الوقـت بـرّد والوظايـف مقاضيـب +++ ياحيلت الله وش ورى بـذل الأسبـاب

[فهد الفحيل]

في هذه الأيام من تولع بالمقناص تتحرك الأشوق عنده مثل شوق المحب لحبيبه
وأسمحولي بهذه المتواضعه وهي تعبير عما بداخلي هذه الأيام
الوقـت بـرّد والوظايـف مقاضيـب +++ ياحيلت الله وش ورى بـذل الأسبـاب



وقلـب ياللـي شّوقتـك الهباهـيـب +++ مالك عن المكتـوب ياقلـب مجنـاب



أنا أدري أنك في هوى طارت الجيـب +++ تسرح وتضوي مع عريبين الأ نسـاب



في وسـط جـوِ ماوطيبـه ولا ليـب +++ برده جليـد وحومتـه تسلـب الـداب



مشاجرٍعشـبـه ونبـتـه محـاديـب +++ ترتعبـه الحـذرات ماهيـب هيـاب



يلقابـه القنـاص سجـه وترحـيـب +++ من غير صدق الطلع ميزات الأصحاب



ربعٍ حداهـم لانهـض كنـه الذيـب +++ سد اللزوم وحكمته تعجـب أعجـاب



ماهوب طعطاعِِ قريـب المحاضيـب +++ مثبـور بدنـا هرجـتِ فيـه يرتـاب



مذربِ خدمي وعجـلِ علـى الطيـب +++ يحرف على نـارِ للجـواد محضـاب



ودلال رسـلانِ عليـهـا مصالـيـب +++ يطربلهن عقب التعـب كـل شـراب



وحضـور شبـانِ توفـي المطاليـب +++ وشيبِ خذو من درس الأيام بحسـاب



يـومِ مقيمـيـنِ ويــومِ معـازيـب +++ ماسجلـو بعـض المواعيـد بكتـاب



سقـوى لياهـدو طيـور المطاليـب +++ وحمي المزايد بين عكفـان الأشنـاب



اللي فعل طيـره وصفـى المشاريـب +++ واللي قلع طيـره بعيـدات الاطـلاب



واللي يعط الصوت فـوق المراقيـب +++ واللي يقصص هـاربٍ تـو ماغـاب



هذاك شفـي مـع جميـع المواجيـب +++ وكـلِ علـى شفـه يفصلـه ثـيـاب
منقول للفائدة ارجو عدم نقل القصيدة لانها خاصة بالطلعات البرية وشكرا