@شيخه ابا عن جد
25/12/2006, 16:53
السلامـ عليكمـ ورحمه الله وبركاته
احببت ان اشارك بقصه خالده سمع بها الكثير من الناس واشتهرت بوقتها
وهي قصه:( محمد وابنه دباس )
محمدابو دباس من اهل بلدة (العوده) من بلدان سدير في نجد ضاقت به الدنيا ذرعآ بعد رحيل
ابنه (دباس) طلبآ للرزق فقد طالت غربة (دباس) لأكثر من ( 8 سنوات )عانى خلالها والده
الكثير من مضايقات قومه واعتدائهم عليه بالاقوال والافعال حيث قالوا فيه ما يندى به الجبين
ويمس الكرامه وقطعوا الماء عن نخيله! فأصبح يعاني الامرين غياب ابنه والاحتقار في ديرته!
فأخذ يتجنب الناس وعاش وحيدأ ولا يكلم احدآّ!
وفي ليلة كان الحزن والضيم اصبحوا من رفاقه كتب قصيده وارسلها مع احد المسافرين لديرة
ابنه ,, اختلف الرواه في تحديد مكان ابنه فمنهم من قال انه في العراق ومن من قال انه في عمان او ايران00 والقصيده كالتالي:
ياونة ونيتها من خوى الراس=من لاهب بالكبد مثل السعيره
ونين من رجله غدت تقل مقواس=ويون تالي الليل يشكي الجبيره
ويا حمس قلبي حمس بن بمحماس=ويا هشم حالي هشمها بالنجيره
ويا وجد حالي ياملا وجد غراس=يوم اثمرت واشفا صفى عنه بيره
من ثمر قلبي سرا مع هجعه الناس=متنحر درب عسى فيه خيره
الله يفكه من بلا سو الاتعاس=ومن شر عبثات الليالي يجيره
في ديره تقطعت عنه الارماس=سبعين يوم للركايب مسيره
لا والله حال من دونه الياس=حط البحر والبر دون الجزيره
يالله ياللي رد من عقب ما ياس=يوسف على يعقوب وابصر نظيره
ترد علي دباس يا محصي الناس=ياعالم ما بالخفاء والسريره
يا دباس انا بوصيك عن درب الادناس=ترى الذي مثلك يناظر مسيره
عليك بالتقوى ترى العز يادباس=في طاعة الله ما ينجيك غيره
هذي ثمان سنين من رحت يا دباس=لا رسالة جتني ولا من بريره
يادباس من عقبك ترى البال محتاس=وعليك دمع العين حرق نظيره
وعليك كني في دجا الليل حراس=اصبح على حيلي وعيني سهيره
اصبح انا ما بين طاري وهوجاس=وطواري تطري علينا كثيره
مثل الوحش قلبي على كف حباس=يكفخ كما طير سبوقه قصيره
ويقال خلا عيلته عنز الراس=اقفى وخلا عيلة له صغيره
والا فانا يابوك قطاع الارماس=ماني بمثبور ورجلي كسيره
آصلك لو دون نبا حمر الاطعاس=الصلب والصمان دروب عسيره
مهالك مدارك ما بها اوناس=الا الثعل والبوم تسمع صفيره
لو كنت في نزوى وديرة بني يآس=اهل الموازي والوجيه الغبيره
عبادة الاصنام شرابة الكاس=الخمر والتنباك فيها وغيره
لركب على وجنا من الهجن عرماس=فجا النحر يادباس حمرا الظهيره
متروسة الفخذين مزبورة الراس=كن الخلاص عيونها يوم اديره
أو شبه ربداتخفق للاوناس=وان رفعت جنحانها مستذيره
تنشر من العوده على نور الانفاس=عند الفجر والليل مقفي مريره
والعصر بالصمان تسمع لها اضراس=حبل الرسن خطر تبتر جريره
