المساعد الشخصي الرقمي

مشاهدة النسخة كاملة : الناس ترفعها المراجل والاخلاق

عبدالله بن مرضي الودعاني
22/03/2006, 01:43
اهدي هذه القصيده المتواضعه لمنتدانا الغالي عسى ان تنال اعجاب منسوبيه

بالقاف أسلي خاطـري كـل ماظـاق=خواطر(ن) تنبع من اهجـوس ضيقـه
مثايل(ن) مع داجـي الليـل تنسـاق=أولـه لهـا ولـه القلـوب العشيقـه
أسس قواعدها علـى بيـض الأوراق=وابني عليها مـن البيـوت الغميقـه
من شأن من يطرح لها السمع يشتاق=ونقادهـا مـا أبغـا يجيلـه طريقـه
ماكل من ينطـق يقـال إنـه نطـاق=يحكـم عليـه إيـلا تكلـم نطيـقـه
ولاكل رمـاي(ن) يقـال انـه تفـاق=ولاكل صيد(ن) من قنص لـه يعيقـه
وإن جيت بوصف من التواصيف مالاق=بحث(ن) عن إعجاب الوجيه الطليقـه
أختـرت مايطـرب رفيعيـن الاذواق=ومـن الزلـل حصنتهـا بالحقيـقـه
حقايـق(ن) ماهيـب تحتـاج ميثـاق=تشهـد لصحتهـا العقـول الوثيـقـه
عن ما تشوف أعيوني مـن التفـراق=فـي سيـرة الدنيـا وطبـع الخليقـه
وأبدى وأقول الطيب من فضل خـلاق=ومـن لاوهبـه الله يظيـع طريـقـه
والناس ترفعها المراجـل والاخـلاق=يوم الـردي كسبـه عـداوة رفيقـه
رجل(ن) يجي لقرابـه اظـلال ورواق=تجذبـه للطيـب الاصـول العريـقـه
ورجل(ن) يلامن طاب طيبه تلصمـاق=مثل السـراب يـزول عجـل بريقـه
ورجل(ن) مجاله بالثنا يشرق إشـراق=ورجل (ن)كما جمة قليب(ن) عميقـه
ورجل(ن) نظر عينه رفيـع للآفـاق=ورجل(ن) عيونه في الأمور الدقيقـه
ورجل(ن) براسه من الصواديف دناق=يروغ منها لـو تجـي فـي شقيقـه
ورجل(ن) يلا نشفت من الحمل الارياق=يشيل حمـل اللـي عجـز لا يطيقـه
والبلشـة اللـي مـا تلهمـد بلـزاق=اللي لخـو مـره رحـول ووسيقـه
اللي لربعه حرقـة اكبـود وإرهـاق=خلقـة وبـا ماينعـرف لـه طريقـه
اللي علـى طـرد المقفيـن شفـاق=ومن كثر هرجه بالقفا نشـف ريقـه
وإذا درى ان الوضع قـرب التوهـاق=جوده ومجهـوده يجـي فـي طقيقـه
مايدري إن له في المطاليـق معـلاق=يحشم جنابـه لجـل حشمـة فريقـه
حلو اللسان اللي مـع الوقـت بـواق=مـا أشبهـه كـون العبـاة الرقيقـه
هذا لك أفضـل بيـع جمعـاه بفـراق=من قبل تصبح منـه كبـدك حريقـه



000000000000000وسلامتكم ولكم وافر التقدير0000000

محبكم| عبدالله بن مرضي الودعاني
عابر سبيل
22/03/2006, 02:42
حلو اللسان اللي مـع الوقـت بـواق مـا أشبهـه كـون العبـاة الرقيقـه
هذا لك أفضـل بيـع جمعـاه بفـراق من قبل تصبح منـه كبـدك حريقـه


بيتين عن قصيده دون قصور في باقي الابيات


صح لسانك وجاد بيانك
مبارك بن شيبان (بن نملان)
22/03/2006, 13:01
صح الله لسانك اخوي ابو مرضي
سلمت يمناك يا الغالي
وانا اتنازل عن اشرافي لك لانك تستاهله واهل له
انا اشغالي كاثره مع الوالد
وانت تستاهل يابو مرضي
تحياتي وتقديري لك
الرمـalram7ـح
23/03/2006, 02:51
سبقني عليها اخونا المشرف مبارك

وإلا كنت سأقوم بتقليد شاعرنا ابو طلال إشرافي على هذا القسم

<<< والله من النصب يالرمح !!!

