المساعد الشخصي الرقمي

مشاهدة النسخة كاملة : المرقــــوق يابدورة

الواثقه
26/01/2002, 10:26
السلام عليكم ورحمة الله إليكم هذا الطبق وان شاء الله يحوز على رضاكم.

المرقــــوق

المقادير
1- للعجيــن:-
5 أكواب طحين
ماء ملح

2- للمرقوق...
كيلو لحم بالعظم
5 حبات باذنجان صخيرة

خمس حبات من الطماطم الكبيرة
تقدر تقريبا
بصلتان
رأس ثوم
الطريقة....
1- العجين
يعجن العجين في وعاء كبير ويضاف اليه الملح والماء تدريجيا ويعجن حتي يشكل لك عجينه قابلة للرق.
تقطع العجين الى قطع صغيرة وترق دوائر رفيعه جدا
يصف رقائق العجين في وعاء واسع ويرش بالطحين حتى لايلتصق
صنع المرق:-
- يقطع اللحم ويضاف إليه البصل المفروم والثوم والبهار
-يرفع اللحم فوق نار متوسطه

عندما يسخن بعد حوالي ربع ساعة يضاف اليه الطماطم المقطع والباذنجان بعد تقطيعه الى مكعبات متوسطة
يضاف اليه الملح وكمية من الماء ويترك حتى يتشكل المرق
المرقوق..
يخبز المرقوق تماما مثل خبز التنور.. على اليدين الى أن تكبر العجينة بشكل دائري.. وتوضع بعد ذلك فوق المرق وتترك لمدة 10 دقائق وبعد ذلك تحرك بالملعقة الخشبو ومن ثم تكرر العملية على باقي قطع العجين .. وتترك تستوي بالمرق... لربع ساعه أو لنصف الساعه تقريبا . . على نار هادئة
وبالهناء والشفـــــاء
عبادي
26/01/2002, 13:47
اكيد الحين بدور محتاسه في المطبخة ما تدري وش تناحي المرق والا رق العجينة

يالواثقة كان عطيتيها درس اخف من هذا وبعدين تعطينها المرقوق

بس أكيد اهل بدور بينامون بدون عشى أصرف

تحياتي لك ،،،،،،،،،،،،،
اصايل نجد
26/01/2002, 14:20
ابو دحيم ....وصمخ ....:mad:

النوم بدون عشا ......((صحه))..!!

وبعدين المرقوق هذا يكلونه على الفطور والا الغدا والا العشا ...؟؟؟

إلضاهر تصبيره بين وجبتين ...:rolleyes:

عزيزتي الواثقه من نفسك ... مشكووووره بس ياليت المره الجايه تخفين علينا ...

تبدأين بشي خفيف .. مرقوق عاد من اولها..
الاستاذ مبارك الفاضل
26/01/2002, 16:51
بسم الله الرحمن الرحيم

ابو عبد الرحمن /فايز /بدور /الواثقة
لابارك الله في اقتراحي الي قلت للواثقة في ردي لها على عجينة الفطيرة اعملي اكلة شعبية
ودخلتم في دوامه هنا وهناك حتى وصلتم للشاهي و و و
تبون الصحيح انا اتفرج عليكم وبعد لقد اوحيتم لي في حواركم لمشروع كتابة موضوع صحفي في جريدتي لن اعلنة لكم الان
لكن جزاكم الله خير ا اعطيتوني فكرة دون ان تخططوا لها
وخليكم في المرقوقة واذا جهزت لا تنساني يابو عبد الرحمن
والسلا م
عبادي
26/01/2002, 17:44
وعلى كذا النوم بدون عشاء صحة :D :D :D

الله المستعان ابو محمد ياخوي فايز ما رد على ها الموضوع شكلك خرفت :D :D :D
عسى ما هو من الموضوع اللي كتبة المسافر وردينا عليه اكيد المرأة شافته وصار شيء
أما الشاي وش رايك في مقاديري لفايز بس تراه مو ها الموضوع :D :D :D
والحمد لله اللي فرجتك علينا اثمرت بموضوع صحفي
وش أنساك منه من المرقوق يالله بالي فيه خير حرمتك المرة منه خذ عليه يا مال العافية والله أن تجري ورأك ولا عاد تعودها :D :D :D