نهار ثالث بين حمى الاوراس=ووره يمينك حعلها لك سفيره
ثم اركب ساجيه تقلب الراس=تمشي باهلها فالبحور الغزيره
الى مسقط الفيحاء بها الخير محتاس=لولا الكفر والشرك واوي ديره
عز الله انها ديره مالها اجناس=لولا بها يعبد مع الله غيره
لولا بها يشرك علي وعباس=وايضآ بها الفاروق سبه بريره
فيها الطبيخ وراهي الخبز يادباس=يقعد خوى الراس خنة خميره
هي ديرة اللي باغي كيفة الراس= ولا احد همه من الناس غيره
هيس ولد هيس للمواعين لحاس=يفرح ليا نيدي لذبح النحيره
وماقفك ذا يادباس مافيه نوماس=يصلح لقينن مهنته طق زيره
ترى الفداوي دون وانشد الناس=راعيه ما يذكر بمدح وغيره
ماله سوى طق الحنك منه والياس=وليا انقطع خرجه فلا له ذخيره
طلب المعيشه بالحراثه والاجناس=المشترى والبيع يوصف وغيره
قم انهض العيرات مع كل فراس=يادباس دور خير تستشيره
جدك وعمانك هل العز والباس=اهل اللوازم مكملين القصيره
يادباس ما يصبر على البق والحاس= الا الذي ماله بنجد عشيره
واليو يامروي شبا كل عباس=انت الرجاء ياكعام وجه المغيره
عشرين عام كلها ارجيك يادباس=مثل الغرير اللي تولع بطيره
عد المناكب هيلع فرخ قرناس=يمناه في لطم الحباري شطيره
عانق خلوج روحت عقب مرواس=عند العصير لبيضها مستذيره
والليل جاها وحال من دونها الياس=روحه على فرقاه فرت فريره
يادباس انا يابوك مانيب بلاس=مير ان عيلات الرفاقه كثيره
جنبت وسط السوق وامشي مع الساس=واخذ شوي الحق واترك كثيره
يادباس لو جبت من دحب الاكياس=مختلفة مابين رز وليره
مالي بها ياجعلها بالف قباس=ياجعلها تنفد ولوهي كثيره
يادباس قلبي كل ماهب نسناس=شرقيه هبة بقلبي سعيره
الحال يافرز الوغى مسه الباس=عليك يانطح وجيه المغيره
وغصون قلبي يا فتى الجود يباس=غادي انا يابوك كني هشيره
من شافني يقول ذا فيه لساس=واللي برى حال الهي خبيره
لا وعلا من قبل غوال الانفاس= ومفارق الدنيا يجينا بشيره
عسى يطق الباس والناس غطاس=ياوالي القدره عليك تعبيره
وصلاة ربي عد ما هب نسناس=على النبي عده حقوق المطيره
وبعد مده قصيره رد (دباس) على ابيه بقصيده وارسلها له يقول فيها
حي الجواب اللي لفاني من الراس=جابه غلام ما توانى بمسيره
اهلا هلا عداد ماحبك قرطاس=او ماكتب فوقه بيوت شطيره
جواب منهو لي مود من الناس=ابوي مايوصف حلي لغيره
فرز الوغى كنه على الوكر قرناس=قروم ربعه كلها تستشيره
دليل عيرات ليا هب نسناس=ثم ادلهم الجو ومابه ذخيره
مهفي الغنم لاهل الركايب والافراس=لا روحوا له فلا عليهم قصيره
راعي معاميل بها العبد جلاس=للبن يشري للسنين العسيره
هاذي بمركاها وهاذي بمحماس=وهذا يصبه للوجيه السفيره
وخلاف ذا ياراكب فوق عرماس=مامونة من نقوة الهجن عيره
حمرا وهي في سنها وقم الاسداس=متوسط لا فاطر ولاهي صغيره