ويستاهل الاخ عبدالله كل خير

<<< يبي يضيّر مبارك:sm48:

لانقول إلا من كريم لمستحق .. والله الله في العهده يابوطلال !!

****

ماكتب بالأعلى مجرد مداعبه لاغير متمنين قبولها بصدر رحب من الجميع

****

صح الله لسانك يابومرضي .. وقصيده تشرفت بقرائتها من قبل

بموقع قبيلة الدواسر الرسمي وأسعدني رؤيتها هنا بمنتدانا أيضاً

شكرا لك على وضعها هنا وهناك يابوطلوول على قولتك !!:sm267:

تحياتي للجميع ،،،،
عبدالله بن مرضي الودعاني
23/03/2006, 14:22
مرحبا بك ياعابرسبيل ترحيبة الود والغلا 0000وكم ذوقك رفيع ولاهنت على المرور العذب لاخلينا منك ولاعدمنا
عبدالله بن مرضي الودعاني
23/03/2006, 14:31
الاخ مبارك ارررررررررررحب مليون ترحيبه× مليون ترحيبه ولاعدمنا ولاخلينا من مرورك المستهدف من قبلنا فكم هو ثمين 0000واما من ناحية تنازلك من الاشراف فأعلم انك لو تنازلت انت بالذات عن الاشراف لما بقي لي في هذا المنتدى داعي فكم وجودك وشرواك يمده بالنور وانا وانت يالقرم مكملين لبعض سواء انت المشرف ولا انا علماً انني اعتبر نفسي المشرف حالياً تعلم لماذا ؟؟؟ لانني اثق بالمشرف ولو اردت اي اجراء فهو ليس بالبعيد امون عليه واعرف هاتفه ولايستدعي الامر الاقول الووو يامحب الجميع نرى كذا!!! ولن نجد منك الا الكرم بالرد بقول تامر امر فلماذا نترك لك فرصة تغيب عنا ونحن لانستطيع المواصلة بدونك 0000000في الختام عزيزي مبارك آمل ان لااسمع منك هذا مرة ثانيه فليس هناك امل لك فيما ذكرت
عبدالله بن مرضي الودعاني
23/03/2006, 14:37
الاخ الرمح ارررررررررررحب مليون ترحيبه× مليون ترحيبه ولاعدمنا ولاخلينا من مرورك المستهدف من قبلنا فكم هو ثمين 0000واما من ناحية تنازلك من الاشراف فأعلم انك لو تنازلت انت بالذات عن الاشراف لما بقي لي في هذا المنتدى داعي فكم وجودك وشرواك يمده بالنور وانا وانت يالقرم مكملين لبعض سواء انت المشرف ولا انا علماً انني اعتبر نفسي المشرف حالياً تعلم لماذا ؟؟؟ لانني اثق بالمشرف ولو اردت اي اجراء فهو ليس بالبعيد امون عليه واعرف هاتفه ولايستدعي الامر الاقول الووو يامحب الجميع نرى كذا!!! ولن نجد منك الا الكرم بالرد بقول تامر امر فلماذا نترك لك فرصة تغيب عنا ونحن لانستطيع المواصلة بدونك 0000000في الختام عزيزي مبارك آمل ان لااسمع منك هذا مرة ثانيه فليس هناك امل لك فيما ذكرت
هاب الريح
23/03/2006, 16:02
الاخ الحبيب
ابو مرضي
لاهنت وبيض الله وجهك ونحن نثمن لك هذا التواجد المثمر ولا يخفى على الجميع هذا النشاط الملاحظ منذو ان بدات في هذا القسم
فلا عدمناك وكثر الله امثالك
عبدالله بن مرضي الودعاني
24/03/2006, 02:10
الاخ هاب الريح احسنت انتقاء الاسم المستعار ومن ثم احسنت اكرامه واعطائه حقه ونشكرك على المرور القرم وتحرمنا منه مستقبلا فكم يعنينا
مبارك بن شيبان (بن نملان)
24/03/2006, 13:20
الاخ العزيز ابو مرضي انا ما تنازلت عن الاشراف لك الا لانك تستاهل ودايم متواجد في المنتدى بعدين لا تنسا انك شاعر المنتدى وانا ابيك تصير بعد( مشرف ابداعاتي الشعرية و شاعر المنتدى )
وانا راح اكلم مشرفنا العزيز ابو محمد على تنازلي لاني بالكاد اجي المنتدى وانت تستاهله واهل له يابو مرضي
اخوك / عاشق الريم
عبدالله بن مرضي الودعاني
25/03/2006, 12:23
ا لاخ مبارك اقصر الجدال على قول المثل مابه حجه الا بالقرين
الباسل
27/03/2006, 11:15
ماكل من ينطـق يقـال إنـه نطـاق
يحكـم عليـه إيـلا تكلـم نطيـقـه

