المساعد الشخصي الرقمي

مشاهدة النسخة كاملة : ابنصب خيامـي للعز واقـبل الــعزا .. لروحً قــــطار الـحظ قــفا وفـاتها

فهد الفحيل
05/12/2006, 14:12
بكت حين سمعت بالخبر من خواتها .. تمنت قـبل وقت المفارق وفاتهــــا
جفت زادها من ضـيمها بارتحالهـا .. وبقت ســاهره ماتهتني في مباتهــا
ابشرح لكم يـاهل الـوفا ماجـرى لـنا .. سبـايب تقــــــاليدٍ هقـينا ممـاتـهــا
أنا هــــــايم بهــيـام وهــيام هايــمـه .. بحبي وفت لي والوفا من صفاتهــا
وعلـى غيـر ماكنـت متـوقع فـقدتهـا .. نهار اعلنوا من دون رحمه فواتهـا
يـقـولـون فاتـت يا فـتا لابــن عــمها .. من الصــــعب يالهايم تغير حياتهـا
وتمهلت ابـعرف ماجرى من لسانها .. لان العـــلوم تـــزيد فـــيها رواتهـا
وبذلت المساعي ربي اسعد بـشوفها .. واعرف الحقيقــه كلـها من شفاتهـا
ولكن رجعت اصفق كفوفي ببعضها .. نسيت ان قل خروجها من سماتها
وإذا صار وقت الضروره خروجها .. نظــرها بــماطـاها قــليل التفـــاتها
انا كيـف ابقنع نفـسي الـلي تـريـدها .. وهي شف روحي بالـحياة وغنـاتها
الا مـن يـعزيني ويـاخذ بخــاطري .. عن الجادل اللي مارضت عشق ذاتها
ابنصب خيامـي للعز واقـبل الــعزا .. لروحً قــــطار الـــحظ قــفا وفـــاتها

منقوله
المولع
05/12/2006, 23:14
تشكر يامشرفنا وصح اللسانك على النقل و قصيده ممتازه تعبر عن خافي القلب والله يعينك
احسنت الإختيار
فهد الفحيل
09/12/2006, 07:45
مرحبا فيك المولع ومسهلا ويشرفني والله مرورك ومرور امثالك
المجمول
09/12/2006, 23:42
اررررررررحب يالفحيل والله يحييك ولا هنت على الجزله والجزل عوايده الجزلات وقصيده ممتعه من شاعر ممتع ولا تبخل علينا بجديدك وعلى فكره تراك قاطع للمنتدى

تقبل مروري وتقديري
اخوووك
المجمووووول
فهد الفحيل
10/12/2006, 06:30
مرحبا بك اخوي المجهول ومسهلا والطيب مايجي منه الا كل طيب ويشرفني مرورك على القصيدة