قصيده مهداه الى مشرف المنتدى [الأرشيف]

مشاهدة النسخة كاملة : قصيده مهداه الى مشرف المنتدى

عبدالله بن مرضي الودعاني

25/02/2006, 13:54

قصيده مهداه لمشرف المنتدى بمناسبة تشريفه لي بمنحي لقب (شاعر المنتدى)

المنتدى اللي منحني رمزه العالي=مشكور والشكر للمشرف على طيبه
هذا دليل على ان في الثوب رجالي= ورمز على بعد نظراته وتهذيبه
يستاهل انا نقول المشرف الغالي= يفرض علينا احترامه حسن أساليبه
وانا أمدح المشرف الطيب ولا أمالي = اقول قولي وخل الناس تدريبه
لجل انه من مسلك اهل الحق ما مالي= ويحفظ احقوق الرجال اللي لها هيبه
وانا احمد الله الكريم الواحد الوالي = اللي رفعنا على العالم بترتيبه
حنا الوداعين منبع طيب الافعالي= بين العرب طيبنا كلن يهذريبه
طيب الفعايل عوايدنا أول وتالي=تاج من المجد نلبسه ونماريبه
أهل السليل عروسة ربعنا الخالي= من جا لهم عانيٍ ياخذ مطاليبه
وأفخر بقولي وقول الحق ينقالي= والحق مايمدي الحساد تكذيبه
الشاعر | عبدالله بن مرضي الجماعين

أبو علاااوي

25/02/2006, 21:12

صح لسااااااانك ياشاعرالمنتدى
وبيض الله وجهك على هذا الإبداع
وهديتك هذي لمشرف المنتدى غير !!!!!
تدري ليش لأنك كريم وأبومحمد يستاااااااهل

أبو محمد الودعاني

25/02/2006, 22:01

مشكور مشكور يا بو مرضي يالغالي=اشهد انك شاعر(ن) صدق بلا ريبه
هذا حق والحق لابد ينقالي=يالشهم يالفارس يا منبع الطيبه
حق علينا نكرمه ونرفعه عالي=رجل كريم وفي مشيته هيبه
علومه غانمه وما تنشرى بمالي=القاف مذلـلـه والصعب يجيبه
اسألك يالرحمن يالمعبود يالوالي=ترفع مقامه والفردوس يصيبه

مشكور يا بو مرضي على هذه القصيده والمشاعر الصادقه
وانت شاعر المنتدى والدواسر كلهم
وما قيل في حقك فهو شوي
بيض الله وجهك

الجو الهادي

25/02/2006, 22:40

تحياتي لك اخ عبدالله وصح لسانك على هذه القصيده الرائعه وانت كريم والمشرف يستاهل

الرمـalram7ـح

25/02/2006, 22:48

قصيده جزله من شاعر جزل

صح لسانك ياشاعر المنتدى على هذه الرائعه والتي قيلت بمن يستحقها

ومبروك المنصب يابوطلال شاعر المنتدى

تحياتي للجميع ،،،

الباسل

25/02/2006, 23:44

صح لســــانك يابومرضي

وبيض الله وجهك

ويســتاهل ابومحمد

هاب الريح

26/02/2006, 00:22

صح لسانك يا شاعر المنتدى يا ابو مرضي ولا هنت وبيض الله وجهك
والمشرف ابو محمد يستاهل
لانه الحقيقه رجل اعطى المنتدى الكثير من وقته وجهده وماله
وليس بغريب ان يمدح او يشكر فهو اهل لذلك والى الامام ابو محمد
وشكرا لكم

نجم سهيل

26/02/2006, 01:54

لالا لا لالالالالالا
مايصير ياعبدالله بنزعل بجد
وشبقيت اكلت الجو علينا
اليوم المشرف وبكره الفخري وبعده المشرفين كلهم<<< ههههههههههههه
عموماً..... ابو طلال
ابو محمد يستاااااااهل
طيب جداً..... هادئ..... متواضع جداً...... قليل كلام.... والاهم رجل فااااااااهم
ويحب عمله ويهوااااااه.
وصح لساااااااااانك ياشاعر المنتدى وتستاااااااااااهل
ولاعدمنا ها الشعر وها الحضور القوي

عبدالله بن مرضي الودعاني

26/02/2006, 16:24

الاخ - ابوعلاوي
الاخ- الجو الهادي
الاخ - الرمح
الاخ- الباسل
الاخ- نجم سهيل
الله الايهينكم على المرور الثمين ويكفيني شكل اسماكم مصفوفه تحت مشارتكي وابو محمد حقه اكبر ولا اخفيكم ان فكرة تقديم الشكر له على جهوده تراودني قبل المسمى وطاريه ولكن ابو محمد سبق بالطيب وفتح لنا الباب ويستاهل

الاخ المشرف- صح لسانك على الرد ولا لنا طيب فيك وحقك اكبر اذا تكلمنا بالواقع والمنطق

تحياتي للجميع مثناه

أبو محمد الودعاني

26/02/2006, 22:06

شكرا للجميع بلا استثناء
وان شاء الله يا بو مرضي القصيدة ببروزها
وحطها في المجلس

صادق الود

25/01/2008, 03:48

وصح لساااااااااانك ياشاعر المنتدى وتستاااااااااااهل
ولاعدمنا ها الشعر وها الحضور القوي
ويستاهل أبومحمد

عبدالله بن مرضي الودعاني

27/01/2008, 14:00

وصح لساااااااااانك ياشاعر المنتدى وتستاااااااااااهل
ولاعدمنا ها الشعر وها الحضور القوي
ويستاهل أبومحمد

الاخ الكريم

صادق الود

صح بدنك واشكرك على مرورك ومتابعتك الجزله لاعدمتك

ولك الود والورد من محب الكل

ابوطلال