عبدالله بن مرضي الودعاني
26/05/2006, 00:45
أحبتي منسوبي منتددانا الغالي أهدي لكم هذه القصيده لعلني أتمكن من إتحافكم بها فلا غيره هدف وغايه وكم يعنيني
هاض الخفوق وفتحنا النت وأرسلنا = رسالة(ن) ما توفي حق منهي له
مثايل تشرح احساس(ن) إبداخلنا = للي بكل إحترام أرسل لي إيميله
من خوف لاننفتن به لو يكلمنا = وهو مادرى إن ذبحنا جا في مراسيله
ما ودنا إنا لما أخفيناه فصلنا = لاكن هاض الخفوق وجاب تفصيله
وقلنا على الله في نشره توكلنا = وبعد إذن جمهوري أوجه كلامي له
للغالي اللي عرف يرسم تعاملنا = بأسلوب فن(ن) جميل أخطر من الحيله
يازين ياللي لك أعلنا تنازلنا = وضحيت لجلك ومن غيرك إنضحيله
هل تعلم إنا عشقناك وتمشكلنا = وأسلوبك العذب صادتنا محابيله
وإنا من العشق قد تبنا وهونا = وقلوبنا عادها خضر(ن) وتوميله
وخليتنا ننقض اللي للعرب قلنا = إنا كبرنا على العشق وعلى جيله
وهل تعلم أنك أول إنسان(ن) يغربلنا = ولا قبلك أحد(ن) تبنا الفكر حبي له
وإنك أول إنسان في عهده تعلمنا = طعم الوداد الحصحيح وطعم تمثيله
وإنك أول إنسان عذبنا ودلعنا = وإنك أول إنسان تسحرنا تعاليله
وإنك أول إنسان لو يخطي تجاهلنا = ماصار منه وجزاه إنزيد تدليله
واللي يحليك لا أخطينا تحملنا = ورضاك ما تسطيع النفس تأجيله
ولا قبلك أحد(ن) بخلقه لا تأملنا = غضب على العين تعجب به وتغضيله
ومن قبلك ابكا النواظر يوم ودعنا = وصرنا نعشق الدروب اللي أتوديله
ما ضني أنساك لو حتى تقاطعنا = ولاعقبك أحد بهذا الشكل بصفيله
واليوم من دون رغبتنا لك أعلنا = السالفه من بدايتها إلى الليله
من شأن نطلع بعذر ولا تحملنا = حمل(ن) من الشوق ما نقدر على شيله
وإنا علينا الوفى والله يجملنا = يامن جميلك سبق ذكره وتجليله
وأن شفتنا ماعرفنا العدل عدلنا = وياشوق مثلك يسر النفس تعديله
أهم شي إنك ماتقطع تواصلنا = وبستان الأحباب ما نفقد محاصيله
وإن كان قولة حليلك ما تزعلنا = والله إنك أجمل صغير أقول ياحليله
لكم جميعاً الود والورد من محبكم الشاعر | عبدالله بن مرضي الودعاني
هاض الخفوق وفتحنا النت وأرسلنا = رسالة(ن) ما توفي حق منهي له
مثايل تشرح احساس(ن) إبداخلنا = للي بكل إحترام أرسل لي إيميله
من خوف لاننفتن به لو يكلمنا = وهو مادرى إن ذبحنا جا في مراسيله
ما ودنا إنا لما أخفيناه فصلنا = لاكن هاض الخفوق وجاب تفصيله
وقلنا على الله في نشره توكلنا = وبعد إذن جمهوري أوجه كلامي له
للغالي اللي عرف يرسم تعاملنا = بأسلوب فن(ن) جميل أخطر من الحيله
يازين ياللي لك أعلنا تنازلنا = وضحيت لجلك ومن غيرك إنضحيله
هل تعلم إنا عشقناك وتمشكلنا = وأسلوبك العذب صادتنا محابيله
وإنا من العشق قد تبنا وهونا = وقلوبنا عادها خضر(ن) وتوميله
وخليتنا ننقض اللي للعرب قلنا = إنا كبرنا على العشق وعلى جيله
وهل تعلم أنك أول إنسان(ن) يغربلنا = ولا قبلك أحد(ن) تبنا الفكر حبي له
وإنك أول إنسان في عهده تعلمنا = طعم الوداد الحصحيح وطعم تمثيله
وإنك أول إنسان عذبنا ودلعنا = وإنك أول إنسان تسحرنا تعاليله
وإنك أول إنسان لو يخطي تجاهلنا = ماصار منه وجزاه إنزيد تدليله
واللي يحليك لا أخطينا تحملنا = ورضاك ما تسطيع النفس تأجيله
ولا قبلك أحد(ن) بخلقه لا تأملنا = غضب على العين تعجب به وتغضيله
ومن قبلك ابكا النواظر يوم ودعنا = وصرنا نعشق الدروب اللي أتوديله
ما ضني أنساك لو حتى تقاطعنا = ولاعقبك أحد بهذا الشكل بصفيله
واليوم من دون رغبتنا لك أعلنا = السالفه من بدايتها إلى الليله
من شأن نطلع بعذر ولا تحملنا = حمل(ن) من الشوق ما نقدر على شيله
وإنا علينا الوفى والله يجملنا = يامن جميلك سبق ذكره وتجليله
وأن شفتنا ماعرفنا العدل عدلنا = وياشوق مثلك يسر النفس تعديله
أهم شي إنك ماتقطع تواصلنا = وبستان الأحباب ما نفقد محاصيله
وإن كان قولة حليلك ما تزعلنا = والله إنك أجمل صغير أقول ياحليله
لكم جميعاً الود والورد من محبكم الشاعر | عبدالله بن مرضي الودعاني