بيض الله وجهك يابومرضي

كل بيت أقوى وأحلى من اللي قبله

على قولة الشاعر الرمز
شلعان بن ظافر رحمه الله


لاجيت ابمدح ذا تزايد الآخر



وانا لاجيت ابدي اعجابي باحد ابياتها طلع الثاني احسن منه


تحياتي اخي ابومرضي وتمنياتي لك بالتوفيق

اخوك الباسل
عبدالله بن مرضي الودعاني
27/03/2006, 15:35
ارررررررحب اخي الباسل ومشكور على المرور العذب وان تكلمت حن الجزاله فهي تكمن في ذوقك0000 لك الود والورد
نجم سهيل
28/03/2006, 00:32
السلام عليكم
اخوي عبدالله......... مساء الخير ومساء المطر والغيث
طالعت القصيده وقريتها كاحد الزوار بغض النظر عن الاسم اقصد القائل
وثق تمام الثقه باني لا اجااااااملك....... كلام ذهب ياعبدالله
اعجاابي اسجله بالقصيدة بدون اسم
واذا ذكر الاسم اقصد القاااائل فيزيدني شرف اكثر لانك قائلها
روووووعه ياعبدالله ومشكور وصح لسانك

لاعدمنااااااااااااااا حضورك وتوهجك اشعاعاً لنا
اخوك نجم سهيل
أبو محمد الودعاني
28/03/2006, 08:42
ماكل من ينطـق يقـال إنـه نطـاق*******يحكـم عليـه إيـلا تكلـم نطيـقـه
صح لسانك
قصيدة رائعة
وحكم بليغة
لا تصدر الا من حكيم مجرب
بارك الله فيك
عبدالله بن مرضي الودعاني
29/03/2006, 23:38
الاخ نجم سهيل احمد الله ان عينتك تتواجد في منتدانا بشكل خاص وفي مجتمعنا بشكل عام ومرورك وابداء اعجابك هو احد اهدافي الرئيسيه عندما بدئت في ترتيب قوافي هذه القصيده وغيرها فلا اقول إلا لاعدمنا تواجدك الثمين ولاهنت ياذيبان0000لك الود الخاص من محبك ابو طلال
عبدالله بن مرضي الودعاني
29/03/2006, 23:42
المشرف العذب اهلا بك بلاعدد والى الابد فكم اتحفتنا بمرورك الجميل الذي نشكرك عليه جزيل الشكر00يامحب الجميع
صادق الود
25/01/2008, 04:04
بيض الله وجهك أبومرضي
وصح لسانك
عبدالله بن مرضي الودعاني
27/01/2008, 13:34
بيض الله وجهك أبومرضي
وصح لسانك


الاخ الكريم

صادق الود

صح بدنك واشكرك على مرورك ومتابعتك الجزله



ولك الود والورد من محب الكل

ابوطلال