على فكرة وش رايك في مذكرات ددسن

تحياتي لك ،،،،،،،،،،،،
سعود
26/01/2002, 19:14
بس مانتي سهله ياواثقة شكلك ماهرة في الطبخ

بدور الرياض شكل أبو داحم ما يستاهل منك كل هذا صمخ مرة وحدة الله يعينك يا ابو داحم أما المرقوق تراه وجبه رئيسية يعني يا غدى ياعشاء والغالب يسونه عشاء لا تحسبينه يابدور مثل الهمبرقر ولا شيزبرجر ولا من كنتاكي ولا هرفي لا وأنا اخوك ذا مرقوق حتى اسمه فيه رقه بس تراني أنا ما أكلها ابد

ياالسليل كيفك اخوي ياخوي وين الدوامه اللي تقول بعدين زي ما قال ابو داحم وين فايز هذا اللي ذكرت اسمه ما اشوف له رد وويش قصتك انت وأبو داحم وش سالفة المسافر والموضوع ترى شوقتونا
تتفرج عليهم لوووووووول

سعووووووووووود
الاستاذ مبارك الفاضل
26/01/2002, 20:06
بسم الله الرحمن الرحيم

مساك الله بالخير ابو عبد الرحمن
خرفت مقبولة منك 0المهم اكون الكبير وتفسحون في المجلس
اما المرقوقة تصدق واقسم لك بالله اني قبل عشر دقائق ماكل مرقوقة وفي البيت ومن صنع ام محمد
حرام عليك 0تراها يمكن تدخل للموضع لاتحرجنا وبعدين ماتشوف اني اتحاشا الدخول في نقاش من هذا النوع
تصدق موضع المسافر اطلعت علية وقلت هذا المسافر
واللى بعدين اخبرك بيني وبينك يا ابو عبد الرحمن
اما مقاديرك في الشاي تراني غشيم حتى ايام العزوبية والدراسة كان اخي هو المؤل عن الطبخ وما يتعلق بة
والسلام
اصايل نجد
26/01/2002, 21:28
ااااه..
قلت لي اخ سعود .... وانا افكرها تصبيره ....

بس كيف هل هي رقيقه وخفيفه على المعده ..زي اسمها ..؟؟

على العموم نجربها ... ونشوف ..

بس عندي سؤال ..هل من الممكن ان اقدمها مع الشاي .. والا القهوه احسن ...؟؟؟ ياليت احد يجاوبني بسرعه .. :rolleyes:

اعتذار.. لأبو عبد الرحمن على كلمة ((صمخ )) ... :cool:
المولع
26/01/2002, 22:51
الله الله مرقوق من ذو مبطي عن المرقوق أبو عبد الرحمن تكفى دورلي أبي وحده تسوي لي المرقـــــوق ياخوك النا صح أ .هـــــــمك ولا أزهم الذيب ياخوك الجريح يابعد قلبي تراني مانسيتك أنت والجنوبي
فابز الله الشرقيه والشرافي لاتسوني من المرقوق:D :D :D :D

مشكوووووووووره أختي الواثقه على المقادير الممتازه
الواثقه
27/01/2002, 14:01
ابو عبد الرحمن... اشكرك والله يعين اهل بدور عليها.

بدور... اهلا عزيزتي تدرين المرقوق متى ياكلونه الصبح على الريق مع كوب شاي ولا احلى ...
وبعدين ابشري وش الاكله الخفيفه اللي تبغيني اعلمك هيه ...

السليل.. والحمدلله انك استفدت من مشاركاتي .. لطرح مواضيع ومقالات في جريدتكم ..

سعود ..مشكووور ويعطيك العافيه

المسافر ... العفو اخوي ... وياليت تعجبكم المقادير

امنياتي لكم ...