المساعد الشخصي الرقمي

مشاهدة النسخة كاملة : يابدر 0000

ماجدبن رويه
30/08/2007, 09:03
يابدر ابن سلطان مايتجـب منـك =انـك تواعدنـي وتسحـب عليّـه
انا بشر ماني بجالس علـى بنـك= واقطع من ريالـي لـزوم الهديّـه
لوتدري العتبـان ماعـاد تمّنـك= على حلال القـوم روحـه وجيّـه
مير انتبه للنـار لاتحـرق التنْـك= وتـروح لاهـاذي ولاطلـت ذيّـه
حنا ثقال الروز في ساعة الضنـك =وانتو بعد فيكـم رجـال وحمّيـه
مير الدواسر غير ياعنـك ياعنـك =ندري عن القاضي وسر القضيّـه
وش ضيّع الياقوت في زحمة الزنك= غير الزمان وغير شاشـه وعيّـه
الرمـalram7ـح
30/08/2007, 14:51
جـزل ياماجد ولاتجيب إلا الجـزل
صـح لسـانكْ
المشرف
30/08/2007, 19:44
ماجد لا هنت على هالرائعه

الرجاجيل اللي رحبو بك هناك مارديت عليهم شكلك ناسي قامو بواجبك على اكمل وجه وانت اشغلتك الظروف اللي جاتك الله يحسن عزاكم في فقيدتكم

محبك ابو فهد
المجمول
30/08/2007, 21:12
لاهنت ياماجد على هذه القصيده ودايم مايجي منك الا الجزل

والله يحسن عزاكم في ابو عبدالله الله يرحمه ويغفر له ويجعل قبره روض من رياض الجنه وجميع المسلمين

لك الشكر


المجمول
هاب الريح
30/08/2007, 23:07
كفو يا ماجد ولا هنت لا هنت
وصح لسانك يا راعي الحميه
ماجدبن رويه
31/08/2007, 01:25
الاخ الغالي الرمح


لاهنت يالقرم على طيب الحظور




االغالي ابوفهد


الله يجبر عزانا وعزاكم في محمد بن عبدالله بن رويه


انا حاليافي مصر يابوفهد في بعثه وباقي خمس شهور الله يعين عليهاولاعندي الاّ هالنت

وابوعبدالله يرحمه كان عندي قبل مايتوفى بشهر ورحت انا وياه
لسيوط لدكتورهناك من شان رجله الله يرحمه كان يمشي ويتصدق
على ضعوف المصريين كنه داري ان اجله قريب ولك ان تعلم كم كان
حجم كان المصيبه 000 ويبقى وجه ربك ذو الجلال والاكرام00

كلنا ماتان عيال ماتان



الله يرحم اخوي وابن عمي وصديقي محمد بن عبدالله بن رويه 00امين يارب العالمين



المجمول لاهنت والله يقبل دعانا ودعاك ويرحم الفقيد برحمته انشاالله



هاب الريح

لاهنت وبيض الله وجهك على طيب الحظور
أبـــ مبارك ـــو
31/08/2007, 02:41
لاهنت ياماجد على هذه القصيده ودايم مايجي منك الا الجزل
والله يحسن عزاكم في فقيد السليل جميعا
الله يرحمه ويسكنه فسيح جناته
تقبل تحياتي
سراق القلوب
01/09/2007, 14:18
.
.
.
صح لسانك مليوووون ياماجد. .

وعظم الله الله اجركم في فقيدكم الله يسكنه الجنه. .
راعي البلهاء
06/09/2007, 09:13
مشالله قصيده جميله وونعم والله فيك وفي ربعك
غالي الأثمان
06/09/2007, 13:46
صج اللسانك اخوي ماجد ولاهنت على القصيده
عبيرالابتسامة
07/09/2007, 22:22
صح السااااانك
يعطيك العافية
لاهنت
ورنس بن نادر
10/09/2007, 06:47
الله يصح لسانك يا رويه وقصيده جزله من شخص جزل .

