هذه مرثية الشاعر احمد الناصر

[المتنبي]

في ابنه الشاعر محمد الذي
توفي في حادث مروري

نهار ثالث عقب عيـد رمضانـي =
ناس(ن) عطاها الله وناس محرومه


احد(ن) قضا عيده سـلام وتهانـي =
واحد(ن) توصله الكواكب همومـه


صادفت صدفه من صدوف الزماني =
منها قوي الحيـل تفتـر عزومـه


هـذا زمـان الهـم والامتحـانـي =
وقت(ن) على قلبي تعاقب سهومـه


الاولـه كامـل جميـع المعـانـي =
مزبن المضيوم شـرع الخصومـه


محمد اللـي فـي القسـا واليانـي =
عقبه سمايـا غايبـات(ن) نجومـه


والثانيه باقـرب قريب(ن)ودانـي =
خامس عيالي يوم جتنـي علومـه


قالوا مابين الخاصـره واحلبانـي =
ولدك مـات اللـي ترجـا قدومـه


جا يومه الموعود باربـع ثوانـي =
قلت السبب قالوا دنـا منـه يومـه


علم(ن) على الكبدالصخيفه كوانـي =
كيت عطـب ماتنشكـي للحكومـه


تهشمت كـل الضلـوع المحانـي =
مفجوع والمفجوع محد(ن) يلومـه


اخذت لي ساعه وانا فـي مكانـي =
حسبت لى عشرين طيحـه وقومـه


الى بغيت الهـرج يبـس لسانـي =
والذاكره عنـدي تقـول أمعدومـه


قمـت اتلفـت واتسمـع بـأذانـي =
من شاف حالـي ماتهنـا بنومـه


مما بقلبي رحـت بالليـل عانـي =
للموتر اللـي مابقـى الا رسومـه


عن روحتي ياليـت ربـي نهانـي =
ولاشفت دمه سايحن فـي هدومـه


قمـت ودفنتـه والله المستعـانـي=
في خرقت(ن) بيضاء عليه محزومه


يـم القويعيـه بـلاد اقحطـانـي =
والحر غير لون وجهـي سمومـه


واقفيت من عنده وعشـري ثمانـي =
مثل المصبـح والبـلاد امحكومـه


طاوعت نفسي مير عقلـي قوانـي =
عن الخطاء مافيه نفس امعصومـه



وسلامتكم

رحمة الله على محمد بن أحمد وجميع أخوننا المسلمين

[المصدرالثاني]

اخذت لي ساعه وانا فـي مكانـي =
حسبت لى عشرين طيحـه وقومـه


الى بغيت الهـرج يبـس لسانـي =
والذاكره عنـدي تقـول أمعدومـه


قمـت اتلفـت واتسمـع بـأذانـي =
من شاف حالـي ماتهنـا بنومـه

الله يرحم ابن الشاااعر الكبير ويكون من الصااابرين

مشكووور اخوي المتنبي على هذا النقل الذي يحرك المشاااعر

ونتذكر بهاذهي القصيده الاحبه 000

وجعلك ماتفقد غااااااالي 0
قل امييييييييين

[الرمـalram7ـح]

سلمت يالمتنبي على إتحافنا بإحدى روائع الشاعر الكبير أحمد الناصر
ورحم الله إبنه الذي آلمنا خبر وفاته .

تقبل تحياتي
الرمـ alram7 ـح ؛؛

[المتنبي]

اخذت لي ساعه وانا فـي مكانـي =
حسبت لى عشرين طيحـه وقومـه


الى بغيت الهـرج يبـس لسانـي =
والذاكره عنـدي تقـول أمعدومـه


قمـت اتلفـت واتسمـع بـأذانـي =
من شاف حالـي ماتهنـا بنومـه

الله يرحم ابن الشاااعر الكبير ويكون من الصااابرين

مشكووور اخوي المتنبي على هذا النقل الذي يحرك المشاااعر

ونتذكر بهاذهي القصيده الاحبه 000

وجعلك ماتفقد غااااااالي 0
قل امييييييييين

امين اخوي المصدر الثاني وشكرا على مرورك يالغالي ويعطيك العافيه

[المتنبي]

سلمت يالمتنبي على إتحافنا بإحدى روائع الشاعر الكبير أحمد الناصر
ورحم الله إبنه الذي آلمنا خبر وفاته .

تقبل تحياتي
الرمـ alram7 ـح ؛؛

الله يسلمك اخوي الرمح وشكرا على مرورك يعطيك العافيه يالغالي

[السباري]

اللهم أغفر له وأرحمه وأكرم نزله وثقل ميازينه ووسع مدخله
اللهم نقه من الخطايا كما ينقا الثوب الأبيض من الدنس وأغسل خطاياها بالماء والثلج والبرد
اللهم أجعل قبره نورا" من نورك وأريه منزلته في الجنه يارحمن يارحيم
اللهم أرحم موتانا وموتا المسلمين أجمعيا واللهم أجمعنا بهم في الفردوس الأعلى من الجنه.

يعطيك العافيه أخوي المتنبي واللهم الهم أهله الصبر والسلوان.