اضحك مع هذه القصيدة بالغصب ....... قصيدة الطفران [الأرشيف]

الزاهد

16/01/2002, 06:58

الايالله عفوك لامعي بيجـــر ولاجـــــوال
ولاعندي وظيفه والتجارة فاشــلاً فيــها

ولاعندى شهادات ولاحرفه تسـد الحــال
ولاحظ كبــير لاخطــة الجــــره يقديهــا

مخابي الثوب مادخلها من زمـان اريـال
بها فاتورة الكهرب ولايمديني اقضيهـا

على ذيك العراوي تتعب الحـادي مع الجـمال
ثلاثه اشهور قي الورشه وشهرين مغطيهــا

أبيها لوتجمل يوم واجلبهـا مع الــدلال
يجيها واحدا حظه مثل حظي ويشريهـا

ونصيت العسكريه يوم قالولنظام رجال
وجهزت الملف وصورة متشخص فيهـا

اخذالأوراق مني واحد ماعند ابوه إدلال
سلوم الناس واهل المعرفه والطيب مخطيهـا

قراها في دقيقه ولتفت عجل علي وقال
شهادتك العظيمه ياولد وين أنت مخفيهـا

وقمت اهز راسي ماعندي تقول إني من البنقال
وسعيت احب خشمه واطلبه ابيه والله يمشيها

ونطلها من يده شين الطبيعه والنباوالفال
وقال أحسن لك تعود صوب نوقاتك تعشيهــا

وتناوشته من الكرسي وعفت الحل والترحال
وضربته بالبيله عقب ماكملت شاهيهــا

وخذوني لسجن لانيب لاظالـم ولامحتـال
مجرد واحد جا يكحل اعيونه فيعميهـــا

وبعد ماظهرت اقفيت في ارض الله وسيع الجال
على بر الهواء يداوي العله ويبريهـــــا

ادور قطعت الجربوع والضب الفتـى المحتــال
والأرنب ياشفاة الروح محلاها وطاريها

بلا كهــرب ولاغــاز ولابيجــر ولانقــال
قوانين الحضاره لاتبي شوفـي ولأبيـها

اخــــوكــــــــم الــــــزاهــــــــــد ؟ ؟ ؟ ؟

المشرف

16/01/2002, 12:17

ممتازه يالزاهد

ويعطيك العافيه الله يرزقه رحمته المسيكين انا اشهد انها من قلبه

انا احمد الله مامعي بيجر ولا جوال رايح في خرايطها هذا مقياس الغنى عنده الله ايخلف عليه

المخلص

16/01/2002, 14:26

فعلاً قصيده رائعة وأكثر من رائعة

يالزاهد ماأكثر أمثال هذا الطفران

ياليت تعلمنا بأسمه نجمع له ماتيسر حتى يشري له بيجر وجوال ونسدد الكهرب

وندور من يلقاله وظيفه لو حتى طيار ؟ ؟ ؟ ؟:o :o :o :o :o :o :o :o

ومن طول الغيبات جاب الغنايم يالزاهد

أخوكم المخلص

الشبح

17/01/2002, 00:47

صح السانك يالزاهد000فعلا قصيده رائعه

الباسل

17/01/2002, 01:20

قصيده جميله ومضحكه

شكرا أخي الزاهد