ثانيا الله يحسن عزاكم في صديقي محمد بن عبدالله رحمه الله . قابلته مررررره قبل عشره شهور وكان خفيف نفس ومبتسم بشوش الوجه . وهذه المره اللي اقابله فيها واعرفه وكان عز الرجال يقدر ويحترم وخفته نفسه رحم الله ابو عبدالله . واحسن الله عزاكم يا ال رويه جميعا في فقيدكم الغالي .

اخوكم : ورنس بن نادر
الولايات الامريكية
ماجدبن رويه
10/09/2007, 07:32
العالم من حولنا

لاهنت على الحظور يالقرم



سراق القلوب

ولسانك ياطويل العمر


راعي البلها

ماعليك زود يالسنافي


غالي الاثمان

لاهنت لاهنت على الحظور


عبيير الابتسامه

ولسانك 00شرفني حظورك



ورنس ابن نادر

حياك الله يابن نادر

فأنت اسما ورسما قد حزت المجد

وماكلامك الا لأصالتك وعلوهامتك




اسأل الله العلي القدير ان يوفقنا جميعا لمايحبه ويرضاه ويجزي عنا خيرا

كل من ترحّم على الفقيد محمد بن عبدالله بن رويه عسى الله ان يجمعنا واياه واياكم

في الفردوس الاعلى 00امين يارب العالمين
زايد
11/09/2007, 01:25
صح الله لسانك
ورحم الله فقيد الجميع وليس بفقيدكم يا ال رويه
رحمه الله كان من اساتذتي النبلاء الذين يمسكون بأيادي طلابهم
ويقدمون النصح قبل العقاب وفعلا استفدت الكثير و الكثير منه
falah
22/09/2007, 00:26
صح لسانك ياماجد ماشاء الله عليك ماتجيب الا الثمين من الامثال تحياتي لك خاصة
أبو ماجد
22/09/2007, 02:00
صح لسانك يا أبو مبارك والله يردك سالم وغانم


شهادتي فيك مجروحه ياتاج راسي

لكن للجميع هذه القصيدة نقطه في بحر لدى ابومبارك

نريد من يستحث هذا البحر ليرمي لنا بكنوزه في منتدانا


فالك التوفيق يا أبورغد,,
ماجدبن رويه
01/10/2007, 20:37
اخي الغالي زايد


لاعدمت تواصلك الجزل


تقبل تحياتي
ماجدبن رويه
01/10/2007, 20:39
اخي الغالي


فلاح


ابوعبدالله



تواجدك بالنسبه لي هو الاثمن

تقبل تحياتي
ماجدبن رويه
01/10/2007, 20:44
صح لسانك يا أبو مبارك والله يردك سالم وغانم


شهادتي فيك مجروحه ياتاج راسي

لكن للجميع هذه القصيدة نقطه في بحر لدى ابومبارك

نريد من يستحث هذا البحر ليرمي لنا بكنوزه في منتدانا


فالك التوفيق يا أبورغد,,



مشرفنا وصاحب القلم الذهبي ابوماجد



تاج راسي انت لاعدمتك --



ومشكور على الاطراء الذي لااستحقه



تقبل تحياتي
ساميو999
27/01/2008, 19:51
السلام عليكم ورحمة الله وبركاته
ابو مبارك يعجبني قصيدك لذى ان مستعد
ان اسويلك موفع خاص بقصيدك وتنزل فيه كل جديد
لأنك تستاهل؟؟؟؟؟؟؟؟؟؟؟؟؟؟؟؟؟؟؟؟
صادق الود
28/01/2008, 12:35
.
صح لسانك ياماجد. .

وعظم الله الله اجركم في فقيدكم الله يسكنه الجنه. .
مجروح الزمن
28/01/2008, 20:49
صح لسان أخوي ماجد على القصيدة الجميلة

تقبل مروري

مجروح الزمن