرت اهوجس قلت الرجال فيه بلا يا اما تعبان والا صاير شي

الحمد الله على سلامة والدتك

وطهور ان شاء الله وجعلها ما تشوف شر

وصل سلامي لها قلها ولده فلانه يسلم عليس

[المشرف]

الف سلامه للوالده يانجم والله يخليها لكم

وشكرا لك يانازع

[حقبانية الوشم]

الحمدلله على سلامة الغاليه يانجم سهيل والله يمتعها بالصحه والعافيه
مشكور نازع الود

[عذاب]

الف الف الحمد لله على سلامتها
والله يطول بعمرها ويعافيها 0 ولا يخاليكم منها0
والله يجزاك يابو محمد خير الجزاء على قومتك ووقفتك مع الغاليه0
وقل امين عسى الله يرزقني بولدً مثلك يبر فيني الى طحت من حيلي0
وتقبل تقديري واحترامي لشخصك 0 وقبلة احترام وتقدير على راس الغاليه0

[أمير الذوق]

الحمد لله على سلاااامة الوالدة اخوي نجم سهيل وطهور إن شاء الله وما ترى باس ,,

المنتدى طافي نوووره له يومين >>ننتظرك

يعطيك العواااافي اخوي نازع وبيض الله وجهك,,

[الفيصل]

الف سلامه للوالده يانجم والله يخليها لكم

وشكرا لك يانازع

[الاستاذ مبارك الفاضل]

الحمد الله على سلامة الوالدة نم سهيل وماتشوف شرا ان شاء الله والله يمتعها بالصحة وجميع الامهات وطهور ان شاء الله وطمن عن الوالدة الله يحفظها لكم

[The_LoRd]

ألف الحمدلله على سلااامة الواااالدة أخوي نجم والله يخليها لكم ويطول بعمرها ,,,

ومشكور نازع على البادرة الطيبة الغير مستغربة من أمثاااالك ,,,

[ابوفالح]

الحمدلله على سلامة الغاليه يانجم سهيل والله يمتعها بالصحه والعافيه
مشكور نازع الود

[عياد]

الف سلامه للوالده يانجم والله يخليها لكم

[سراق القلوب]

الحمد لله على سلامة الوالده يانجم سهيل وجعله طهور إنشاء الله
ومشكور اخوي نازع على البادره الطيبه منك يالغالي

[ريـــم]

السلام عليكم ورحمة الله وبركاته
ألف حمدا لله على سلامة الوالدة اخوي نجم سهيل
ونسال الله تعالى أن يديم عليها نعمة الصحة والعافية
وان يرزقك ببرها الجنة طهور إن شاء الله واجر وعافية
وأسال الله أن يحفظ جميع أمهات المسلمين من كل سوء
" اللهم امين "
اخوي نازع الود الله يجزاك خير الجزاء على مبادرتك الطيبه

[نازع الود]

السلام عليكم

نيابتا عن نجم سهيل واللي ان شاء الله بيرجع قريب

اشكركم والله يجزيكم خير الجزاء

بعيد الخطوة
ابوفهد
حقبانية الوشم
عذاب
امير الذوق
الفيصل
استاذنا مبارك الفاضل
ذا لورد
ابوفالح
عياد
سراق القلوب
ريم

بيض الله وجيهكم
وكل امهات احبابنا واخوانا وخواتنا بالمنتدى نعتبرهن امهات لنا
وحقهن علينا كبير والله يديمهن تاج على روسنا والله لا يحرمنا من
بركتهن بينا وعسانا نكسب رضاهن


الله يطول بعمر امهاتنا الموجودات على طاعته والله يرحم المتوفيات

اشكركم

[نجم سهيل]

اخي وحبيب قلبي نجم سهيل الحمد لله على سلامة الغاليه
وجعلها ان شاء الله اخر العثرات والله يمتعها بالصحة والعافيه
تاج روسنا كلنا والله
اهنيك بسلامتها يالغالي

نازع الود

اخوي نازع
الله يسلمك واللهم أأأأأأأأمين
وبيض الله وجهك وماهي غريبه
عرفتك اخو وغالي وعزيز ومثل بالطيب
غير صفة الوفاء اللي عرفت بها اخوووووي نازع
وترا الوالده موصيتني بالسلام عليك وعلى الاهل كلهم
وانت احد ابنائها اللي تتشرف به واتشرف بان يكون اخ لي

جزاك الله خير وحفظك الله لوالديك ولاسرتك ولي ولمن يغليك
الله لايحرمنا منك
وممنون ياالغلاااااااااااااااااااااااا

[نجم سهيل]

بعيد الخطوة
ابوفهد
حقبانية الوشم
عذاب
امير الذوق
الفيصل
استاذنا مبارك الفاضل
ذا لورد
ابوفالح
عياد
سراق القلوب
ريم

يستحق كلاً منكم شكر مستقل
لان الموضوع شخصي
ولكن منكم العذر

و تااااكدو بان الاسماء التي فوووووق
هي غير عندي من قبل وجودها هنا
لانها اسماء كبيره كبيرة عقل واحساس ومسئوليه
والاااااهم (( انساااااااااااااااااااانيه))
لاهنتوا وجزاكم الله خير على مشاعركم ودعواتكم الصادقه
لوالدتي الله يعطيها الصحه والعافيه وبااااقي امهات المسلمين
وابشركم رجعت للسليل وهي بخير ان شاء الله بعد مشاكل صحيه بعد عمليه قلب
ممنون ومقدر مشاعركم والله لايريكم مكروه
وتقبلو شكري وعرفاني

[الواصل**]

معذرة على التاخر
(((((((((((((( سلامات وما تشوووف شر )))))))))))

[المجمول]

الحمد لله على سلامتها وجعلها ماتشووف شر انشاء الله وطهور والله يخليها لكم ويطول عمرها يانجم
اقر الله اعينكم بها دائما


الف شكر اخوي نازع

المجمول

[نجم سهيل]

معذرة على التاخر
(((((((((((((( سلامات وما تشوووف شر )))))))))))

مامنك قصور ياالواصل
ياهلا ومرحبا
والله يسلمك ومافي مشاعرك شك
لاهنت وتمنياتي لك بالصحه والعافيه ومن تحب

[نجم سهيل]

الحمد لله على سلامتها وجعلها ماتشووف شر انشاء الله وطهور والله يخليها لكم ويطول عمرها يانجم
اقر الله اعينكم بها دائما


الف شكر اخوي نازع

المجمول

يامرحبا بالمجمول
والله يسلمك وجزاك الله خير والله يقبل منك
ممنون لمشاعرك
وجعلك ماتشوف شر ولا من تحب
لاهنت

[سيدة الحرف]

اللهم يامالك الملك ومجري الفلك

انك تمتع ام اخونا الغالي نجم بالصحة والعافيه

ويديم عزها بين ابنائها

[نجم سهيل]

اللهم يامالك الملك ومجري الفلك

انك تمتع ام اخونا الغالي نجم بالصحة والعافيه

ويديم عزها بين ابنائها

جزاك الله خير
ورحم الله والديك
وممنون لك بهاالشعوووووور