المساعد الشخصي الرقمي

مشاهدة النسخة كاملة : ونعم بالدواسر من قبيلة العجمان

احبكم يالدواسر
20/05/2006, 13:46
في البدايه اتشرف في الدخول الى منتدي الدواسر الغالى على واحب ان اتقدم بخالص الشكر والتقدير لشيوخ الدواسر على كافة المناطق من شيم المراجل ويعطيكم رب الكون العافيه

اخواني اطلب منكم المساعده في موضوع هو (( هل العائله الحمر تنتسبب )) الى الدواسر ارجو التوضيح على شان موضوع زواج وانا اتواجد خارج الخليج ود يالربع التوضويح وللعلم من سكان المنطقة الشرقيه عائله الحمر هل هم من قبيلة الدواسر او لا

يعطيكم العافيه ولاهنتوا .

فلاح العجمي
البرق اللامع
20/05/2006, 20:50
مساء الخير 000 لوسمحت وش بعد الحمر 000أو وينهم ساكنين00 حدد وهات بعض المعلومات الي تعرفها عنهم000 تـــ البرق اللامع ـــــحياتي لك00
عبدالله بن مرضي الودعاني
21/05/2006, 01:44
مرحبا بك يامحبنا ونحن لك محبين ايضاً ومن ناحية سؤالك فلا نريد ان نظلم احد فكما تعلم ان الناس كثرت وصارت تنتسب بأسماء العائلات فياليت كما طلب اخي قبلي تسأله عن القبيله التي ينتسب لها وعن شيخ قبيلتهم اللي يعرفون من عنده وابشر بسعدك نحن هنا متابعين موضوعك ان شئت ان تعود لنا بما طلبنا منك 0000 لك الود والورد من محب الجميع ابوطلال
احبكم يالدواسر
21/05/2006, 16:08
يعطيك العافيه بوطلال بس الى اعرف عنه الحمر الدوسري من المنطقة الشرقيه
وعلى ماعتقد اسم الشيخ التابعه له حمد بن راشد (( منطقة الدمام ))

لاهنت
المحتار
21/05/2006, 16:28
السلام عليكم ورحمة الله وبركاته ..

حياك الله اخوي فلاح ومعليك زود يالطيب

من ناحية الاستفسار ان شاء الله يفيدونك الاخوان .. لاني انتمي الى قبيلة شراحيل..

هذا ولك مني التقدير والاحترام,,

أخوك / خلوفه شراحيلي - صامطه
احبكم يالدواسر
21/05/2006, 16:29
لاهنت على مروك ومشاركه
البرق اللامع
21/05/2006, 17:49
أخوي (أحبكم يالدواسر) مافيه كلمة شكر للبرق000هذا حقي ماخليت أحد إلا سألته000لكن نتحملها ذالمرة00عشانك ضيف جديد00وغريب في نفس الوقت000
احبكم يالدواسر
22/05/2006, 10:16
يعطيك العافيه اخوي البرق ، واعذرني يالغالى والسموحه ولاهنت على جهودك

اكرر اسفى لك ولشخصكم الكريم
أشلاء قلب
22/05/2006, 10:27
الحمر مدري الخضر اول مره اسمع عنهم
واعتقد انهم من الشرحيل اللي بصامطه !
احبكم يالدواسر
22/05/2006, 13:05
يعطيك العافيه اخوي ولا اعتقد انك ترضا احد يهاجم اسم القبيله التى تنتمي اليه
الحـــوت
22/05/2006, 13:32
السلام عليكم ورحمة الله وبركاته ..

حياك الله اخوي فلاح ومعليك زود يالطيب

من ناحية الاستفسار ان شاء الله يفيدونك الاخوان .. لاني انتمي الى قبيلة شراحيل..

هذا ولك مني التقدير والاحترام,,

أخوك / خلوفه شراحيلي - صامطه

يا اخي المحتار الاخوان متحمسين وجادين
وندور على اصل المعاريس وانت جاي تنكت وتستهبل
احترم القبايل يا اخا العرب
الحـــوت
22/05/2006, 13:35
الحمر مدري الخضر اول مره اسمع عنهم
واعتقد انهم من الشرحيل اللي بصامطه !

لقد جبت بهتانا وزورا
الحـــوت
22/05/2006, 13:40
ونعم بالدواسر من قبيلة العجمان

ابي اعرف وش جاب الدواسر وحطهم من العجمان يالضيف العزيز ؟؟؟؟؟

والاعضاء ما منهم احد لاحظ هذي
احبكم يالدواسر
22/05/2006, 13:45
مشكور يالغالى على اهتمامك والظاهر انه ماحد يعرف من الاخوه بالمنتدي
يعطيكم العافيه يالكواسر
بنتكم
23/05/2006, 03:09
والله صدقت ان فيه قبيلة اسمها شراحيل
عديل الروح
23/05/2006, 03:31
أسمع يأخوي طال عمرك أن كنت تبغا الحمر الي هو ساكنين بالوادي طال عمرك فهم قبيلة الشكرة.....من الدواسر
ويتفرع منه فخذ يسمى ال جعثنى ......وأيضا تحضرني قصيدة الأنولكن لا أذكرها وسوف أجلبها لك ومن شيخوهم...
ابن هذال...وهو أكرم كريم في الجزيرة العربية وهذا معروف ومشهود له.....
.....وأيضا ابن دلهان..........الي منهم الشاعر برجس بن شايع
.....
عبدالله بن مرضي الودعاني
23/05/2006, 18:16
الاخ الحوت شديد الملاحظه حيال قول احبكم يالدواسر ( الدواسر من العجمان ) نحن لاحظناها ولكنها واضحه هو يريد يوقول بيض الله وجيهكم يقولونه العجمان 000 بس خانه التعبير الرجال من كثر تفكيره في الحمر وعسا ماهوب ازرق000

اخوي احبكم يالدواسر ان كنت عجمي فعلاً وتريد الجديه فلا تسأل اكثر مما سألت فلن تجد من يعترف بهذا الاسم وان كنت مجرد سأئل غير مهتم بالإجابه فلك ان تتذكر قول رسول الله ( من أتاكم من ترضون خلقه ودينه فزوجوه )
احبكم يالدواسر
24/05/2006, 10:27
يعطيكم العافيه اخواني بالمنتدي ومشكورين وبصراحه خانني التعبير والنعم بالدواسر ولاهنتوا

وعلى ماعتقد ماحد قادر يتعرف على اسم الحمر هل هو منكم اقصد من الدواسر اولا على العموم الف ميلون كلمه شكرا لكل من اجتهد منكم ، وكلامك صحيح ياخوي عبدالله ونعم بالدواسر من قبيلة العجمان الى قبيلة الدواسر

والموضوع وحسب ماراه بان لا احد يعرف اسم فخذ الحمر

لاهنت ياخوي على مجهوداتكم مره ثانيه
نازع الود
25/05/2006, 03:22
هلا بك اخي احبكم يالدواسر

ونحنو ايضا نحب من يحبنا

انا من المنطقة الشرقيه ومع الاسف لم اسمع بهذا الاسم ينتمي لقبيله الدواسر

لكن هناك عائلة تسكن مدينة الاحساء واصلها من الاحساء ايضاء ويطلق عليها الحمر لكنها لاتنتمي للدواسر

وهي عائلة صغيرة اي عدد افراد اسرتها قليل

اذا كانت هذه العائلة التي تقصد

وللمعلومية هم لايعرفون الشيخ حمد بن راشد

هذا ما استطع ان ابحث عنه

واذا وصلتني معلومات جديده سوف افيدك بها


شكرا لك اخي