ماهي لحوح راكبه بالعصا قاس=حرم عليها غير شيل النقيره
والخرج هو وبيوت قيل بقرطاس=مع مزهب الايام ماهي كثيره
وفوقه غلام منوته قطع الارماس=لو هي بليل ما تغير نظيره
وليا لفيت الدار اجهر بالاحساس=وبلغ سلامي كل ذيك العشيره
واختص ابوي اللي نفل جملة الناس=وخصه بعلم وقل تراني بشيره
لا يا نقى العرض يابوي لا باس=ان كان تشكي الضيم فانا اسيره
وان سايلك عني فتراني بنوماس= وانا احمد الله ما توسلت غيره
الحمد لو يشرى شريناه بأكياس=باموالنا نرخص ندور الستيره
مطرق فرنجي مضاريبه الراس=ومصلبخ جبته عساني ذخيره
من صنع نصراني مشروبه الكاس=يذكر ورى جاوه بعيد مسيره
ابغيه للي حادينك على الساس=اهل النمايم والحكايا الكثيره
ربع نووا فيك الردى والتخساس=مهبول ياللي قال غايب عشيره
علي دين لاودع الجمع ينحاس=لين العشير يقوم يلعن عشيره
يابوي انا مارحت لكيفة الراس=مع ذا ولاني في سفاه وغيره
اما سكنا الدار من غير هوجاس=ولا نعاف الدار ونشوف غيره
كله العينا قلت يادباس=تشكي وانا دوني بحور غزيره
خذ لك يمين الشرع قطاع الانفاس=انه فلا جتني علوم بصيره
لانيب جاني ولا حبر بقرطاس=ايضا ولا جتني علوم سفيره
ان كان تشكي الضيم يابوي لاباس=جاك الفرج يابوي هو والبريره
ولا فانا يابوي قطاع الارماس=اصبر على الشده ولو هي عسيره
يا مسندي يابوي شف اوكد الناس=ثم انشده قل ويش هو مسيره
ان كان ما يفرح صديقك بنوماس=تحرم علينا اللي نهوده صغيره
مدلول مجهول زها زين الالباس=بنت الذي يثني ليا جت الكسيره
طاري يقول اظهر وطاري بجلاس=وقمت اشرب التنباك واثره نكيره!
ابغي عسى الله يبرد القلب ياناس=من لاهب شيت بقلبي سعيره
ومن كان له غايب فلا يقطع الياس=ان قدر الله جاب علمه بشيره
وفي طلوع فجر احد الايام بعد ارسال القصيده رأت اخته الماء يتدفق في نخيل ابيها
فذهبت تخبر ابيها (ابو دباس) فصاح فرحآ لقد عاد ابني دباس!!
وكان في بعض الماء بعض من الدم فقال ابيها هذا دم من اهانوني في غيابه
وبالفعل صدق حدس الوالد بقدوم دباس وصدق ظنه الذي لم يخيب في ابنه00
فقرت عينه وانزاح همه بوجود ابنه وساعده الايمن,,,,
اتمنى من لم يقراء هذه القصه من قبل ان يستمتع بها00
شيخه ابا عن جد
احببت ان اشارك بقصه خالده سمع بها الكثير من الناس واشتهرت بوقتها
وهي قصه:( محمد وابنه دباس )
محمدابو دباس من اهل بلدة (العوده) من بلدان سدير في نجد ضاقت به الدنيا ذرعآ بعد رحيل
ابنه (دباس) طلبآ للرزق فقد طالت غربة (دباس) لأكثر من ( 8 سنوات )عانى خلالها والده
الكثير من مضايقات قومه واعتدائهم عليه بالاقوال والافعال حيث قالوا فيه ما يندى به الجبين
ويمس الكرامه وقطعوا الماء عن نخيله! فأصبح يعاني الامرين غياب ابنه والاحتقار في ديرته!
فأخذ يتجنب الناس وعاش وحيدأ ولا يكلم احدآّ!
وفي ليلة كان الحزن والضيم اصبحوا من رفاقه كتب قصيده وارسلها مع احد المسافرين لديرة
ابنه ,, اختلف الرواه في تحديد مكان ابنه فمنهم من قال انه في العراق ومن من قال انه في عمان او ايران00 والقصيده كالتالي:
ياونة ونيتها من خوى الراس=من لاهب بالكبد مثل السعيره
ونين من رجله غدت تقل مقواس=ويون تالي الليل يشكي الجبيره
ويا حمس قلبي حمس بن بمحماس=ويا هشم حالي هشمها بالنجيره
ويا وجد حالي ياملا وجد غراس=يوم اثمرت واشفا صفى عنه بيره
من ثمر قلبي سرا مع هجعه الناس=متنحر درب عسى فيه خيره
الله يفكه من بلا سو الاتعاس=ومن شر عبثات الليالي يجيره
في ديره تقطعت عنه الارماس=سبعين يوم للركايب مسيره
لا والله حال من دونه الياس=حط البحر والبر دون الجزيره
يالله ياللي رد من عقب ما ياس=يوسف على يعقوب وابصر نظيره
ترد علي دباس يا محصي الناس=ياعالم ما بالخفاء والسريره
يا دباس انا بوصيك عن درب الادناس=ترى الذي مثلك يناظر مسيره
عليك بالتقوى ترى العز يادباس=في طاعة الله ما ينجيك غيره
هذي ثمان سنين من رحت يا دباس=لا رسالة جتني ولا من بريره
يادباس من عقبك ترى البال محتاس=وعليك دمع العين حرق نظيره
وعليك كني في دجا الليل حراس=اصبح على حيلي وعيني سهيره
اصبح انا ما بين طاري وهوجاس=وطواري تطري علينا كثيره
مثل الوحش قلبي على كف حباس=يكفخ كما طير سبوقه قصيره
ويقال خلا عيلته عنز الراس=اقفى وخلا عيلة له صغيره
والا فانا يابوك قطاع الارماس=ماني بمثبور ورجلي كسيره
آصلك لو دون نبا حمر الاطعاس=الصلب والصمان دروب عسيره
مهالك مدارك ما بها اوناس=الا الثعل والبوم تسمع صفيره
لو كنت في نزوى وديرة بني يآس=اهل الموازي والوجيه الغبيره
عبادة الاصنام شرابة الكاس=الخمر والتنباك فيها وغيره
لركب على وجنا من الهجن عرماس=فجا النحر يادباس حمرا الظهيره
متروسة الفخذين مزبورة الراس=كن الخلاص عيونها يوم اديره
أو شبه ربداتخفق للاوناس=وان رفعت جنحانها مستذيره
تنشر من العوده على نور الانفاس=عند الفجر والليل مقفي مريره
والعصر بالصمان تسمع لها اضراس=حبل الرسن خطر تبتر جريره
نهار ثالث بين حمى الاوراس=ووره يمينك حعلها لك سفيره
ثم اركب ساجيه تقلب الراس=تمشي باهلها فالبحور الغزيره
الى مسقط الفيحاء بها الخير محتاس=لولا الكفر والشرك واوي ديره
عز الله انها ديره مالها اجناس=لولا بها يعبد مع الله غيره
لولا بها يشرك علي وعباس=وايضآ بها الفاروق سبه بريره
فيها الطبيخ وراهي الخبز يادباس=يقعد خوى الراس خنة خميره
هي ديرة اللي باغي كيفة الراس= ولا احد همه من الناس غيره
هيس ولد هيس للمواعين لحاس=يفرح ليا نيدي لذبح النحيره
وماقفك ذا يادباس مافيه نوماس=يصلح لقينن مهنته طق زيره
ترى الفداوي دون وانشد الناس=راعيه ما يذكر بمدح وغيره
ماله سوى طق الحنك منه والياس=وليا انقطع خرجه فلا له ذخيره
طلب المعيشه بالحراثه والاجناس=المشترى والبيع يوصف وغيره
قم انهض العيرات مع كل فراس=يادباس دور خير تستشيره
جدك وعمانك هل العز والباس=اهل اللوازم مكملين القصيره
يادباس ما يصبر على البق والحاس= الا الذي ماله بنجد عشيره
واليو يامروي شبا كل عباس=انت الرجاء ياكعام وجه المغيره
عشرين عام كلها ارجيك يادباس=مثل الغرير اللي تولع بطيره
عد المناكب هيلع فرخ قرناس=يمناه في لطم الحباري شطيره
عانق خلوج روحت عقب مرواس=عند العصير لبيضها مستذيره
والليل جاها وحال من دونها الياس=روحه على فرقاه فرت فريره
يادباس انا يابوك مانيب بلاس=مير ان عيلات الرفاقه كثيره
جنبت وسط السوق وامشي مع الساس=واخذ شوي الحق واترك كثيره
يادباس لو جبت من دحب الاكياس=مختلفة مابين رز وليره
مالي بها ياجعلها بالف قباس=ياجعلها تنفد ولوهي كثيره
يادباس قلبي كل ماهب نسناس=شرقيه هبة بقلبي سعيره
الحال يافرز الوغى مسه الباس=عليك يانطح وجيه المغيره
وغصون قلبي يا فتى الجود يباس=غادي انا يابوك كني هشيره
من شافني يقول ذا فيه لساس=واللي برى حال الهي خبيره
لا وعلا من قبل غوال الانفاس= ومفارق الدنيا يجينا بشيره
عسى يطق الباس والناس غطاس=ياوالي القدره عليك تعبيره
وصلاة ربي عد ما هب نسناس=على النبي عده حقوق المطيره
وبعد مده قصيره رد (دباس) على ابيه بقصيده وارسلها له يقول فيها
حي الجواب اللي لفاني من الراس=جابه غلام ما توانى بمسيره
اهلا هلا عداد ماحبك قرطاس=او ماكتب فوقه بيوت شطيره
جواب منهو لي مود من الناس=ابوي مايوصف حلي لغيره
فرز الوغى كنه على الوكر قرناس=قروم ربعه كلها تستشيره
دليل عيرات ليا هب نسناس=ثم ادلهم الجو ومابه ذخيره
مهفي الغنم لاهل الركايب والافراس=لا روحوا له فلا عليهم قصيره
راعي معاميل بها العبد جلاس=للبن يشري للسنين العسيره
هاذي بمركاها وهاذي بمحماس=وهذا يصبه للوجيه السفيره
وخلاف ذا ياراكب فوق عرماس=مامونة من نقوة الهجن عيره
حمرا وهي في سنها وقم الاسداس=متوسط لا فاطر ولاهي صغيره
ماهي لحوح راكبه بالعصا قاس=حرم عليها غير شيل النقيره
والخرج هو وبيوت قيل بقرطاس=مع مزهب الايام ماهي كثيره
وفوقه غلام منوته قطع الارماس=لو هي بليل ما تغير نظيره
وليا لفيت الدار اجهر بالاحساس=وبلغ سلامي كل ذيك العشيره
واختص ابوي اللي نفل جملة الناس=وخصه بعلم وقل تراني بشيره
لا يا نقى العرض يابوي لا باس=ان كان تشكي الضيم فانا اسيره
وان سايلك عني فتراني بنوماس= وانا احمد الله ما توسلت غيره
الحمد لو يشرى شريناه بأكياس=باموالنا نرخص ندور الستيره
مطرق فرنجي مضاريبه الراس=ومصلبخ جبته عساني ذخيره
من صنع نصراني مشروبه الكاس=يذكر ورى جاوه بعيد مسيره
ابغيه للي حادينك على الساس=اهل النمايم والحكايا الكثيره
ربع نووا فيك الردى والتخساس=مهبول ياللي قال غايب عشيره
علي دين لاودع الجمع ينحاس=لين العشير يقوم يلعن عشيره
يابوي انا مارحت لكيفة الراس=مع ذا ولاني في سفاه وغيره
اما سكنا الدار من غير هوجاس=ولا نعاف الدار ونشوف غيره
كله العينا قلت يادباس=تشكي وانا دوني بحور غزيره
خذ لك يمين الشرع قطاع الانفاس=انه فلا جتني علوم بصيره
لانيب جاني ولا حبر بقرطاس=ايضا ولا جتني علوم سفيره
ان كان تشكي الضيم يابوي لاباس=جاك الفرج يابوي هو والبريره
ولا فانا يابوي قطاع الارماس=اصبر على الشده ولو هي عسيره
يا مسندي يابوي شف اوكد الناس=ثم انشده قل ويش هو مسيره
ان كان ما يفرح صديقك بنوماس=تحرم علينا اللي نهوده صغيره
مدلول مجهول زها زين الالباس=بنت الذي يثني ليا جت الكسيره
طاري يقول اظهر وطاري بجلاس=وقمت اشرب التنباك واثره نكيره!
ابغي عسى الله يبرد القلب ياناس=من لاهب شيت بقلبي سعيره
ومن كان له غايب فلا يقطع الياس=ان قدر الله جاب علمه بشيره
وفي طلوع فجر احد الايام بعد ارسال القصيده رأت اخته الماء يتدفق في نخيل ابيها
فذهبت تخبر ابيها (ابو دباس) فصاح فرحآ لقد عاد ابني دباس!!
وكان في بعض الماء بعض من الدم فقال ابيها هذا دم من اهانوني في غيابه
وبالفعل صدق حدس الوالد بقدوم دباس وصدق ظنه الذي لم يخيب في ابنه00
فقرت عينه وانزاح همه بوجود ابنه وساعده الايمن,,,,
اتمنى من لم يقراء هذه القصه من قبل ان يستمتع بها00
شيخه ابا عن جد